AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

NEW YEAR 2026: ప్రపంచంలో ముందుగా కొత్త ఏడాదికి స్వాగతం పలికే దేశం ఏదో తెలుసా? చివరిగా వేడుకలు జరిగేది ఇక్కడే!

ప్రపంచవ్యాప్తంగా న్యూ ఇయర్ వేడుకలు అంటే మనకు గుర్తొచ్చేది ఆస్ట్రేలియాలోని సిడ్నీ హార్బర్ బాణసంచా వెలుగులు. చాలామంది ఆస్ట్రేలియాలోనే మొదటగా కొత్త ఏడాది మొదలవుతుందని అనుకుంటారు. కానీ అది నిజం కాదు. గ్లోబల్ టైమ్ జోన్స్ ప్రకారం, భూమిపై ఒక్కో చోట ఒక్కో సమయంలో ..

NEW YEAR 2026: ప్రపంచంలో ముందుగా కొత్త ఏడాదికి స్వాగతం పలికే దేశం ఏదో తెలుసా? చివరిగా వేడుకలు జరిగేది ఇక్కడే!
Newyear12
Nikhil
|

Updated on: Dec 27, 2025 | 1:20 PM

Share

ప్రపంచవ్యాప్తంగా న్యూ ఇయర్ వేడుకలు అంటే మనకు గుర్తొచ్చేది ఆస్ట్రేలియాలోని సిడ్నీ హార్బర్ బాణసంచా వెలుగులు. చాలామంది ఆస్ట్రేలియాలోనే మొదటగా కొత్త ఏడాది మొదలవుతుందని అనుకుంటారు. కానీ అది నిజం కాదు. గ్లోబల్ టైమ్ జోన్స్ ప్రకారం, భూమిపై ఒక్కో చోట ఒక్కో సమయంలో సూర్యోదయం అయినట్లే, కొత్త ఏడాది కూడా వేర్వేరు సమయాల్లో వస్తుంది. ప్రపంచం మొత్తం మీద న్యూ ఇయర్ వేడుకలు పూర్తవ్వడానికి దాదాపు 26 గంటల సమయం పడుతుంది. ఇంతకీ ప్రపంచంలో అందరికంటే ముందుగా కేక్ కోసే దేశం ఏది? అందరూ పండగ చేసుకున్నాక చివరగా కొత్త ఏడాదిలోకి అడుగుపెట్టే ప్రాంతం ఎక్కడుందో తెలుసుకుందాం.

ప్రపంచంలో అందరికంటే ముందుగా న్యూ ఇయర్ వేడుకలు జరుపుకునేది ‘కిరిబతి’ అనే ద్వీపవాసులు. పసిఫిక్ మహాసముద్రంలోని ఈ దీవుల్లోని లైన్ ఐలాండ్స్ ప్రాంతంలో మన భారత కాలమానం ప్రకారం డిసెంబర్ 31వ తేదీ మధ్యాహ్నం 3:30 గంటలకే అర్ధరాత్రి 12 గంటలు అవుతుంది. అంటే మనం ఇంకా మధ్యాహ్నం భోజనం చేస్తున్న సమయంలోనే అక్కడ ‘హ్యాపీ న్యూ ఇయర్’ అని కేకలు వేస్తూ పండగ చేసుకుంటారన్నమాట. కిరిబతి తర్వాత టోంగా, సమోవా దీవులు కొత్త ఏడాదిలోకి అడుగుపెడతాయి. ఆ తర్వాత గంటకు న్యూజిలాండ్, మరికొద్ది సేపటికి ఆస్ట్రేలియా దేశాలు వేడుకలను జరుపుకుంటాయి.

ఇక ప్రపంచంలో అందరూ పండగ పూర్తి చేసుకున్న తర్వాత, చిట్టచివరగా కొత్త ఏడాదికి స్వాగతం పలికే ప్రాంతాలు అమెరికాకు దగ్గరగా ఉన్నాయి. పసిఫిక్ మహాసముద్రంలోని ‘హౌలాండ్’, ‘బేకర్’ దీవులలో అందరికంటే చివరగా న్యూ ఇయర్ జరుపుకుంటారు. మన భారత కాలమానం ప్రకారం జనవరి 1వ తేదీ సాయంత్రం 5:30 గంటలకు అక్కడ అర్ధరాత్రి 12 అవుతుంది. అంటే మన దేశంలో కొత్త ఏడాది వేడుకలు ముగిసినరోజు సాయంత్రం వారు కొత్త ఏడాదిలోకి ప్రవేశిస్తారు. అయితే ఈ దీవులలో మనుషులు నివసించరు కాబట్టి, మనుషులు నివసించే ప్రాంతాల్లో చివరగా న్యూ ఇయర్ జరుపుకునేది అమెరికాకు చెందిన అమెరికన్ సమోవా దీవులలోనే.

