IND vs AUS: ఢిల్లీ నుంచి ఇంటికే.. ఆస్ట్రేలియా వెళ్లని ఆ ఇద్దరు టీమిండియా ఆటగాళ్లు.. ఎందుకంటే?

India vs Australia ODI Series: భారత్ వర్సెస్ వెస్టిండీస్ మధ్య టెస్ట్ సిరీస్ ముగిసింది. ఇప్పుడు ఆస్ట్రేలియా పర్యటనకు సమయం ఆసన్నమైంది. ఇందుకోసం టీం ఇండియా అక్టోబర్ 15న బయలుదేరుతుంది. ఇద్దరు భారతీయ ఆటగాళ్ళు ఆస్ట్రేలియా కాదు, స్వదేశంలోనే ఉండిపోనున్నారు.

Ind Vs Wi Records

Venkata Chari |
Updated on: Oct 14, 2025 | 8:28 PM

IND vs AUS: భారత క్రికెట్ జట్టు వెస్టిండీస్‌ను స్వదేశంలో 2-0 తేడాతో ఓడించింది. ఇప్పుడు ఆస్ట్రేలియాలో పర్యటించాల్సిన సమయం ఆసన్నమైంది. అక్కడ వన్డే, టీ20 సిరీస్‌లు ఆడనుంది. ఈ వన్డే సిరీస్ కోసం టీం ఇండియా అక్టోబర్ 15న బయలుదేరుతుంది. భారత క్రికెట్ జట్టు ఢిల్లీ నుంచి ఆస్ట్రేలియాకు బయలుదేరుతుంది. వెస్టిండీస్‌తో ఆడుతున్న ఇద్దరు ఆటగాళ్ళు జట్టుతో ఆస్ట్రేలియాకు వెళ్లరు. బదులుగా ఇంటికి వెళ్లనున్నారు. ఈ ఆటగాళ్లు రవీంద్ర జడేజా, సాయి సుదర్శన్. వీరిని ఆస్ట్రేలియాతో జరగనున్న వన్డే, టీ 20 సిరీస్‌లలో చేర్చలేదు.

జడేజాకు అవకాశం రాలే..

రవీంద్ర జడేజా టీ20 ఫార్మాట్ నుంచి రిటైర్ అయ్యాడు. కానీ, వన్డే జట్టుకు ఎంపిక కాలేదు. ఆస్ట్రేలియాలోని పరిస్థితులను పరిగణనలోకి తీసుకుని ఈ నిర్ణయం తీసుకున్నారు. ఇంతలో, సాయి సుదర్శన్ ఐపీఎల్‌లో అద్భుతమైన ప్రదర్శన ఇచ్చినప్పటికీ, టీ20, వన్డే జట్లలో చోటు దక్కించుకోలేకపోయాడు. ఆసియా కప్‌కు కూడా అతన్ని ఎంపిక చేయలేదు. ఈ పర్యటనలో అందరి దృష్టి రోహిత్ శర్మ, విరాట్ కోహ్లీపైనే ఉంటుంది. రోహిత్‌ను వన్డే కెప్టెన్సీ నుంచి తొలగించిన సంగతి తెలిసిందే. విరాట్ కోహ్లీ కెరీర్ కూడా ప్రమాదంలో పడనుంది.

ఆస్ట్రేలియా పర్యటనకు భారత జట్టు..

భారత వన్డే జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్, నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, హర్షిత్ రాణా, మహమ్మద్ సిరాజ్, అర్ష్‌దీప్ సింగ్, ప్రసీద్ద్ కృష్ణ, ధృవ్‌ జురేల్, యశస్వి జైస్వాల్.

ఇవి కూడా చదవండి

భారత టీ20 జట్టు: సూర్యకుమార్ యాదవ్ (కెప్టెన్), అభిషేక్ శర్మ, శుభ్‌మన్ గిల్, తిలక్ వర్మ, నితీష్ కుమార్ రెడ్డి, శివమ్ దూబే, అక్షర్ పటేల్, జితేష్ శర్మ, వరుణ్ చక్రవర్తి, జస్‌ప్రీత్ బుమ్రా, అర్ష్‌దీప్ సింగ్, కుల్దీప్ యాదవ్, హర్షిత్ రాణా, సంజూ శాంసన్, వాషింగ్టన్ సుందర్.