Bitter gourd: చేదు కారణంగా కాకర కాయలను దూరంపెడుతున్నారా.. చేదును తొలగించేందుకు ఇవే బెస్ట్ టిప్స్!
కాకరకాయ కర్రీ అనగానే అమ్మో.. అని పారిపోతూంటారు. చిన్నవాళ్లే కాదు పెద్దవారు సైతం కాకర కాయకు వీలైనంత వరకూ దూరంగానే ఉంటారు. కాకర కాయతో అద్భుతమైన ప్రయోజనాలు ఉన్నాయని తెలిసినా.. ఎవ్వరూ పట్టించుకోరు. నోటి రుచి మాత్రమే కావాలనుకుంటారు. కాకర కాయని క్రమం తప్పకుండా తీసుకుంటే అనేక దీర్ఘకాలిక సమస్యలను తరిమి కొట్టొచ్చు. ఆయుర్వేదంలో కూడా కాకరకాయకు ప్రత్యేకమైన స్థానం ఉంది. కాకరతో ఒక్కటేంటి.. ఎన్నో లాభాలు ఉన్నాయి. కానీ కాకర కాయలో ఉండే చేదు కారణంగా దాన్ని పక్కకు..
![Bitter gourd: చేదు కారణంగా కాకర కాయలను దూరంపెడుతున్నారా.. చేదును తొలగించేందుకు ఇవే బెస్ట్ టిప్స్!](https://images.tv9telugu.com/wp-content/uploads/2023/11/bittergourd.jpg?w=1280)
కాకరకాయ కర్రీ అనగానే అమ్మో.. అని పారిపోతూంటారు. చిన్నవాళ్లే కాదు పెద్దవారు సైతం కాకర కాయకు వీలైనంత వరకూ దూరంగానే ఉంటారు. కాకర కాయతో అద్భుతమైన ప్రయోజనాలు ఉన్నాయని తెలిసినా.. ఎవ్వరూ పట్టించుకోరు. నోటి రుచి మాత్రమే కావాలనుకుంటారు. కాకర కాయని క్రమం తప్పకుండా తీసుకుంటే అనేక దీర్ఘకాలిక సమస్యలను తరిమి కొట్టొచ్చు. ఆయుర్వేదంలో కూడా కాకరకాయకు ప్రత్యేకమైన స్థానం ఉంది. కాకరతో ఒక్కటేంటి.. ఎన్నో లాభాలు ఉన్నాయి. కానీ కాకర కాయలో ఉండే చేదు కారణంగా దాన్ని పక్కకు పెట్టేస్తారు. కానీ కొన్ని ఈజీ టిప్స్ తో కాకర కాయలో చేదును పొగొట్టవచ్చు. దీంతో హ్యాపీగా వండుకుని తినవచ్చు. మరి ఆ టిప్స్ ఏంటో ఇప్పుడు తెలుసుకుందాం.
ఉప్పు వాటర్:
కాకర కాయలో నుంచి చేదు తీయాలంటే.. కట్ చేసిన కాకర కాయ ముక్కలను ఉప్పు నీటిలో వేయాలి. వీటిని సుమారు 15 – 20 నిమిషాల పాటు ఉప్పు వాటర్ లో ఉంచితే.. చేదు అనేది తగ్గే అవకాశాలు ఉన్నాయి.
తేనె లేదా చక్కెర వాటర్:
కాకర కాయలో నుంచి చేదును తొలగించు కోవడానికి ఈ టిప్ కూడా బాగా హెల్ప్ చేస్తుంది. తేనె లేదా చక్కెర కలిపిన నీటిలో వాటిని వేయాలి. ఇలా ఓ అరగంట సేపు షుగర్ కలిపిన నీటిలో ఉంచడం వల్ల చేదు తగ్గుతుంది.
పెరుగులో నానబెట్టండి:
పెరుగు కూడా కాకరలో ఉండే చేదును తగ్గిస్తుంది. కట్ చేసిన కాకర కాయ ముక్కలను పెరుగు లేదా మజ్జిగలో.. 15 నుంచి 20 నిమిషాలు ఉంచండి, ఇలా చేస్తే చేదు తొలగే అవకాశాలు ఉన్నాయి. అలాగే పెరుగులో కాకర కాయ ముక్కలను వేసి ఓ పది నిమిషాలు ఉడికించినా చేదు తొలగుతుంది.
కాకరతో ముఖ్యమైన ప్రయోజనాలు:
* కాకర కాయను తినడం వల్ల రక్తాన్ని శుద్ధి చేస్తుంది. రక్తంలో, శరీరంలో ఉండే మలినాలను తొలగిస్తుంది.
* కాకరలో ఉండే యాంటీ ఆక్సిడెంట్లు.. దీర్ఘకాలిక వ్యాధులు రాకుండా శరీరాన్ని రక్షిస్తుంది.
*కాకర కాయను క్రమం తప్పకుండా తీసుకుంటే.. రక్తంలో షుగర్ లెవల్స్ ని నియంత్రించడంలో కీలక పాత్ర పోషిస్తుంది.
* కాకరో ఉండే పొటాషియం వల్ల రక్త పోటు అనేది కంట్రోల్ అవుతుంది. అంతే కాకుండా రోగ నిరోధక శక్తి కూడా పెరుగుతుంది. అలాగే కాకర కాయను తినడం వల్ల చర్మ సమస్యలకు కూడా చెక్ పెట్టవచ్చు.
(గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు)