Ram Charan: శ్రీనగర్‌కు చేరుకున్న రామ్ చరణ్.. ఫిల్మ్ టూరిజం చర్చలో పాల్గొననున్న మెగా హీరో
కట్టుదిట్టమైన భద్రతా ఏర్పాట్ల మధ్య అట్టాహాసంగా ప్రారంభమైన G20 సభ్య దేశాల నుంచి 60 మంది ప్రతినిధులు ఈ సమావేశానికి హాజరయ్యారు. అంతర్జాతీయ ప్రతినిధులతో పాటు సౌత్ ఇండియా స్టార్ హీరో మెగా పవర్ స్టార్ రామ్ చరణ్ కూడా ఈ సదస్సులో పాల్గొనడానికి శ్రీనగర్ కు చేరుకున్నారు. ఫిల్మ్ టూరిజం చర్చలో చరణ్ పాల్గొంటారు.
Updated on: May 22, 2023 | 11:22 AM
జమ్మూకశ్మీరులోని శ్రీనగర్‌లో G20 టూరిజం వర్కింగ్ గ్రూప్ మీట్‌ అట్టాహాసంగా ప్రారంభమైంది. సాయుధ భద్రతా దళాల పహారాలో ప్రతిష్టాత్మకంగా ప్రారంభమైన ఈ సమావేశంలో విదేశీ ప్రతినిధులతో పాటు పలువురు సెలబ్రెటీలు కూడా పాల్గొంటున్నారు. అంతర్జాతీయ ప్రతినిధులతో పాటు సౌత్ ఇండియా స్టార్ హీరో మెగా పవర్ స్టార్ రామ్ చరణ్ కూడా ఈ సదస్సులో పాల్గొనడానికి శ్రీనగర్ కు చేరుకున్నారు. ఫిల్మ్ టూరిజం చర్చలో చరణ్ పాల్గొంటారు.
ఫిల్మ్ టూరిజం, ఎకో ఫ్రెండ్లీ టూరిజంపై చర్చించనున్న చరణ్
ఈ సమావేశంలో ఫిల్మ్ టూరిజం, ఎకో ఫ్రెండ్లీ టూరిజంపై చర్చించనున్నారు. అంతర్జాతీయ సదస్సులో జమ్మూ కాశ్మీర్‌లో అందుబాటులో ఉన్న అవకాశాలను ప్రోత్సహించడానికి ప్రత్యేక శ్రద్ధ తీసుకోనున్నారు. జమ్మూ కాశ్మీర్, రాజస్థాన్, మధ్యప్రదేశ్.. ఈ మూడు రాష్ట్రాలు ఫిల్మ్ టూరిజం పరంగా చాలా ముఖ్యమైనవి. G-20 సమావేశంలో మూడు రాష్ట్రాలకు సినిమా షూటింగ్ కు సహాయపడే సింగిల్ విండోను అభివృద్ధి చేయడానికి కృషి చేస్తామని అధికారులు చెబుతున్నారు.
ధర్మం, నెట్‌ఫ్లిక్స్ ప్రతినిధులు..
ఫిల్మ్ టూరిజం పాలసీపై జరిగే చర్చలో ధర్మ, నెట్‌ఫ్లిక్స్, ఫిక్కీ ప్రతినిధులు పాల్గొన్నారు. ఈ సదస్సు చివరి రోజున,.. ప్రతినిధులందరూ శ్రీనగర్ నగరంలోని వివిధ ప్రాంతాలను కూడా సందర్శిస్తారు.
ప్రతిష్టాత్మకంగా తీసుకున్న కేంద్రం
కట్టుదిట్టమైన భద్రతా ఏర్పాట్ల మధ్య అట్టాహాసంగా ప్రారంభమైన G20 సభ్య దేశాల నుంచి 60 మంది ప్రతినిధులు ఈ సమావేశానికి హాజరయ్యారు. శ్రీనగర్ కార్యక్రమానికి అత్యధిక సంఖ్యలో ప్రతినిధులు సింగపూర్ నుంచి విచ్చేసినట్టు అధికారులు చెప్పారు. 2019వ సంవత్సరం ఆగస్టులో కేంద్రం జమ్మూ కాశ్మీర్‌కు ప్రత్యేక హోదాను రద్దు చేసి, రాష్ట్ర హోదాను తొలగించిన తర్వాత ఈ ప్రాంతంలో అంతర్జాతీయ కార్యక్రమం జరగడం ఇదే తొలిసారి.
పాకిస్తాన్ ఈ సదస్సును బహిష్కరిస్తున్నట్లు అంతర్జాతీయంగా ప్రచారం చేసినప్పటికీ అనేక దేశాల ప్రతినిధులు మూడు రోజుల సదస్సులో పాల్గొంటున్నారు. అయితే చైనా, టర్కీ , సౌదీ అరేబియా దేశాలు మాత్రమే ఈ సదస్సుకు దూరంగా ఉన్నాయి.
కశ్మీర్ అందాలను చివరి రోజున వీక్షించనున్న అతిథులు
ఈ సమావేశంలో ఫిల్మ్ టూరిజం , ఫిల్మ్ టూరిజం పాలసీ అవకాశాలపై ప్రత్యేక సెషన్‌లు కూడా జరగనున్నాయి. మూడు రోజుల ఈ సదస్సులో చివరి రోజున అతిథులందరూ పోలో వ్యూ, జీలం రివర్ ఫ్రంట్ , శ్రీనగర్ నగర్ లోని ఇతర ప్రదేశాలను కూడా సందర్శించనున్నారు.
మరిన్ని జాతీయ వార్తల కోసం ఇక్కడ క్లిక్ చేయండి..
