ది ప్యారడైజ్

న్యాచురల్ స్టార్ నాని నటిస్తున్న ది ప్యారడైజ్ సినిమా తెలుగు ప్రేక్షకుల్లో ఆసక్తిని పెంచుతున్న భారీ ప్రాజెక్ట్. డైరెక్టర్ శ్రీకాంత్ ఓదెల దర్శకత్వంలో తెరకెక్కుతున్న ఈ చిత్రం యాక్షన్, డ్రామా అంశాలతో రూపొందుతోంది. నాని ఈ సినిమాలో ఇంతకుముందెన్నడూ చూడని విభిన్నమైన, శక్తివంతమైన పాత్రలో కనిపించనున్నారని ఇప్పటికే విడుదలైన టీజర్, పోస్టర్స్ చూస్తే తెలుస్తోంది. దసరా తర్వాత అంతకు మించిన బ్లాక్ బస్టర్ హిట్ అందుకునేందుకు నాని, శ్రీకాంత్ కాంబో రాబోతుందని తెలుస్తోంది. సినిమా కథ, పాత్రలు, యాక్షన్ సన్నివేశాలు ప్రత్యేకంగా ఉండబోతున్నాయి. ముఖ్యంగా నాని లుక్, ఆయన పాత్ర తీరు అభిమానుల్లో అంచనాలను పెంచుతున్నాయి. ఈ చిత్రానికి సంబంధించిన ప్రతి చిన్న అప్డేట్ సినిమాపై ఆసక్తిని మరింత పెంచాయి. కథలో భావోద్వేగాలు, సంఘర్షణ, యాక్షన్‌కు ప్రాధాన్యం ఉండనున్నట్లు తెలుస్తోంది. మంచి కథతో పాటు అద్భుతమైన సాంకేతిక విలువలు, సంగీతం, నిర్మాణ ప్రమాణాలు సినిమాకు ప్రధాన ఆకర్షణగా నిలవనున్నాయి. నాని, శ్రీకాంత్ ఓదెల కలయికపై ప్రేక్షకులు ప్రత్యేకంగా ఎదురుచూస్తున్నారు. ఇందులో కయాదు లోహర్ కథానాయికగా నటిస్తుండగా.. హీరోయిన్ కీర్తి సురేష్ స్పెషల్ సాంగ్ చేసింది. అలాగే అనిరుధ్ మ్యూజిక్ ఈ మూవీకి హైలెట్ అని చెప్పాలి. ది ప్యారడైజ్ విడుదలైన తర్వాత ప్రేక్షకులను ఎంతగా ఆకట్టుకుంటుందో చూడాలి.