వంట గ్యాస్

లిక్విఫైడ్ పెట్రోలియం గ్యాస్ (LPG) ఆధునిక జీవితంలో ఒక అనివార్య భాగంగా మారింది. LPG అనేది ప్రొపేన్, బ్యూటేన్ వాయువుల మిశ్రమం. సాధారణంగా గృహ అవసరాలకు ఉపయోగించే గ్యాస్ సిలిండర్ 14.2 కిలోల బరువు ఉంటుంది. రోజువారీ వంట కోసం ప్రతి ఒక్కరి ఇళ్లల్లో ఉపయోగిస్తుంటారు. ఇందులో వాయువుల మిశ్రమం ఉంటుంది. దీనిని ఒత్తిడి ద్వారా ద్రవ రూపంలోకి మార్చి సిలిండర్లలో నిల్వ చేస్తారు. ఈ సిలిండర్‌ వాడకం వల్ల పర్యావరణానికి ఎలాంటి కాలుష్యం కలిగించదు. ఇది చాలా తక్కువ పీడనం వద్ద సిలిండర్లలో ప్యాక్‌ అవుతుంది. ఇక పెద్ద ఎత్తున ఉపయోగించే వాణిజ్య గ్యాస్ సిలిండర్‌ బరువు 19 కిలోల వరకు ఉంటుంది. దీనిని హోటళ్ళు, రెస్టారెంట్లు, ఇతర కర్మాగారాలలో ఆహార తయారీకి ఉపయోగిస్తారు. ఈ LPG గ్యాస్ సిలిండర్ల ధర మార్కెట్ పరిస్థితిని బట్టి హెచ్చుతగ్గులకు లోనవుతుంది. అంతర్జాతీయ ముడి చమురు ధర, యూఎస్‌ డాలర్‌తో పోలిస్తే భారత రూపాయి విలువ దాని ధరను నిర్ణయించడంలో ముఖ్యమైన పాత్ర పోషిస్తాయి.