Whatsapp: మీ వాట్సాప్ను ఒకేసారి రెండు వేరే ఫోన్ల నుంచి వాడచ్చు.. ఇదిగో వివరాలు
సాధారణంగా వాట్స్అప్ బిజినెస్ వచ్చిన తర్వాత ఒకే ఫోన్లో రెండు వాట్సప్ అకౌంట్లు వినియోగించడం చాలా ఈజీగా అయిపోయింది. కానీ ఓకే వాట్సాప్ నంబర్‌తో రెండు ఫోన్లలోనూ వాడటం ఎలా?. ఇలా చేయడానికి రెండు స్టెప్స్ పాటిస్తే చాలు.
Lakshmi Praneetha Perugu | Edited By: Aravind B
Updated on: Jul 24, 2023 | 1:51 PM
సాధారణంగా వాట్స్అప్ బిజినెస్ వచ్చిన తర్వాత ఒకే ఫోన్లో రెండు వాట్సప్ అకౌంట్లు వినియోగించడం చాలా ఈజీగా అయిపోయింది. కానీ ఓకే వాట్సాప్ నంబర్‌తో రెండు ఫోన్లలోనూ వాడటం ఎలా?. ఇలా చేయడానికి రెండు స్టెప్స్ పాటిస్తే చాలు. మీరు ఒకే నంబర్ను రెండు ఫోన్లలోనూ వాడుకోవచ్చు. రెండు ఫోన్లకు వాట్సాప్ మెసేజ్లు వస్తాయి.మన పాత ఫోన్ నుండి కొత్త ఫోన్ మార్చినపుడు బ్యాక్ అప్ లేకుండానే మన మెసేజ్లు అన్ని ఇంకో ఫోన్ లో ప్రత్యక్షం అవుతాయి. ఇది చాలా సింపుల్ విధానం. మొదట మనం పాత ఫోన్ లో వాడిన వాట్సాప్ అకౌంట్ను ఓపెన్ చేయాలి. మరో వైపు కొత్త మొబైల్లో వాట్సాప్ ఇన్‌స్టాల్ చేసి రెడీగా పెట్టుకోవాలి.
ఇప్పుడు పాత ఫోన్ లోని వాట్సాప్ నుండి సెట్టింగ్స్ కి వెళ్లి linked device అనే ఆప్షన్ ఉంటుంది. దానిని క్లిక్ చేయాలి…అలాగే కొత్త ఫోన్లో వాట్సాప్ ఇన్‌స్టాల్ చేసే సమయంలో link your old device అని అడుగుతుంది. దాని మీద క్లిక్ చేస్తే చాలు మీరు రెండు అకౌంట్ లలోనూ ఓకే వాట్సాప్ నంబర్ ను వాడుకోవచ్చు. పాత మొబైల్లో ఉన్న క్యూ ఆర్ కోడ్ను కొత్త మొబైల్లో ఉన్న వాట్సాప్కు స్కాన్ చేస్తే చాలు, మీరు సక్సెస్ అయినట్టే. రెండు మొబైల్స్లోనూ ఓకే నంబర్ తో వాట్సాప్ వాడుకోవచ్చు. మామూలుగా మనం కొత్త ఫోన్ రాగానే అందులో వాట్సాప్ ఇన్‌స్టాల్ చేసినప్పుడు పాత నంబర్లో వాట్సాప్ ఆటోమేటిక్ గా డిలీట్ అయిపోతుంది. మనం కొత్త ఫోన్ లో వాట్సాప్ ఇన్‌స్టాల్ చేసి OTP కొట్టిన వెంటనే కేవలం కొత్త మొబైల్లో మాత్రమే ఒక వాట్సాప్ నంబర్ యాక్షన్లో ఉంటుంది. కానీ ఈ విధంగా చేస్తే ఓకేసారి రెండు మొబైల్ ఫోన్లలో ఓకే వాట్సాప్ నంబర్ అకౌంట్ మెయింటైన్ చేయవచ్చు.
