Hyderabad: గ్రేటర్ వాసులకు అలర్ట్.. ఈ ప్రాంతాల్లో తాగునీరు బంద్..

హైదరాబాద్ మహా నగరానికి తాగునీరు సరఫరా చేసే కృష్ణా డ్రింకింగ్ వాటర్ సప్లై పథకం ఫేజు-2లో గున్ గల్ నుంచి సాహెబ్ నగర్ వరకు ఉన్న 2200 ఎంఎం డయా ఎంఎస్ గ్రావిటీ మెయిన్ పైపు లైనుకు రాగన్నగూడ వద్ద భారీ లీకేజీ ఏర్పడింది. ఈ లీకేజీని అరికట్టడానికి మరమ్మతు పనులు చేపడుతున్నారు.

Water Tap

Vidyasagar Gunti | Edited By: Shiva Prajapati|
Updated on: Oct 08, 2023 | 7:22 AM

హైదరాబాద్, అక్టోబర్ 7: హైదరాబాద్ మహా నగరానికి తాగునీరు సరఫరా చేసే కృష్ణా డ్రింకింగ్ వాటర్ సప్లై పథకం ఫేజు-2లో గున్ గల్ నుంచి సాహెబ్ నగర్ వరకు ఉన్న 2200 ఎంఎం డయా ఎంఎస్ గ్రావిటీ మెయిన్ పైపు లైనుకు రాగన్నగూడ వద్ద భారీ లీకేజీ ఏర్పడింది. ఈ లీకేజీని అరికట్టడానికి మరమ్మతు పనులు చేపడుతున్నారు. ఈ కారణంగా 11-10-2023, బుధవారం ఉదయం 6 గంటల నుంచి మరుసటి రోజు అంటే.. 12.10.2023, గురువారం ఉదయం 6 గంటల వరకు ఈ పనులు జరుగుతాయి. ఈ నేపథ్యంలో ఈ 24 గంటలు జలమండలి పలు డివిజన్ల పరిధిలోని కొన్ని ప్రాంతాల్లో నీటి సరఫరాలో అంతరాయం కలుగుతుంది. ఈ విషయాన్ని గమనించి ప్రజలు అప్రమత్తంగా ఉండాల్సిన అవసరం ఉంది. మరమ్మతు పనులు పూర్తయిన తరువాత.. నీటి సరఫరాను పునరుద్ధరించడం జరుగుతుంది. ప్రజలు ఈ విషయాన్ని గుర్తించి.. నీటిని ముందుగానే నిల్వ చేసుకుంటే ఇబ్బందులకు గురి కాకుండా ఉంటారు. ఈ మేరకు హైదరాబాద్ జలమండలి ఒక ప్రకటన విడుదల చేసింది.

హైదరాబాద్‌లో నీటి సరఫరాకు అంతరాయం ఏర్పడే ప్రాంతాలివే..

ఓ అండ్ ఎం డివిజన్-1: ఎన్పీఏ, మిరాలం.
ఓ అండ్ ఎం డివిజన్-2: బాలాపూర్, మైసారం, బార్కాస్.
ఓ అండ్ ఎం డివిజన్-5: మేకలమండి, భోలక్ పూర్.
ఓ అండ్ ఎం డివిజన్-7: తార్నాక, లాలాపేట్, బౌద్ధనగర్, మారేడ్ పల్లి, కంట్రోల్ రూమ్, రైల్వేస్, ఎంఈఎస్, కంటోన్మెంట్, ప్రకాశ్ నగర్, పాటిగడ్డ.
ఓ అండ్ ఎం డివిజన్-9: హస్మత్ పేట్, ఫిరోజ్ గూడ, గౌతమ్ నగర్.
ఓ అండ్ ఎం డివిజన్-10 (ఏ), (బి): వైశాలి నగర్, బీఎన్ రెడ్డి నగర్, వనస్థలిపురం, ఆటో నగర్, అల్కపురి కాలనీ.
ఓ అండ్ ఎం డివిజన్-13: మహీంద్ర హిల్స్.
ఓ అండ్ ఎం డివిజన్-14: ఏలుగుట్ట, రామంతాపూర్, ఉప్పల్, నాచారం, హబ్సిగూడ, చిల్కానగర్, బీరప్పగడ్డ.
ఓ అండ్ ఎం డివిజన్-16: బుద్వేల్, శాస్త్రిపురం.
ఓ అండ్ ఎం డివిజన్-19: బోడుప్పల్.
ఓ అండ్ ఎం డివిజన్-20: మీర్ పేట్, బడంగ్ పేట్, శంషాబాద్, మన్నెగూడ.

పైన పేర్కొన్న నీటి సరఫరాలో అంతరాయం కలిగే ప్రాంతాల వినియోగదారులు నీటిని పొదుపుగా వినియోగించుకోవాలని హైదరాబాద్ జలమండలి అధికారులు సూచించారు. అలాగే ముందుగానే నీటిని నిల్వ ఉంచుకోవాలని తెలిపారు.

ఇవి కూడా చదవండి