KKR vs MI, IPL 2024: ముంబయి ఖాతాలో మరో ఓటమి.. ప్లే ఆఫ్స్ కు కోల్‌కతా

Kolkata Knight Riders vs Mumbai Indians: ఐపీఎల్-2024లో కోల్‌కతా నైట్ రైడర్స్ అదరగొడుతోంది. ఇప్పటికే పాయింట్ల పట్టికలో అగ్రస్థానంలో ఉన్న ఆ జట్టు ముంబయి ఇండియన్స్ పై ఘన విజయం సాధించింది. తద్వారా ప్లేఆఫ్స్‌కు అర్హత సాధించింది. వర్షం కారణంగా 16 ఓవర్లకు కుదించిన ఈ మ్యాచ్ లో ముందుగా బ్యాటింగ్‌ చేసిన కోల్‌కతా 7 వికెట్లకు 157 పరుగులు చేసింది. వెంకటేశ్‌ అయ్యర్‌ (42), నితీశ్‌ రాణా (33), రస్సెల్‌ (24) రాణించారు. ముంబయి బౌలర్లలో పీయూష్‌ చావ్లా 2, బుమ్రా 2, తుషారా, అన్షుల్‌ కంబోజ్‌ చెరో వికెట్‌ తీశారు. 158 పరుగుల లక్ష్యంతో బరిలోకి దిగిన ముంబయి నిర్ణీత ఓవర్లు ముగిసే సరికి 8 వికెట్లు కోల్పోయి కేవలం 139 పరుగులు చేసి 18 పరుగుల తేడాతో ఓటమిపాలైంది. లక్ష్య ఛేదనలో ఇషాన్‌ కిషన్‌ (40), తిలక్‌ వర్మ (32) మినహా ముంబయి బ్యాటర్లంతా చేతులెత్తేశారు. రోహిత్ (19), సూర్య కుమార్ యాదవ్ (11), హార్దిక్ పాండ్యా (2), టిమ్ డేవిడ్ (0), నేహాల్ వధేరా (3), నమన్ ధీర్ (17) ఇలా అందరూ తక్కువ స్కోరుకే పరిమితమయ్యారు. ఫలితంగా ముంబై ఖాతాలో మరో ఓటమి చేరింది. కోల్‌కతా బౌలర్లలో వరుణ్‌ చక్రవర్తి, రస్సెల్‌, హర్షిత్‌ రాణా తలా 2 వికెట్లు తీశారు. నరైన్‌ ఒక వికెట్ తీశాడు. కాగా KKRకి ఇది తొమ్మిదో విజయం. మొత్తం 18 పాయింట్లతో పట్టికలో  అగ్రస్థానంలో ఉంది శ్రేయస్ సేన. దీంతో ఐపీఎల్ 2024 సీజన్‌లో ప్లేఆఫ్స్‌కు చేరిన తొలి జట్టుగా కోల్‌కతా నిలిచింది.

ప్లే ఆఫ్స్ కు కోల్ కతా..

Say hello to the first team to qualify for the #TATAIPL 2024 Playoffs 🤩

ఇవి కూడా చదవండి

GT బ్యాటర్ల దండయాత్ర.. కన్నీళ్లు పెట్టుకున్న CSK చిన్నారి అభిమాని

10,12వ తరగతి విద్యార్థులకు విజయ్ సాయం.. 234 నియోజకవర్గాల్లోని..

తండ్రి కన్నుమూసిన 10 రోజులకే పనిలో.. పదేళ్ల పిల్లాడికి హీరో సాయం

'ఆటగాళ్లను గౌరవించడం నేర్చుకో'.. సంజీవ్ గోయెంకాపై షమీ ఆగ్రహం

𝗞𝗼𝗹𝗸𝗮𝘁𝗮 𝗞𝗻𝗶𝗴𝗵𝘁 𝗥𝗶𝗱𝗲𝗿𝘀 💜 get the much-awaited ‘Q’ 👏👏

Which other teams will join them? 🤔#KKRvMI | @KKRiders pic.twitter.com/U9x2kVT9GI

— IndianPremierLeague (@IPL) May 11, 2024

ముంబై ఇండియన్స్ ప్లేయింగ్ XI

కోల్‌కతా నైట్ రైడర్స్  ప్లేయింగ్ XI

Huge moment in the chase!

Andre Russell gets the in-form Suryakumar Yadav O.U.T ☝️#MI need 70 off 30 now

Watch the match LIVE on @StarSportsIndia and @JioCinema 💻📱#TATAIPL | #KKRvMI pic.twitter.com/kymN1O4LjC

— IndianPremierLeague (@IPL) May 11, 2024

మరిన్ని క్రీడా వార్తల కోసం ఇక్కడ క్లిక్ చేయండి..