ఈ సమయాల వ్యత్యాసం వెనుక ఉన్న రహస్యం ‘ఇంటర్నేషనల్ డేట్ లైన్’. ఈ రేఖకు ఇరువైపులా ఉన్న దేశాల మధ్య దాదాపు ఒక రోజు తేడా ఉంటుంది. ఆశ్చర్యకరమైన విషయం ఏంటంటే, అమెరికన్ సమోవా, కిరిబతి మధ్య దూరం చాలా తక్కువగా ఉన్నప్పటికీ, కేవలం సమయ మండలాల తేడా వల్ల ఒక చోట న్యూ ఇయర్ అయిపోయిన 24 గంటల తర్వాత మరో చోట వేడుకలు మొదలవుతాయి. మొత్తానికి కాలం ఒకటే అయినా, మనం ఉన్న ప్రాంతాన్ని బట్టి అది మనకు కొత్త ఏడాదిని ముందుగానో లేదా వెనుకగానో పరిచయం చేస్తుంది. ఒకే రోజున ప్రపంచం నలుమూలల లక్షలాది మంది వేర్వేరు సమయాల్లో ఒకే ఉత్సాహంతో పండగ చేసుకోవడం నిజంగా ఒక అద్భుతం!

Follow Us
తెలంగాణ భూముల రీసర్వేపై మార్గదర్శకాలను జారీ చేసిన ప్రభుత్వం
తెలంగాణ భూముల రీసర్వేపై మార్గదర్శకాలను జారీ చేసిన ప్రభుత్వం
రష్మిక 'మైసా' సినిమా.. 'ఓసేయ్ రాములమ్మ' రీమిక్స్ సాంగ్ వచ్చేసింది
రష్మిక 'మైసా' సినిమా.. 'ఓసేయ్ రాములమ్మ' రీమిక్స్ సాంగ్ వచ్చేసింది
శనివారం ఉదయం ఈ 5 పనులు చేస్తే శని దేవుడి అనుగ్రహం లభిస్తుందట!
శనివారం ఉదయం ఈ 5 పనులు చేస్తే శని దేవుడి అనుగ్రహం లభిస్తుందట!
నా కోటలోకి నువ్వొస్తే.. నీ కోటలోకి నేనొస్తా..
నా కోటలోకి నువ్వొస్తే.. నీ కోటలోకి నేనొస్తా..
ఆ నలుగురిని రిలీజ్ చేసి బొక్కబోర్లా పడ్డ ఐపీఎల్ టీమ్స్.. ఎందుకంటే
ఆ నలుగురిని రిలీజ్ చేసి బొక్కబోర్లా పడ్డ ఐపీఎల్ టీమ్స్.. ఎందుకంటే
వాక్.. తూ ప్రపంచంలోనే ఖరీదైన కాఫీ.. చేసేది దీంతోనా?
వాక్.. తూ ప్రపంచంలోనే ఖరీదైన కాఫీ.. చేసేది దీంతోనా?
రాగులు, జొన్నలు, సజ్జలు.. మూడింటిలో ఆరోగ్యానికి ఏది బెస్ట్‌
రాగులు, జొన్నలు, సజ్జలు.. మూడింటిలో ఆరోగ్యానికి ఏది బెస్ట్‌
విన్నర్ అయ్యేది అతడే.. ఓటింగ్ లో మార్పులు.. ఎలిమినేట్ అయ్యేది..
విన్నర్ అయ్యేది అతడే.. ఓటింగ్ లో మార్పులు.. ఎలిమినేట్ అయ్యేది..
రెండు జ్యోతిర్లింగాలతో పాటు దక్షిణ భారత పుణ్యక్షేత్రాల సందర్శన..
రెండు జ్యోతిర్లింగాలతో పాటు దక్షిణ భారత పుణ్యక్షేత్రాల సందర్శన..
సూర్యాస్తమయం తర్వాత ఈ 5 వస్తువులు అస్సలు కొనకూడదు! కారణం తెలిస్తే
సూర్యాస్తమయం తర్వాత ఈ 5 వస్తువులు అస్సలు కొనకూడదు! కారణం తెలిస్తే