పుష్ప 2

డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటించిన సినిమా పుష్ప. మైత్రీ మూవీ మేకర్స్ బ్యానర్ పై నిర్మించిన ఈ యాక్షన్ ఎంటర్‏టైనర్ 2022 డిసెంబర్ 17న విడుదలై భారీ విజయాన్ని అందుకుంది. తెలుగు, తమిళం, మలయాళం, కన్నడ, హిందీ భాషలలో రిలీజ్ అయిన ఈసినిమాకు అన్ని వర్గాల అడియన్స్ నుంచి మంచి రెస్పాన్స్ వచ్చింది. ఇందులో నేషనల్ క్రష్ రష్మిక మందన్నా హీరోయిన్‏గా నటించగా.. సునీల్, అనసూయ, ఫహద్ ఫాజిల్ కీలకపాత్రలు పోషించారు. ఈ చిత్రానికి దేవీ శ్రీ ప్రసాద్ సంగీతం అందించారు. 69వ జాతీయ చలనచిత్ర అవార్డులలో పుష్ప ది రైజ్ సినిమాకు ఉత్తమ నటుడిగా జాతీయ అవార్డ్ అందుకున్నారు అల్లు అర్జున్. అలాగే ఉత్తమ సంగీత దర్శకుడిగా దేవి శ్రీ ప్రసాద్ అవార్డును గెలుచుకున్నారు. ఇక 67వ ఫిల్మ్ ఫేర్ అవార్డులలో ఈ సినిమా మొత్తం 8 నామినేషన్స్ అందుకుంది. ఈ సినిమాకు కొనసాగింపుగా పుష్ప 2 చిత్రాన్ని రూపొందిస్తున్నారు.