Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..

దాదాపు రెండు దశాబ్దాలపాటు సినీరంగాన్ని ఏలిన హీరోయిన్. అందం, అభినయంతో వెండితెరపై మెస్మరైజ్ చేసిన అందాల రాశి. కానీ తండ్రి, లాయర్ మాటలు విని కెరీర్ పూర్తిగా నాశనం చేసుకుంది. దీంతో సినిమాల్లో అవకాశాలు తగ్గిపోవడంతో చాలా సంవత్సరాలుగా అజ్ఞాతనంలోనే ఉండిపోయింది. ఇంతకీ ఆమె ఎవరో తెలుసా..

Actress

Rajitha Chanti |
Updated on: Nov 12, 2024 | 9:06 AM

సోషల్ మీడియా ప్రపంచంలో ప్రతి చిన్న విషయం క్షణాల్లో తెగ వైరలవుతుంటాయి. ఇప్పుడిప్పుడే సినీ నటీనటుల చిన్ననాటి ఫోటోస్ చక్కర్లు కొడుతున్నాయి. అలాగే ఇండస్ట్రీలోని ఒకప్పటి విషయాలు ఇప్పుడు వెలుగులోకి వస్తున్నాయి. టాలీవుడ్, బాలీవుడ్, కోలీవుడ్ ఇలా భాషతో సంబంధం లేకుండా సీనియర్ స్టార్స్ పర్సనల్ లైఫ్ విషయాలను తెలుసుకుంటున్నారు జనాలు. ఈ క్రమంలోనే ఇప్పుడు ఒకప్పటి హీరోయిన్ పేరు తెరపైకి వచ్చింది. దాదాపు 123 సినిమాల్లో కథానాయికగా నటించి దాదాపు రెండు దశాబ్దాలు సినీ ఇండస్ట్రీని ఏలిన హీరోయిన్. కానీ అనుకోని కారణాలతో ఆమె కెరీర్ నాశనం అయ్యింది. 40 సంవత్సరాలు నటిగా కొనసాగింది. ఇంతకీ ఆమె ఎవరంటే.. హీరోయిన్ మాలా సిన్హా. ఒకప్పుడు బాలీవుడ్ ఇండస్ట్రీలో టాప్ నటి. గురుదత్, అశోక్ కుమార్, దిలీప్ కుమార్, రాజ్‌కుమార్, మనోజ్ కుమార్, రాజేష్ ఖన్నా వంటి పెద్ద ఆర్టిస్టులతో ఎన్నో సూపర్ హిట్ చిత్రాల్లో నటించింది.

సినిమాల్లో లక్షల కోట్లు సంపాదించిన హీరోయిన్ ఇంటి పనులు తానే చేసేది. డబ్బు వృధా కాకుండా ఉండటానికి పనివాళ్లను కూడా నియమించుకోలేదు. అయితే 1978లో ఒకరోజు ఆమె ఇంటిపై ఆదాయపు పన్ను శాఖ అధికారులు దాడులు చేశారు. ఈ దాడిలో ఆమె బాత్రూమ్ గోడలో రూ.12 లక్షలు స్వాధీనం చేసుకున్నారు. ఆ రోజుల్లో ఒక అణ, రెండు అణాలు, పెన్నీలలో వేతనాలు చెల్లిస్తే ఇంత డబ్బును భారీ మొత్తంగా భావించేవారు. అయితే ఆ డబ్బును తన తండ్రి దాచిపెట్టాడని..తనకు తెలియదని మాలా చెప్పినట్లు సమాచారం. అలాగే ఆమె అధికారులతో పలుమార్లు మాట్లాడినా పరిష్కారం దొరకలేదు. దీంతో కోర్టును ఆశ్రయించగా.. ఆమె లాయర్, ఆమె తండ్రి డబ్బును తిరిగి పొందమని సలహా ఇచ్చారు. దీంతో ఆమె కోర్టుకు ఇచ్చిన వాంగ్మూలం వ్యభిచారం ద్వారా ఇంత పెద్ద మొత్తంలో డబ్బు సంపాదించినట్లు చెప్పిందట.

Mala Sinha

అయితే కోర్టులో మాలా సిన్హా చెప్పిన మాటలు విని అందరూ షాకయ్యారు. టాప్ హీరోయిన్ వ్యభిచారం ద్వారా డబ్బులు సంపాదించిందని తెలియడంతో ఆమెకు సినిమాల్లో అవకాశాలు తగ్గిపోయాయి. ఆమె ఇమేజ్ సైతం దెబ్బతింది. ఏడాదికి 5, 6 సినిమాలు చేసే ఆమె ఆ తర్వాత ఒకట్రెండు చిత్రాల్లో కనిపించింది. మాలా సిన్హా నేపాలీ నటుడు చిదంబర్ ప్రసాద్ లోహానిని వివాహం చేసుకుంది. వీరికి ఒక కుమార్తె ఉంది. ప్రస్తుతం సినిమాలకు దూరంగా ఉండిపోయింది మాలా సిన్హా.

ఇవి కూడా చదవండి