Okra Water: సన్నజాజి తీగలా మారాలా? అయితే రోజూ ఉదయం ఖాళీ కడుపుతో ఈ పానియం గ్లాసుడు తాగండి

ఖాళీ కడుపుతో నీళ్లు తాగితే మంచిదని ఇంట్లో పెద్దవాళ్లు చెబుతుంటారు. నిద్ర లేచిన తర్వాత ఖాళీ కడుపుతో నీళ్లు తాగడం వల్ల శరీర రోగనిరోధక శక్తి పెరుగుతుంది. కాలేయం, మూత్రపిండాలు, గుండె పూర్తిగా ఆరోగ్యంగా ఉంటాయి. అయితే కేవలం నీళ్లు మాత్రమే కాకుండా నీటిలో కొన్ని బెండకాయ ముక్కలు కలిపి తాగితే రెట్టింపు ప్రయోజనాలు పొందవచ్చని ఆరోగ్య నిపుణులు సూచిస్తున్నారు. బెండ ముక్కలు నానబెట్టిన నీళ్లు తాగితే ఎన్నో ఆరోగ్య ప్రయోజనాలు పొందవచ్చు. అవేంటో ఇక్కడ తెలుసుకుందాం..

బెండలో ఫైబర్, యాంటీఆక్సిడెంట్లు పుష్కలంగా ఉంటాయి. ఇందులో విటమిన్ కె, కాల్షియం కూడా పుష్కలంగా ఉంటాయి. మలబద్ధకంతో బాధపడేవారికి ఈ నీళ్లు మ్యాజిక్ లాగా పనిచేస్తుందని నిపుణులు అంటున్నారు. అంతే కాదు రక్తంలో చక్కెర సమస్యలతో బాధపడేవారు బెండ నీళ్లు క్రమం తప్పకుండా తాగవచ్చు. ఈ నీళ్లు నొప్పిని తగ్గించడంలో సహాయపడుతుంది. ఆర్థరైటిస్‌తో బాధపడేవారికి ఇది గొప్ప ఫలితాలను అందిస్తుంది. అంతే కాదు కాలేయం ఆరోగ్యంగా కూడా ఉంటుంది. మూత్రపిండాల సమస్యలు త్వరగా నయం అవుతాయి.

అలాగే బరువు తగ్గాలనుకునే వారు కూడా బెండ నీళ్లు తాగవచ్చు. బరువు నియంత్రణకు ఇది మంచి పరిష్కారం. ఈ నీటిని ప్రతి రోజూ ఉయం ఖాళీ కడుపుతో క్రమం తప్పకుండా తీసుకుంటే ఏడు రోజుల్లో బరువు తగ్గడం గమనిస్తారు. బెండ నీరు బరువును తగ్గించడమే కాకుండా, చర్మాన్ని మెరిసేలా చేస్తుంది. ఇది చర్మం పొడిబారడాన్ని కూడా తొలగిస్తుంది.

ఇవి కూడా చదవండి

ఏనుగు శాఖాహారా? మాంసాహారా? సమాధానం మీరు ఊహించలేరు

డిగ్రీ అర్హతతో BSNLలో ఉద్యోగాలకు నోటిఫికేషన్‌.. నెలకు రూ.50 వేలు

14 వేలకుపైగా అంగన్వాడీ ఉద్యోగాలు.. మంత్రి సీతక్క కీలక ఆదేశాలు

రెడ్‌ వైన్‌ నిజంగా గుండెకు మేలు చేస్తుందా? ఇందులో నిజమెంత..

ఎలా తయారు చేయాలంటే?

రాత్రిపూట ఒక గాజు సీసాలో నీటితో నింపి, అందులో తరిగిన బెండ ముక్కలు వేయండి. దీన్ని రాత్రంతా నానబెట్టండి. మరుసటి రోజు ఉదయం ఒక గ్లాసులో దానిని వడకట్టి, తాగితే ఆరోగ్య సమస్యలు తొలగిపోతాయి.

మరిన్ని ఆరోగ్య కథనాల కోసం క్లిక్‌ చేయండి.