AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

మిరప మొక్కలకు ఆకు ముడత సోకిందా? ఇంట్లోని ఈ 4 చిట్కాలతో విపరీతమైన కాపు తథ్యం!

ఇంటి పెరట్లోనో, టెర్రస్ గార్డెన్‌లోనో ఎంతో ఇష్టంతో మిరప మొక్కలను పెంచుకుంటాము. కానీ మొక్క ఎదుగుతున్న సమయంలో అకస్మాత్తుగా ఆకులన్నీ వంకర్లు తిరిగి, ముడుచుకుపోయి మొక్క ఎదుగుదల ఆగిపోవడం చాలామందిని వేధించే సమస్య. దీనినే 'ఆకు ముడత వైరస్' అంటారు. తెల్లదోమ, తామర పురుగులు, నల్లి వంటివి ఆకుల వెనుక భాగంలో చేరి రసాన్ని పీల్చడం వల్ల ఈ సమస్య వస్తుంది. దీనికి సరైన సమయంలో చికిత్స చేయకపోతే పూత రాదు, వచ్చిన పూత కూడా రాలిపోతుంది. అయితే మొక్కలను పీకేయాల్సిన అవసరం లేకుండా, మన వంటింట్లో దొరికే వస్తువులతోనే తయారుచేసే నాలుగు సహజసిద్ధమైన ద్రావణాలతో ఆకు ముడతను పూర్తిగా నివారించవచ్చు.

Phani CH
|

Updated on: Nov 20, 2026 | 6:43 PM

Share
మొదటి చిట్కా పులిసిన మజ్జిగ ద్రావణం. నాలుగైదు రోజులు బాగా పులియబెట్టిన మజ్జిగలో ఒక రాగి పాత్రను వేస్తే రాగిలోని ఔషధ గుణాలు అందులోకి చేరుతాయి. ఇందులో కొద్దిగా నీటిలో నానబెట్టి కరిగించిన ఇంగువ ద్రావణాన్ని కలిపి ఒక రోజంతా ఉంచాలి. మరుసటి రోజు ఒక కప్పు ఈ మిశ్రమానికి లీటరు నీరు కలిపి వడపోసి మొక్కలపై పిచికారీ చేయాలి.

మొదటి చిట్కా పులిసిన మజ్జిగ ద్రావణం. నాలుగైదు రోజులు బాగా పులియబెట్టిన మజ్జిగలో ఒక రాగి పాత్రను వేస్తే రాగిలోని ఔషధ గుణాలు అందులోకి చేరుతాయి. ఇందులో కొద్దిగా నీటిలో నానబెట్టి కరిగించిన ఇంగువ ద్రావణాన్ని కలిపి ఒక రోజంతా ఉంచాలి. మరుసటి రోజు ఒక కప్పు ఈ మిశ్రమానికి లీటరు నీరు కలిపి వడపోసి మొక్కలపై పిచికారీ చేయాలి.

1 / 5
రెండో చిట్కా కాగబెట్టని పచ్చి పాలు. ఒక లీటరు నీటిలో పావు కప్పు పచ్చి పాలు కలిపి మొక్కలపై స్ప్రే చేయాలి. పచ్చి పాలలోని ప్రోటీన్లు వైరస్‌తో సమర్థవంతంగా పోరాడి, అది ఇతర మొక్కలకు వ్యాపించకుండా అడ్డుకుంటాయి. అంతేకాకుండా, పూత రాలిపోకుండా నిలబెట్టడానికి కూడా ఈ చిట్కా అద్భుతంగా పనిచేస్తుంది.

రెండో చిట్కా కాగబెట్టని పచ్చి పాలు. ఒక లీటరు నీటిలో పావు కప్పు పచ్చి పాలు కలిపి మొక్కలపై స్ప్రే చేయాలి. పచ్చి పాలలోని ప్రోటీన్లు వైరస్‌తో సమర్థవంతంగా పోరాడి, అది ఇతర మొక్కలకు వ్యాపించకుండా అడ్డుకుంటాయి. అంతేకాకుండా, పూత రాలిపోకుండా నిలబెట్టడానికి కూడా ఈ చిట్కా అద్భుతంగా పనిచేస్తుంది.

