R. Madhavan: ఆ వార్తల్లో ఎలాంటి వాస్తవం లేదు.. క్లారిటీ ఇచ్చిన హీరో మాధవన్..
సౌత్ లో లవర్ బాయ్ గా రాణించిన హీరోలో మాధవన్ ఒకరు. మాధవన్ నటించిన సఖి, చెలి సినిమాలు తెలుగులోనూ బిగెస్ట్ హిట్స్ గా నిలిచినా విషయం తెలిసిందే. అంతే కాదు చాలా సినిమాలు తెలుగులోనూ డబ్ అయ్యి సూపర్ హిట్స్ గా నిలిచాయి.
Updated on: Aug 18, 2022 | 3:57 PM
సౌత్లో లవర్ బాయ్గా రాణించిన హీరోలో మాధవన్(Madhavan) ఒకరు. మాధవన్ నటించిన సఖి, చెలి సినిమాలు తెలుగులోనూ బిగెస్ట్ హిట్స్ గా నిలిచిన విషయం తెలిసిందే. అంతే కాదు చాలా సినిమాలు తెలుగులోనూ డబ్ అయ్యి సూపర్ హిట్స్ గా నిలిచాయి. ఇక బాలీవుడ్ లోనూ సినిమాలు చేసి ఆకట్టుకున్నారు మాధవన్. రీసెంట్ గా ఆయన రాకెట్రీ సినిమాతో ప్రేక్షకుల ముందుకు వచ్చిన విషయం తెలిసిందే. శాస్త్రవేత్త నారాయణన్ నంబియార్ జీవిత కథ ఆధారంగా తెరకెక్కిన ఈ సినిమా మిక్స్డ్ టాక్ తో రన్ అయ్యింది. ఈ సినిమాలో సూర్య కీలక పాతర్లో కనిపించరు. అలాగే హిందీలో షారుక్ ఖాన్ నటించారు. ఇప్పటికీ ఈ సినిమా థియేట్సర్ లో ఆడుతుంది. అయితే ఈ సినిమా ఫ్లాప్ అయ్యిందని ఈ సినిమా వల్ల మాధవన్ నష్టపోయారని ప్రచారం జరుగుతోంది.
‘రాకెట్రీ’ సినిమాను మాధవన్ నిర్మించిన సంగతి తెలిసిందే. అయితే ఈ సినిమా ప్లాప్ అవ్వడంతో మాధవన్ నష్టాల్లో మునిగిపోయారని.. అప్పుల పాలై ఆస్తులు కూడా అమ్ముకున్నారు అని ప్రచారం జోరుగా సాగుతుంది. తాజాగా ఈ వార్తల పై స్పందించారు మాధవన్.. ఆ వార్తల్లో వాస్తవం లేదని తేల్చి చెప్పారు. సినిమాకు మంచి కలెక్షన్స్ వచ్చాయని.. తానేమి నష్టపోలేదని తెలిపారు మాధవన్. అలాగే తాను ఈ ఆస్తులను అమ్ముకోలేదని.. దేవుడి దయవల్ల తామంతా కలిసి ఒక మంచి చిత్రాన్ని తీశామని, మంచి వసూళ్లు కూడా రాబట్టామని అన్నారు. అలాగే రాకెట్రీ సినిమాకోసం పనిచేసిన వారందరూ ఈ ఏడాది ఎక్కువ పన్ను కట్టున్నారని అన్నారు మాధవన్. ఇక ఇల్లు అమ్మేశారన్న వార్తల పై స్పందిస్తూ.. ఇల్లు అంటే నాకు చాలా ఇష్టం.. ఇప్పటికీ నేను నా ఇంట్లోనే ఉంటున్నా అని తెలిపారు మాధవన్.
