దళపతి విజయ్

దళపతి విజయ్ ఇన్నాళ్లు హీరోగా రాణించిన ఈ స్టార్ హీరో.. ఇప్పుడు రాజకీయాల్లోకి ఎంట్రీ ఇచ్చి షేక్ చేస్తున్నాడు. చైల్డ్ ఆర్టిస్ట్ గా కెరీర్ మొదలు పెట్టిన విజయ్ ఆతర్వాత హీరోగా మారాడు. 1992లో వచ్చిన నాలయ తీర్పు అనే సినిమాతో హీరోగా మారాడు. ఈ సినిమాకు విజయ్ తండ్రి ఎస్.ఎ.చంద్రశేఖర్ దర్శకత్వం వహించాడు. టీవీకే పేరుతో పార్టీ పెట్టి పోటీచేసిన తొలి ఎన్నికల్లోనే భారీ విజయాన్ని అందుకున్నాడు. ఇన్నాళ్లు తమిళ్ ఇండస్ట్రీలో తిరుగులేని హీరోగా రాణించాడు విజయ్.. అలాగే ఎంతో మంది అభిమానులను సొంతం చేసుకున్నాడు. ఇప్పుడు సినిమాలకు గుడ్ బై చెప్పేసి పొలిటికల్ ఎంట్రీ ఇచ్చాడు. అలాగే ఇప్పుడు తమిళనాట ప్రభుత్వం ఏర్పాటు చేసే దిశగా అడుగులేస్తున్నాడు విజయ్. మొదటి ప్రయత్నంలోనే ఏకంగా 108 సీట్లు గెలుచుకుని అందరినీ ఆశ్చర్యపరిచారు. అయితే, సొంతంగా ప్రభుత్వం ఏర్పాటు చేయడానికి కావాల్సిన 118 సీట్లకు కేవలం 10 అడుగుల దూరంలో విజయ్ ఆగిపోవడంతో ఇప్పుడు పొత్తుల పర్వం మొదలైంది. తమిళ రాజకీయాల్లో గత ఐదు దశాబ్దాలుగా సాగుతున్న డీఎంకే, ఏఐఏడీఎంకే ద్వైపాక్షిక ఆధిపత్యానికి దళపతి విజయ్ తెరదించారు.