ఉగాది 2026

ఉగాది అంటే సృష్టి ప్రారంభం అయిన రోజు.. హిందూ క్యాలెండర్ ప్రకారం కొత్త సంవత్సరం మొదటి రోజున జరుపుకునే పండుగ ఉగాది. చైత్రశుద్ధ పాడ్యమి రోజున ఉగాదిగా జరుపుకుంటారు. ఈ ఏడాది తెలుగు కొత్త సంవత్సరం మార్చి 30వ తేదీన జరుపుకోనున్నారు. ఆదివారం రోజున శ్రీ విశ్వావసు నామ సంవత్సరంలోకి అడుగు పెట్టనున్నాం.

ఉగాది లేదా యుగాది అనే పదం రెండు పదాల కలయిక.. యుగాది అంటే “యుగం” (వయస్సు) “ఆది ” (ప్రారంభం) అని అర్ధం. హిందూ చాంద్రమాన క్యాలెండర్ లేదా పంచాంగ ప్రకారం ఉగాదిని ఆంధ్రప్రదేశ్, తెలంగాణ సహా కర్ణాటక, గోవా రాష్ట్రాల్లో వివిధ పేర్లతో ఘనంగా జరుపుకుంటారు. ఉగాదినే మహారాష్ట్ర, మధ్యప్రదేశ్ సహా పలు ప్రాంతాల్లో గుడి పడ్వా పండగగా జరుపుకుంటారు. ఇక ఉగాదిని తెలుగు వారు ఘనంగా స్వాగతం పలుకుతారు. ప్రజలు తమ ఇళ్లను శుభ్రపరిచి, ముగ్గులతో, మావిడాకుల తోరణాలతో అలంకరించి తెలుగు కొత్త సంవత్సరానికి స్వాగతం పలుకుతారు.

తెలుగు రాష్ట్రాల్లో ఉగాది అనగానే ముందుగా గుర్తుకొచ్చేది వేప పువ్వు పచ్చడి, పంచాంగ శ్రవణం. ప్రజలు కొత్త బట్టలు ధరించి ఆలయానికి వెళ్తారు. ఆలయంలో పండితులు చెప్పే పంచాంగ శ్రవణాన్ని విని తమ భవిష్యత్ ను తెలుసుకుంటారు.