Pushpa 2: అయ్యాయో.. హీరో కటౌట్‌ని ఇలా మార్చేశారేందయ్యా.. పుష్ప 2 ట్రైలర్‏లో ఇతడిని గుర్తుపట్టారా..?

ఇప్పుడు సోషల్ మీడియాలో పుష్పగాడి రూల్ నడుస్తోంది. నవంబర్ 17న విడుదలైన పుష్ప 2 ట్రైలర్ సోషల్ మీడియాలో దూసుకుపోతుంది. ఇందులోని ప్రతి సీన్ గురించి ఇప్పుడు నెట్టింట చర్చ నడుస్తుంది. ఈ క్రమంలోనే ఇందులో అరగుండుతో కనిపించిన నటుడు ఎవరా అని ఆరా తీస్తున్నారు నెటిజన్స్.

Pushpa 2

Rajitha Chanti |
Updated on: Nov 18, 2024 | 11:35 AM

ప్రస్తుతం సోషల్ మీడియాలో అరాచకం సృష్టిస్తున్నాడు పుష్పరాజ్. ఇక తర్వలోనే అటు బాక్సాఫీస్ వద్ద విధ్వంసం సృష్టించనున్నాడు. ముందు నుంచి ఊహించినట్లుగానే పుష్ప 2 ట్రైలర్ వైల్డ్ ఫైర్‏లా ఉంది. నిన్న పాట్నాలో జరిగిన ట్రైలర్ లాంచ్ వేడుక చూసి అటు బీహార్ ప్రభుత్వం సైతం షాకయ్యిందంటే.. పుష్పరాజ్ క్రేజ్ ఎంతగా ఉందో అర్థం చేసుకోవచ్చు. నిన్న విడుదలైన ట్రైలర్ యూట్యూబ్‏లో దూసుకుపోతుంది. కథ రివీల్ చేయకుండా సినిమా మొత్తాన్ని చిన్న చిన్న క్లిప్స్‏గా కట్ చేసి రిలీజ్ చేసిన ట్రైలర్‏కు సూపర్ రెస్పాన్స్ వచ్చింది. ఇందులో ప్రతి ఒక్క నటుడిని కవర్ చేశారు. అప్పుడు పుష్ప మూవీలోని కీలకపాత్రలు పోషించిన యాక్టర్స్ కూడా ఇప్పుడు మరోసారి పుష్ప 2లోనూ సందడి చేయనున్నారు.

నిన్న విడుదలైన ట్రైలర్ సినిమాపై మరింత హైప్ క్రియేట్ చేసింది. ఇదంతా పక్కన పెడితే ఈ ట్రైలర్ లో కనిపించిన ఓ నటుడిని చూసి జనాలు షాకయ్యారు. అరగుండు, మెడలో చెప్పుల దండతో కిల్లింగ్ స్మైల్‏తో నడిచి వస్తున్న పాత్ర ఈ ట్రైలర్ కే హైలెట్ అయ్యింది. దీంతో ఆ నటుడు ఎవరబ్బా అని తెగ సెర్చ్ చేస్తున్నారు నెటిజన్స్. అతడి లుక్ స్క్రీన్ షాట్ తీసి మరీ గూగుల్లో జల్లెడ పట్టేస్తున్నారు. ఇంతకీ ట్రైలర్ లో ఆ అరగుండు, మెడలో చెప్పుల దండతో కనిపించిన ఆ నటుడు ఎవరో తెలుసా.. ఆ నటుడి పేరు తారక్ పొన్నప్ప.

ఇవి కూడా చదవండి

కన్నడ సినిమాల్లో కీలకపాత్రలు పోషించి మంచి గుర్తింపు తెచ్చుకున్నాడు. బ్లాక్ బస్టర్ హిట్ కేజీఎఫ్ మూవీలోనూ నటించాడు. ఇక ఇటీవలే ఎన్టీఆర్ నటించిన దేవర సినిమాలో ముఖ్య పాత్రలో కనిపించాడు. ఇందులో విలన్ సైఫ్ అలీఖాన్ కొడుకుగా కనిపించాడు. ఇప్పుడు పుష్ప 2లోనూ కీలకపాత్రలో నటించినట్లు తెలుస్తోంది. నిన్న ట్రైలర్ లో తన లుక్ కు సంబంధించిన స్క్రీన్ షాట్స్ అన్నింటిని తన ఇన్ స్టా స్టోరీలో షేర్ చేశాడు తారక్ పొన్నప్ప.

గతంలో ఓ ఇంటర్వ్యూలో తారక్ పొన్నప్ప మాట్లాడుతూ.. పుష్ప 2లో చాలా ముఖ్యమైన పాత్ర పోషించానని.. తన క్యారెక్టర్ మూవీ టర్న్ అయ్యే ట్విస్ట్ మాత్రమే కాకుండా పుష్ప లైఫ్ మారిపోయే ట్విస్ట్ అని చెప్పుకొచ్చాడు. అయితే అతడు ఏ పాత్ర పోషించాడనేది మాత్రం తెలియరాలేదు. ప్రస్తుతం తారక్ పొన్నప్ప పుష్ప 2 లుక్ ఫోటోస్ నెట్టింట వైరలవుతున్నాయి.