ఒడిలో చిన్నారి.. కళ్లలో కన్నీళ్లు.. విమానంలో తల్లి నరకయాతన…సంస్థ ఇచ్చిన పరిహారం ఎంతో తెలుసా?

ఒక సాధారణ విమాన ప్రయాణం ఓ మహిళా ప్రయాణికురాలికి, ఆమె చిన్నారికి పీడకలగా మారింది. 2017లో లాస్ ఏంజిల్స్ నుంచి ముంబైకి బీజింగ్ మీదుగా బిజినెస్ క్లాస్‌లో ప్రయాణిస్తున్న ఒక తల్లి తన చిన్నారితో కలిసి తీవ్ర ఇబ్బందులు ఎదుర్కొంది. విమానం రెండు గంటల ఆలస్యంగా బోర్డింగ్ ప్రారంభమైంది. ఆపై రన్‌వేపై నిలిచిపోయి, చివరికి రద్దు కావడంతో ఆమె గంటల తరబడి విమానాశ్రయంలోనే చిక్కుకుపోయింది. ఈ సమయంలో ప్రయాణికులకు సరైన ఆహారం, పానీయాలు అందించలేదని, ముఖ్యంగా తన చిన్నారి కోసం వేడి నీళ్లు కూడా ఇవ్వలేదని ఆమె ఫిర్యాదు చేసింది. విమాన రద్దుకు భారీ వర్షాలను కారణం చూపిన విమానయాన సంస్థ, తమ నియంత్రణలో లేని పరిస్థితులని వాదించింది. అయితే, వాతావరణ నివేదికలను పరిశీలించిన వినియోగదారుల కమిషన్, విమానం రద్దు చేయాల్సినంత తీవ్ర పరిస్థితులు లేవని నిర్ధారించింది. ప్రయాణికురాలు, ఆమె బిడ్డ ఎదుర్కొన్న ఇబ్బందులకు విమానయాన సంస్థ బాధ్యత వహించాలని కమిషన్ తీర్పు చెప్పింది. బాధితురాలికి లక్ష రూపాయల పరిహారం, కేసు పరిష్కారానికి 50,000 రూపాయలు కలిపి మొత్తం 1,50,000 రూపాయలు చెల్లించాలని ఆదేశించింది. ఈ తీర్పు విమాన ఆలస్యం లేదా రద్దు సమయంలో ప్రయాణికుల హక్కులు, సౌకర్యాలపై విమానయాన సంస్థల బాధ్యతను మరోసారి స్పష్టం చేసింది.

మరిన్ని వీడియోల కోసం ఇక్కడ క్లిక్ చేయండి

Also Watch:

Asian Games 2026: ఏషియన్‌ క్రీడల్లో గుల్వీర్ సింగ్ మెరుపు.. 1500 మీటర్లలో రజతం కైవసం!

ప్రాణాలు తోడేస్తున్న.. వివాహేతర సంబంధాలు

షాకింగ్ సైబర్ క్రైమ్! డెంటల్‌ డాక్టర్‌కు ఫేస్‌బుక్‌లో లేడీ వల.. రూ.14.61 కోట్లు గోవిందా

భారతీయ భోజనం మానేశాకే ఫిట్‌గా అయ్యాను!

కూతురికి గుడికట్టి పూజిస్తున్న తండ్రి!