పెద్ది

ఉప్పెన వంటి బ్లాక్ బస్టర్ హిట్ తర్వాత డైరెక్టర్ బుచ్చిబాబు సన దర్శకత్వం వహించిన సినిమా పెద్ది. ఈ చిత్రంలో పాన్ ఇండియా స్టార్ రామ్ చరణ్ ప్రధాన పాత్రలో నటించారు. స్పోర్ట్స్ డ్రామాగా ఈ మూవీని వృద్ధి సినిమాస్ బ్యానర్ పై సతీష్ కిలారు నిర్మించారు. ఇందులో కన్నడ సూపర్ స్టార్ శివరాజ్ కుమార్ (శివన్న), బాలీవుడ్ స్టార్ దివ్యేందు శర్మ, జగపతి బాబు కీలకపాత్రలు పోషించారు. అలాగే ఈ సినిమాలో చరణ్ సరసన జాన్వీ కపూర్ కథానాయికగా నటించింది. దేవర తర్వాత తెలుగులో ఆమె నటించిన రెండో సినిమా ఇది. ఇందులో రామ్ చరణ్ పక్కా ఊర మాస్ పాత్రలో కనిపించారు. విడుదలకు ముందే ఈ చిత్రంలోని చికిరి సాంగ్ యూట్యూబ్ లో దూసుకుపోయింది. ఈ సినిమాను మార్చి 27న విడుదల చేయనున్నట్లు చిత్రయూనిట్ ప్రకటించింది. కానీ ఇప్పుడు మార్చి 27 నుంచి తప్పుకొని ఏప్రిల్ 30న విడుదల కానుందని మరోసారి కొత్త డేట్ అనౌన్స్ చేశారు మేకర్స్.