Watch: బైక్‌ను ఢీకొట్టి.. బానట్‌పై పడిన వ్యక్తిని 1.5 కి.మీ లాక్కెళ్లిన కారు.. షాకింగ్‌ వీడియో..

గుజరాత్‌లోని మహిసాగర్ జిల్లాలో జాతీయ రహదారి 48పై బుధవారం రాత్రి భయంకరమైన హిట్ అండ్ రన్ సంఘటన జరిగింది. ఫుల్‌గా మద్యం తాగి కారు నడిపిన ఒక ఉపాధ్యాయులు నడిరోడ్డుపై బీభత్సం సృష్టించాడు. వేగంగా దూసుకొచ్చి ఒక బైక్‌ను ఢీకొట్టాడు. అంతటితో ఆగకుండా.. కారు బానట్‌పై పడిన బైక్‌ను సుమారు కిలోమీటర్‌న్నర ఈడ్చుకెళ్లాడు.. ఈ సమయంలో కారు బానట్‌పై బైక్‌తో పాటు మరో వ్యక్తి కూడా ఉన్నట్టు సోషల్‌ మీడియాలో వైరల్‌ అవుతున్న వీడియోలో మనం చూడవచ్చు.. కొద్ది దూరం వెళ్లిన తర్వాత అతను దానిపై నుంచి కిందపడిపోయాడు.

అది గమనించిన అటుగా వెళ్తున్న వారు కారు డ్రైవర్‌ను ఆపి వెంటనే పోలీసులకు సమాచారం అందించారు. సమాచారంతో వెంటనే ఘటనా స్థలానికి చేరుకున్న బాకోర్ పోలీసులు కారు ఢీకొనడంతో గాయపడిన బైక్‌పై ఉన్న వ్యక్తిని స్థానిక హాస్పిటల్‌కు తరలించారు. మద్యం మత్తులో ఈ దారుణానికి పాల్పడిన డ్రైవర్ మనీష్ పటేల్, అతని సోదరుడు మెహుల్ పటేల్‌లను అదుపులోకి తీసుకుని, కారును స్వాధీనం చేసుకున్నారు. అనంతరం వారిని బాకోర్ పోలీస్ స్టేషన్‌కు తరలించారు.

ప్రమాదంలో గాయపడిన ఇద్దరు బైక్‌పై ఉన్న వారిని 50 ఏళ్ల దినేష్‌భాయ్, 21 ఏళ్ల సునీల్‌గా పోలీసులు గుర్తించారు. వారిని చికిత్స కోసం లునావాడ సివిల్ హాస్పిటల్, గోద్రా సివిల్ హాస్పిటల్‌కు తరలించారు. ఘటనపై కేసు నమోదు చేసుకుని దర్యాప్తు చేస్తున్నారు. మరోవైపు ఇందుకు సంబంధించిన వీడియో వైరల్‌ కావంలో ఆ ఉపాధ్యాయుడి తీరుపై నెటిజన్లు ఆగ్రహం వ్యక్తం చేస్తున్నారు.

వీడియో చూడండి..

#Mahisagar: મોડાસા લુણાવાડા રોડ પર હિટ એન્ડ રનની ચોંકાવનારી ઘટના આવી સામે, કાર ચાલકે બાઈક ચાલકને અકસ્માત સર્જી બચાવવાની જગ્યાએ ૩-૪ કિલોમીટર સુધી કાર ઉપર ઢસડીને લઈ ગયો.. અન્ય કારચાલકો દ્વારા કારચાલકને રોકી પોલીસના હવાલે કર્યો..#Gujarat #ViralVideo pic.twitter.com/7H5HUQYlFW

— 🇮🇳Parth Amin (@Imparth_amin) October 29, 2025

మరిన్ని జాతీయ వార్తల కోసం ఇక్కడ క్లిక్ చేయండి.