Srisailam: వైభవంగా భ్రమరాంబాదేవి వార్షిక కుంభోత్సవం.. ‘స్త్రీ’ వేషధారణలో హారతినిచ్చిన ఉద్యోగి..
అమ్మవారి గర్భాలయంలో అర్చకులు వేదపండితులు ప్రత్యేక పూజలను నిర్వహించారు. సాయంత్రం అర్చకులు, ఈవో పెద్దిరాజు దంపతులు అధికారులు కొబ్బరికాయలు, నిమ్మ, గుమ్మడికాయలతో రెండోవ విడత సాత్విక బలులను సమర్పించారు. అలానే మహా మంగళ హారతి అనంతరం అమ్మవారి ఉగ్రరూపం శ్రీ స్వామివారిపై పడకుండా శ్రీ స్వామివారి ఆలయ ద్వారాలు మూసివేశారు. అంతకుముందు శ్రీ మల్లి కార్జునస్వామి లింగరూపాన్ని పెరుగన్నం, ఉల్లిపాయలు, జీలకర్ర శొంటి భక్షాలతో కప్పేశారు.
నంద్యాల జిల్లా అష్టాదశ శక్తి పీఠాలలో ఒకటిగా విరాజిల్లుతున్న శ్రీశైలం మహక్షేత్రంలో శ్రీ భ్రమరాంబాదేవికి వార్షిక కుంభోత్సవ వేడుక వైభవంగా జరిగింది. ఈ కుంభోత్సవంలో భాగంగా అమ్మవారికి నిమ్మకాయలు గుమ్మడి, కొబ్బరికాయలు, పసుపు, కుంకుమలతో అలానే అన్నాన్ని కుంభరాశిగా పోసి శ్రీ బ్రమరాంబాదేవి అమ్మవారికి సాత్వికబలిగా సమర్పించారు. ఉదయం నుంచి అమ్మవారి గర్భాలయంలో అర్చకులు వేదపండితులు ప్రత్యేక పూజలను నిర్వహించారు. సాయంత్రం అర్చకులు, ఈవో పెద్దిరాజు దంపతులు అధికారులు కొబ్బరికాయలు, నిమ్మ, గుమ్మడికాయలతో రెండోవ విడత సాత్విక బలులను సమర్పించారు. అలానే మహా మంగళ హారతి అనంతరం అమ్మవారి ఉగ్రరూపం శ్రీ స్వామివారిపై పడకుండా శ్రీ స్వామివారి ఆలయ ద్వారాలు మూసివేశారు. అంతకుముందు శ్రీ మల్లి కార్జునస్వామి లింగరూపాన్ని పెరుగన్నం, ఉల్లిపాయలు, జీలకర్ర శొంటి భక్షాలతో కప్పేశారు. అనంతరం శ్రీ స్వామివారి అలయంలో పనిచేసే ఉద్యోగి ‘స్త్రీ’ వేషధారణలో అలంకరించుకుని చేతిలో హారతితో వేదమంత్రోత్చారణలతో మంగళ వాయిద్యాల నడుమ అమ్మవారి ఆలయానికి తరలివచ్చారు.
అమ్మవారి ప్రధానార్చకులు ఆలయద్వారలు తెరవగా ‘స్త్రీ’ వేషంలో ఉన్న స్వామివారి ఆలయ ఉద్యోగి అమ్మవారికి కుంభహారతినిచ్చారు. అనంతరం ఆలయ ద్వారాలు తెరచిన వెంటనే అమ్మవారి చూపు శ్రీ చక్రం వెనుకున్న కుంభరాశిపై పడి అనంతరం హారతి తెచ్చిన ‘స్త్రీ’ వేషధారిపై పడుతుందని భక్తుల నమ్మకం. కుంభహారతి అనంతరం శ్రీ భ్రమరాంబాదేవి అమ్మవారి దర్శనానికి భక్తులు, స్థానికులు బారులు తీరారు. ఈ కుంభోత్సవంలో ఈవో పెద్దిరాజు దంపతులు, అధికారులు, సిబ్బంది పెద్ద ఎత్తున భక్తులు, స్ధానికులు పాల్గొన్నారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
