కారు కొనాలనుకుంటున్నారా? అయితే ఈ గుడ్‌న్యూస్‌ మీకే! రూ.50000 తగ్గింపు

దక్షిణ కొరియా ఆటోమొబైల్ కంపెనీ కియా భారత మార్కెట్లో మార్చి 2026 వరకు తన పలు కార్లపై ఆకర్షణీయమైన డిస్కౌంట్లను ప్రకటించింది. ఆర్థిక సంవత్సరం ముగిసే ముందు కారు కొనాలనుకునే వినియోగదారులను ఆకర్షించడానికి కంపెనీ ఈ ఆఫర్లను అందిస్తోంది. కొన్ని మోడళ్లపై మొత్తం ప్రయోజనం రూ.50,000 వరకు ఉండే అవకాశం ఉంది. కియా సోనెట్ కాంపాక్ట్ ఎస్‌యూవీపై మొత్తం రూ.30,000 వరకు డిస్కౌంట్ లభిస్తోంది. ఇందులో రూ.10,000 క్యాష్ తగ్గింపు, రూ.10,000 ఎక్స్చేంజ్ బోనస్, రూ.10,000 కార్పొరేట్ బెనిఫిట్స్ ఉన్నాయి. ఈ మోడల్ భారత మార్కెట్లో టాటా నెక్సాన్, హ్యుందాయ్ వెన్యూ, మారుతి సుజుకి బ్రెజ్జా వంటి ఎస్‌యూవీలతో పోటీ పడుతోంది.

మిడ్ సైజ్ ఎస్‌యూవీ అయిన కియా సెల్టోస్ కొనుగోలు చేసే వారికి రూ.20,000 ఎక్స్చేంజ్ బోనస్‌తో పాటు ఎక్స్‌టెండెడ్ వారంటీ ప్యాకేజ్ అందుబాటులో ఉంది. ఈ వాహనం హ్యుందాయ్ క్రెటా, హోండా ఎలివేట్, స్కోడా కుషాక్ వంటి కార్లతో మార్కెట్లో పోటీపడుతోంది. కొత్త ఎస్‌యూవీ అయిన కియా సైరోస్ పై మొత్తం రూ.40,000 వరకు ప్రయోజనాలు లభిస్తున్నాయి. ఇందులో రూ.10,000 క్యాష్ తగ్గింపు, రూ.20,000 ఎక్స్చేంజ్ బోనస్, రూ.10,000 కార్పొరేట్ ఆఫర్ ఉన్నాయి.

అలాగే కియా కారెన్స్ క్లావిస్ పై కూడా ఇలాంటి ప్రయోజనాలు అందుబాటులో ఉన్నాయి. మరోవైపు ఎలక్ట్రిక్ వేరియంట్ అయిన కియా కారెన్స్ క్లావిస్ ఈవీ పై రూ.20,000 వరకు క్యాష్ తగ్గింపు, రూ.20,000 ఎక్స్చేంజ్ బోనస్, రూ.10,000 కార్పొరేట్ ఆఫర్ లభిస్తాయి. దీంతో మొత్తం ప్రయోజనం రూ.50,000 లేదా అంతకంటే ఎక్కువకు చేరుతుంది. ఇప్పటికే కియా కార్లు కలిగిన వినియోగదారులకు కంపెనీ ప్రత్యేక లాయల్టీ బోనస్ పథకాన్ని కూడా అందిస్తోంది. ఈ పథకం ఎంపిక చేసిన మోడళ్లకు వర్తిస్తుంది, కొనుగోలుదారులు పొందే మొత్తం డిస్కౌంట్‌ను మరింత పెంచుతుంది. ఆటో ఇండస్ట్రీలో మార్చి నెలలో భారీ డిస్కౌంట్లు కనిపిస్తాయి. ఆర్థిక సంవత్సరం ముగిసేలోపు కంపెనీలు తమ ఇన్వెంటరీని క్లియర్ చేయడానికి ప్రయత్నిస్తాయి. దీంతో ఎస్‌యూవీ మరియు ఎమ్‌పీవీ కొనుగోలు చేయాలనుకునే వారికి క్యాష్ తగ్గింపులు, ఎక్స్చేంజ్ బోనస్‌లు, కార్పొరేట్ బెనిఫిట్స్ వంటి ఆకర్షణీయమైన డీల్స్ లభిస్తాయి.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి