Virat Kohli: లండన్‌లో కింగ్ కోహ్లీ- అనుష్క..కృష్ణదాస్ కీర్తనలు వింటూ సందడి చేసిన క్యూట్ కపుల్.. వీడియో

బాలీవుడ్ ప్రముఖ నటీనటులు, దర్శకులు, గాయకులు, క్రికెటర్లందరూ అనంత్ అంబానీ ఇంటి పెళ్లిలో సందడి సందడి చేశారు. కానీ ది మోస్ట్ సెలబ్రిటీ కపుల్ టీమిండియా క్రికెటర్ విరాట్ కోహ్లీ- నటి అనుష్కా శర్మ మాత్రం ఈ పెళ్లికి గైర్హాజరయ్యారు. ప్రస్తుతం ఈ జంట లండన్‌లో ఉంటోంది. కాగా T20 ప్రపంచ కప్ గెలిచిన వెంటనే లండన్ కు వెళ్లిపోయాడు కింగ్ కోహ్లీ. అనుష్క శర్మ తన పిల్లలిద్దరితో కలిసి ఇప్పుడు లండన్‌లోనే ఉంటోంది. అందుకే విరాట్ కూడా టోర్నీ ముగిసిన వెంటనే లండన్ కు వెళ్లిపోయాడు. ఈ నేపథ్యంలో అనుష్క, కోహ్లీలకు సంబంధించిన వీడియో ఒకటి ఇప్పుడు బయటకు వచ్చింది. అదేంటంటే.. విరాట్ కోహ్లీ, అనుష్క శర్మ లండన్‌లో కృష్ణదాస్ కీర్తనలకు హాజరయ్యారు. ఇందుకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. ఈ వీడియోలో ఇద్దరూ భక్తిలో లీనమై చప్పట్లు కొడుతూ కనిపించారు. గత ఏడాది కూడా కృష్ణ దాస్ కీర్తనలకు విరాట్, అనుష్క వచ్చారు.

కాగా పెళ్లి తర్వాత విరాట్ కోహ్లీ చాలా మారిపోయాడు. భార్యతో కలిసి తరచూ ఆలయాలకు వెళుతున్నాడు. ఇప్పుడు కృష్ణ దాస్ కీర్తనలో పాల్గొంటున్నాడు. ఈ వీడియో సోషల్ మీడియాలో వైరల్ అవుతోంది. కృష్ణ దాస్ అసలు పేరు జాఫ్రీ. అతను 60వ దశకంలో భారతదేశానికి వచ్చాడు. ఆ తర్వాత ఆయన ఆధ్యాత్మిక యాత్ర ప్రారంభించారు. జాఫ్రీ నీమ్ కరోలి బాబా నుండి ప్రేరణ పొందాడు. కృష్ణ దాస్ కూడా ఆయన కీర్తనలో పాల్గొన్నాడు. ఈ నేపథ్యంలో అనుష్క శర్మ తన ఇన్‌స్టాగ్రామ్ కథనాలలో కృష్ణ దాస్‌ను ట్యాగ్ చేస్తూ కీర్తన్ ఫోటోలను పంచుకుంది. అందులో కృష్ణ దాస్ ఆలపిస్తూ కనిపిస్తారు. కృష్ణ దాస్ సాంప్రదాయ భారతీయ కీర్తనలు, సంగీతానికి ప్రపంచ ప్రసిద్ధి చెందారు. అనుష్క శర్మ ఫిబ్రవరి నెలలో మగబిడ్డకు జన్మనిచ్చింది. ఆ తర్వాత అనుష్క శర్మ అక్కడే ఉంది. ఐపీఎల్ ఆడుతున్న సమయంలో అనుష్క ఇండియా వచ్చింది. కొన్ని సందర్భాల్లో క్రికెట్ మ్యాచ్ చూసేందుకు గ్రౌండ్‌కి వచ్చింది. ఇప్పుడు అనుష్క, విరాట్‌లు లండన్‌లో సెటిల్ అవుతారని అంటున్నారు. అందుకు తగ్గట్టుగానే అనుష్క శర్మ కూడా కొత్త సినిమాలేవీ అంగీకరించడం లేదు.

ఇవి కూడా చదవండి

'మీలో ఆ దమ్ముందా?' ముచ్చుమర్రి హత్యాచార ఘటనపై సింగర్ చిన్మయి..

ఈ కుర్రాడిని గుర్తు పట్టారా? టాలీవుడ్ హ్యాండ్సమ్ హీరో..

అఫీషియల్.. ఎట్టకేలకు ఓటీటీలోకి బ్లాక్ బస్టర్ మూవీ 'ఆడు జీవితం'

థాయ్‌లాండ్ బీచ్ వేదికగా ఏడడుగులు.. వరలక్ష్మి ఆనందం..పెళ్లి ఫొటోస్

వీడియో ఇదిగో..

Virat Kohli & @AnushkaSharma at @KrishnaDas‘ Kirtan in London! 😇#ViratKohli • #Virushka • #ViratGang pic.twitter.com/efk3dYheFh

— ViratGang.in (@ViratGangIN) July 14, 2024

మరిన్ని క్రీడా వార్తల కోసం ఇక్కడ క్లిక్ చేయండి..