యూట్యూబ్ చూసి ఆపరేషన్.. చివరికి..

కొందరు నకిలీ డాక్టర్లు అమాయక ప్రజల ప్రాణాలతో ఆటలాడుకుంటున్నారు. అర్హత లేకుండా వైద్యం చేస్తూ నిండు ప్రాణాం తీసేసాడు ఓ నకిలీ డాక్టర్‌. యూట్యూబ్ వీడియో చూసి ఆపరేషన్ చేయడంతో ఓ మహిళ ప్రాణాల మీదకు తెచ్చింది. ఎలాంటి అర్హత లేకుండా అక్రమంగా క్లినిక్ నడుపుతున్న వ్యక్తి, అతడి మేనల్లుడు కలిసి చేసిన నిర్వాకంతో ఆమె మృతి చెందింది. ఈ దారుణ ఘటన ఉత్తరప్రదేశ్‌లోని బారాబంకిలో చోటుచేసుకుంది. పోలీసుల వివరాల ప్రకారం… తేజ్‌బహదూర్ రావత్ భార్య మునిశ్రా రావత్ కొంతకాలంగా కడుపు నొప్పితో బాధపడుతోంది. డిసెంబరు 5న ఆమెను భర్త ఓ క్లినిక్‌కి తీసుకెళ్లాడు. క్లినిక్ నిర్వాహకుడు గ్యాన్ ప్రకాశ్ మిశ్రా ఆమెను పరీక్షించి, కడుపులో రాళ్లు ఉన్నాయని, ఆపరేషన్ చేయాలని చెప్పాడు. ఇందుకు రూ.25,000 ఖర్చవుతుందని చెప్పడంతో బాధితురాలి భర్త ముందుగా రూ.20,000 చెల్లించాడు. అనంతరం గ్యాన్ ప్రకాశ్ మద్యం మత్తులో యూట్యూబ్ వీడియో చూస్తూ తన మేనల్లుడు వివేక్ కుమార్ మిశ్రాతో కలిసి ఆపరేషన్ ప్రారంభించాడని మృతురాలి భర్త తన ఫిర్యాదులో ఆరోపించారు. సర్జరీ సమయంలో కడుపులో లోతైన కోత పెట్టడంతో కొన్ని నరాలు తెగిపోయి తీవ్ర రక్తస్రావం అయిందని, దీంతో పరిస్థితి విషమించి మర్నాడు ఆమె మృతి చెందిందని వెల్లడించారు. నిందితుల్లో ఒకడైన వివేక్ కుమార్ మిశ్రా, రాయ్‌బరేలీలోని ఓ ఆయుర్వేద ఆసుపత్రిలో ఉద్యోగి అని, ఆ ఉద్యోగాన్ని అడ్డం పెట్టుకుని కొన్నేళ్లుగా ఈ అక్రమ క్లినిక్‌ను నడుపుతున్నట్లు పోలీసులు గుర్తించారు. ఘటన అనంతరం అధికారులు క్లినిక్‌ను సీజ్ చేశారు. నిర్లక్ష్యం కారణంగా మృతికి కారణమయ్యారన్న ఆరోపణలతో పాటు ఎస్సీ ఎస్టీ అట్రాసిటీ నిరోధక చట్టం కింద ఇద్దరిపై కేసు నమోదు చేశారు. పరారీలో ఉన్న నిందితుల కోసం పోలీసులు గాలిస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

మొదటిరాత్రి కోసం ఆశగా ఎదురుచూసిన వధువుకు ఊహించని షాక్‌..

Hyderabad: హైదరాబాద్‌కు బీచ్ వచ్చేస్తోందోచ్

పదేళ్ల రికార్డ్‌ బ్రేక్‌… మరో మూడు రోజులు బీ అలర్ట్‌

ఈ చెట్టు కాయలు సాక్షాత్తూ పరమశివుని ప్రతిరూపాలు

సూర్యాస్తమయం తర్వాత.. ఆలయంలోకి వెళ్లే సాహసం ఎవరూ చేయరు