2 / 5
మూడోది పచ్చిమిర్చి, వెల్లుల్లి ద్రావణం. ఐదారు పచ్చిమిర్చి, ఒక వెల్లుల్లిపాయను మెత్తటి పేస్ట్‌లా చేసి నీటిలో కలపాలి. ఈ మిశ్రమం ఆకులకు బాగా అంటుకోవడానికి కొద్దిగా వేప నూనె లేదా వంట నూనెను కొంచెం లిక్విడ్ సోప్‌తో కలిపి కరిగించి ఇందులో వేయాలి. వడపోసిన తర్వాత ఒక వంతు ద్రావణానికి ఐదు వంతుల నీరు కలిపి పిచికారీ చేస్తే పిండినల్లి, రసం పీల్చే పురుగులు పూర్తిగా నశిస్తాయి.

మూడోది పచ్చిమిర్చి, వెల్లుల్లి ద్రావణం. ఐదారు పచ్చిమిర్చి, ఒక వెల్లుల్లిపాయను మెత్తటి పేస్ట్‌లా చేసి నీటిలో కలపాలి. ఈ మిశ్రమం ఆకులకు బాగా అంటుకోవడానికి కొద్దిగా వేప నూనె లేదా వంట నూనెను కొంచెం లిక్విడ్ సోప్‌తో కలిపి కరిగించి ఇందులో వేయాలి. వడపోసిన తర్వాత ఒక వంతు ద్రావణానికి ఐదు వంతుల నీరు కలిపి పిచికారీ చేస్తే పిండినల్లి, రసం పీల్చే పురుగులు పూర్తిగా నశిస్తాయి.

3 / 5
నాలుగో చిట్కా కలబంద మరియు పసుపు. ఒక కలబంద ఆకు గుజ్జును పేస్ట్ చేసి, అందులో కొద్దిగా పసుపు వేసి ఒక లీటరు నీటిలో కలపాలి. దీనిని మరో లీటరు సాధారణ నీటితో డైల్యూట్ చేసి స్ప్రే చేస్తే మొక్కకు రోగనిరోధక శక్తి పెరుగుతుంది.

నాలుగో చిట్కా కలబంద మరియు పసుపు. ఒక కలబంద ఆకు గుజ్జును పేస్ట్ చేసి, అందులో కొద్దిగా పసుపు వేసి ఒక లీటరు నీటిలో కలపాలి. దీనిని మరో లీటరు సాధారణ నీటితో డైల్యూట్ చేసి స్ప్రే చేస్తే మొక్కకు రోగనిరోధక శక్తి పెరుగుతుంది.

4 / 5
ఈ ద్రావణాలను ఎప్పుడూ సాయంత్రం వేళల్లో, పురుగులు దాక్కునే ఆకుల వెనుక భాగంలో బాగా తడిచేలా స్ప్రే చేయాలి. వారానికి ఒకటి చొప్పున ఈ నాలుగు చిట్కాలను మార్చి మార్చి పిచికారీ చేస్తే ఆకు ముడత మాయమై, మీ మిరప మొక్కలు గుబురుగా పెరిగి విపరీతమైన కాపునిస్తాయి.

ఈ ద్రావణాలను ఎప్పుడూ సాయంత్రం వేళల్లో, పురుగులు దాక్కునే ఆకుల వెనుక భాగంలో బాగా తడిచేలా స్ప్రే చేయాలి. వారానికి ఒకటి చొప్పున ఈ నాలుగు చిట్కాలను మార్చి మార్చి పిచికారీ చేస్తే ఆకు ముడత మాయమై, మీ మిరప మొక్కలు గుబురుగా పెరిగి విపరీతమైన కాపునిస్తాయి.

5 / 5
Follow Us