జూనియర్ ఎన్టీఆర్

యంగ్ టైగర్ ఎన్టీఆర్.. చైల్డ్ ఆర్టిస్ట్ గా బాలరామాయణం సినిమాలో నటించి మెప్పించాడు. అంతకు ముందు బ్రహ్మర్షి విశ్వామిత్ర సినిమాలో నటించాడు. 2001లో వచ్చిన నిన్ను చూడాలని సినిమాతో హీరోగా మారాడు. ఆ సినిమా ఆశించిన స్థాయిలో విజయం సాధించలేకపోయింది. అదే ఏడాది వచ్చిన స్టూడెంట్ నెంబర్ వన్ సినిమాతో మంచి విజయాన్ని అందుకున్నాడు. రాజమౌళి దర్శకత్వం వహించిన ఈ సినిమా ఎన్టీఆర్ కు మంచి హిట్ ఇచ్చింది. అదే ఏడాది సుబ్బు అనే సినిమా చేశాడు. ఈ సినిమా నిరాశపరిచింది. ఆ వెంటనే వచ్చిన ఆది సినిమా భారీ విజయాన్నిఅందుకుంది. ఇలా ఒకే ఏడాది లో నాలుగు సినిమాలు చేసి రెండు భారీ విజయాలను అందుకున్నాడు ఎన్టీఆర్.

ఇక ఎన్టీఆర్ డాన్స్ కు , యాక్టింగ్ కు, డైలాగ్ డెలివరీకి ఫిదా కానీ ప్రేక్షకులు ఉండరు. ఇటీవలే ఆర్ఆర్ఆర్ సినిమాతో సంచలన విజయం అందుకున్నాడు . దర్శక ధీరుడు రాజమౌళి దర్శకత్వంలో తెరకెక్కిన ఆర్ఆర్ఆర్ సినిమాలో కొమురం భీం గా తన అద్భుత నటనతో ప్రేక్షకులను మెప్పించాడు తారక్. ఇక ఇప్పుడు దేవర సినిమాతో ప్రేక్షకుల ముందుకు రానున్నాడు ఈ సినిమా కొరటాల శివ దర్శకత్వం వహిస్తున్నాడు. ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్‎గా నటిస్తుంది. ఈ సినిమా రెండు భాగాలుగా ప్రేక్షకుల ముందుకురానుంది.