Election 2026 Results News

భారత ప్రజాస్వామ్యంలో మరో కీలక ఘట్టానికి తెరలేచింది. దేశంలోని నాలుగు ప్రధాన రాష్ట్రాలు, ఒక కేంద్రపాలిత ప్రాంతానికి అసెంబ్లీ ఎన్నికల షెడ్యూల్‌ను భారత ఎన్నికల సంఘం (ECI) మార్చి 15న అధికారికంగా ప్రకటించింది. పశ్చిమ బెంగాల్, కేరళ, తమిళనాడు, అస్సాం, పుదుచ్చేరి అసెంబ్లీలకు ఏప్రిల్ మాసంలో పోలింగ్ జరిగింది. పశ్చిమ బెంగాల్ మినహా మిగిలిన అన్ని రాష్ట్ట్రాలకు ఒకే విడతలో పోలింగ్ జరిగింది. మే 4వ తేదీన వెలువడే ఫలితాలతో ఈ రాష్ట్రాల్లో తదుపరి ఐదేళ్ల పాటు ఏ పార్టీ అధికారంలో ఉండబోతుందో స్పష్టత రానుంది.

ఎన్నికల షెడ్యూల్ ముఖ్యాంశాలు:

ప్రకటన తేదీ: మార్చి 15, 2026
ఎన్నికలు జరిగే రాష్ట్రాలు: పశ్చిమ బెంగాల్, కేరళ, అస్సాం, తమిళనాడు, పుదుచ్చేరి (కేంద్రపాలిత ప్రాంతం)
ఐదు రాష్ట్రాల ఓట్ల లెక్కింపు: మే 4, 2026

ఎన్నికలు జరగనున్న రాష్ట్రాలు –

స్థానాల వివరాలు
ఈ ఐదు రాష్ట్రాల ఎన్నికలు జాతీయ రాజకీయాలపై కూడా బలమైన ప్రభావాన్ని చూపే అవకాశం ఉంది. ఒక్కో రాష్ట్రంలో రాజకీయ పరిస్థితులు భిన్నంగా ఉన్నాయి. ఎన్నికలు జరగనున్న రాష్ట్రాల్లో రాజకీయ ముఖచిత్రం ఇలా ఉంది.

పశ్చిమ బెంగాల్:

ఈ రాష్ట్రంలోని 294 అసెంబ్లీ స్థానాలకు ఏప్రిల్ 23, 29 తేదీల్లో రెండు విడతల్లో పోలింగ్ జరిగింది. ఇక్కడ అధికారాన్ని నిలబెట్టుకోవాలని తృణమూల్ కాంగ్రెస్ (TMC), పాగా వేయాలని బీజేపీ హోరాహోరీగా తలపడనున్నాయి. టీఎంసీ అధినేత్రి మమతా బెనర్జీ 2011 నుంచి ఆ రాష్ట్ర ముఖ్యమంత్రిగా ఉన్నారు.

తమిళనాడు:

ఈ రాష్ట్రంలోని మొత్తం 234 అసెంబ్లీ స్థానాలకు ఒకే విడతలో ఏప్రిల్ 23న పోలింగ్ జరిగింది. ద్రవిడ రాజకీయాలకు నిలయమైన ఇక్కడ అధికార డీఎంకే కూటమి, ఏఐఏడీఎంకే సారథ్యంలోని ఎన్డీయే, నటుడు విజయ్ సారథ్యంలోని టీవీకే మధ్య ప్రధాన పోటీ నెలకొంది. 2021 నుంచి ఆ రాష్ట్ర సీఎంకే డీఎంకే అధినేత ఎంకే స్టాలిన్ కొనసాగుతున్నారు.

కేరళ:

ఈ రాష్ట్రంలోని 140 అసెంబ్లీ స్థానాలకు ఒకే విడతలో ఏప్రిల్ 9న పోలింగ్ జరిగింది. అధికార ఎల్‌డిఎఫ్ (LDF), యూడిఎఫ్ (UDF) మధ్య సంప్రదాయ పోరు కొనసాగనుంది. బీజేపీ కూడా మెరుగైన ప్రభావాన్ని చూపాలని ఇవ్విళ్లూరుతోంది. వామపక్ష నేత పినరయి విజయన్ 2016 నుంచి ఆ రాష్ట్ర ముఖ్యమంత్రిగా ఉన్నారు.

అస్సాం:

ఈశాన్య రాష్ట్రాల్లో కీలకమైన అస్సాంలోని మొత్తం 126 స్థానాలకు ఏప్రిల్ 9న పోలింగ్ జరిగింది. అక్కడ అధికారాన్ని చేజిక్కించుకోవడానికి ప్రధాన పార్టీలు పోటీపడుతున్నాయి. అక్కడ హ్యాట్రిక్ విజయం సాధించాలని బీజేపీ ఉవ్విళ్లూరుతోంది. 2021 నుంచి బీజేపీకి చెందిన హిమంత బిశ్వ శర్మ ఆ రాష్ట్ర ముఖ్యమంత్రిగా ఉన్నారు.

పుదుచ్చేరి:

ఈ కేంద్ర పాలిత ప్రాంతంమైన పుదుచ్చేరిలోని 30 అసెంబ్లీ స్థానాలకు ఒకే విడతలో ఏప్రిల్ 9న పోలింగ్ జరిగింది. ఇక్కడ ఎన్డీయే, కాంగ్రెస్ కూటమి మధ్య ప్రధాన పోటీ నెలకొంది. ఎన్.రంగస్వామి 2021 నుంచి పుదుచ్చేరి ముఖ్యమంత్రిగా ఉన్నారు.

నాలుగు రాష్ట్రాలు, ఒక కేంద్రపాలిత ప్రాంతంలోని మొత్తం 824 అసెంబ్లీ నియోజకవర్గాలకు పోలింగ్ జరుగుతోంది.