శ్రీలీల

టాలీవుడ్ లో ప్రస్తుతం ఉన్న సెన్సేషనల్ హీరోయిన్స్ లో శ్రీలీల ఒకరు. కన్నడ ఇండస్ట్రీ నుంచి వచ్చిన ఈ బ్యూటీ తక్కువ సమయంలోనే టాప్ హీరోయిన్ గా మారిపోయింది. పెళ్లి సందD  సినిమాతో టాలీవుడ్ లోకి అడుగుపెట్టింది. తొలి సినిమాతోనే అందం అభినయంతో ప్రేక్షకులను ఆకట్టుకుంది. ఆతర్వాత రవితేజతో కలిసి ధమాకా సినిమాతో సూపర్ హిట్ అందుకుంది. దాంతో ఈ చిన్నదానికి వరుస ఆఫర్స్ క్యూ కట్టాయి. వరుసగా స్కంద, భగవంత్ కేసరి, ఆదికేశవ, ఎక్స్ ట్రా ఆర్డనరీ మ్యాన్, గుంటూరు కారం సినిమాల్లో నటించింది. ఇక ఇప్పుడు పవన్ కళ్యాణ్ నటిస్తున్న ఉస్తాద్ భగత్ సింగ్ సినిమాలోనూ హీరోయిన్ గా ఛాన్స్ అందుకుంది ఈ చిన్నది. శ్రీలీల నటించిన సినిమాల్లో ధమాకా, భగవంత్ కేసరి తప్ప మిగిలిన సినిమాలన్నీ ఆశించిన స్థాయిలో సక్సెస్ కాలేదు. గుంటూరు కారం సినిమాకు మిక్స్డ్ టాక్ వచ్చిన రికార్డ్ స్థాయిలో కలెక్షన్స్ సాధించింది ఈ సినిమా.. శ్రీలీల చేతిలో మరికొన్ని ప్రాజెక్ట్స్ కూడా ఉన్నాయని తెలుస్తోంది..