AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

కొబ్బరికాయకు మూడు కళ్లు ఎందుకు ఉంటాయి? లోపలికి నీరు ఎలా చేరుతుందో తెలుసా?

కొబ్బరికాయపై కనిపించే మూడు నల్లని మచ్చలను సాధారణంగా కళ్లు అంటారు. కానీ శాస్త్రీయంగా వాటికి కళ్లతో సంబంధం లేదు. కొబ్బరి చెట్టు పూసిన తర్వాత ఏర్పడే మూడు చిన్న అండాలు లేదా విత్తన భాగాల గుర్తులే ఇవి. కొబ్బరికాయ పెరిగే క్రమంలో మూడింటిలో ఒకటి మాత్రమే పూర్తిగా అభివృద్ధి చెంది, మిగిలిన రెండు అలాగే ఉండిపోతాయి. కొబ్బరికాయలోని నీరు ఈ రంధ్రాల ద్వారా లోపలికి వెళ్లదు. చెట్టు వేర్లు భూమిలోని నీరు, ఖనిజాలను గ్రహించి వాస్కులర్ వ్యవస్థ ద్వారా కాయలోకి పంపడం వల్ల నీరు ఏర్పడుతుంది. దీన్ని శాస్త్రీయంగా లిక్విడ్ ఎండోస్పెర్మ్ అంటారు.

కొబ్బరికాయకు మూడు కళ్లు ఎందుకు ఉంటాయి? లోపలికి నీరు ఎలా చేరుతుందో తెలుసా?
Why Coconut Has Three Eyes
Jyothi Gadda
|

Updated on: Nov 20, 2026 | 8:49 PM

Share

వంటకాలలో, పూజా కార్యక్రమాల్లో కొబ్బరికాయను విస్తృతంగా ఉపయోగిస్తాం. నీరు ఉండే కొబ్బరికాయలపై మూడు వలయాలుగా కనిపించే నల్లని మచ్చలను చాలామంది చూసే ఉంటారు. వాటిని సాధారణ భాషలో కొబ్బరి కళ్లు అంటారు. వర్షపు నీరు లేదా చెట్టు నీరు ఈ మూడు మచ్చల ద్వారా కొబ్బరికాయ లోపలికి చేరుతుందనే అభిప్రాయం కొందరిలో ఉంటుంది. అయితే శాస్త్రీయంగా దీని వెనుక ఆసక్తికరమైన ప్రక్రియ దాగి ఉంది.

మూడు కళ్లు ఎందుకు ఏర్పడతాయి?

కొబ్బరి చెట్టుపై కాయ అభివృద్ధి చెందే ప్రారంభ దశలోనే ఈ గుర్తులు ఏర్పడతాయి. ముందుగా చెట్టుకు పూత వచ్చి, ఆ తర్వాతి ప్రక్రియలో మూడు చిన్న విత్తనాలు లేదా అండాలు రూపుదిద్దుకుంటాయి. కొబ్బరికాయ పరిమాణం పెరిగి పరిపక్వమవుతున్న కొద్దీ, ఆ మూడింటిలో ఒక విత్తనం మాత్రమే పూర్తిగా ఎదిగి, మిగిలిన రెండు అభివృద్ధి చెందకుండా ఆగిపోతాయి. బయటి పెంకుపై కనిపించే ఆ మూడు గుండ్రని మచ్చలే వీటి తాలూకు గుర్తులు.

చూడటానికి మూడు మచ్చలు ఒకేలా కనిపించినప్పటికీ, వాటిలో ఒకటి సహజంగానే కొంత మృదువుగా ఉండి సులభంగా రంధ్రం చేయడానికి అనువుగా ఉంటుంది. కొబ్బరికాయ పగలగొట్టేటప్పుడు లేదా నీరు తీసేటప్పుడు సాధారణంగా ఈ మృదువైన భాగాన్నే ఎంచుకుంటారు.

ఇవి కూడా చదవండి

కొబ్బరి నీరు ఎలా తయారవుతుంది?

కొబ్బరికాయలోని పోషకాలతో కూడిన నీరు ఈ మూడు మచ్చల గుండా లోపలికి రాదు. కొబ్బరి చెట్టు తన దృఢమైన వేర్ల ద్వారా భూగర్భ జలాలు, అవసరమైన ఖనిజాలను గ్రహిస్తుంది. ఆ ద్రవాలు చెట్టులోని వాస్కులర్ వ్యవస్థ ద్వారా నేరుగా కాయ లోపలికి చేరుతాయి. శాస్త్రీయ పరిభాషలో ఈ ప్రారంభ ద్రవాన్ని లిక్విడ్ ఎండోస్పెర్మ్ అని పిలుస్తారు. కొబ్బరికాయ ముదిరే కొద్దీ ఈ ద్రవమే క్రమంగా చిక్కబడి, కొబ్బరి కండగా మారుతుంది. ఈ విధంగా ప్రకృతిసిద్ధంగా కొబ్బరికాయలో నీరు చేరి, ఆ తర్వాత కొబ్బరిగా రూపాంతరం చెందుతుంది.

మరిన్ని తెలంగాణ న్యూస్ కోసం క్లిక్ చేయండి..

Follow Us