Deepika Padukone: దీపికాకు అరుదైన గౌరవం.. ఆ ఘనత సాధించిన తొలి భారతీయ నటిగా రికార్డ్..

బాలీవుడ్ స్టార్ హీరోయిన్ దీపికా కొన్నాళ్లుగా సినిమాలకు దూరంగా ఉంటున్న సంగతి తెలిసిందే. చివరగా కల్కి 2898 ఏడీ సినిమాతో వెండితెరపై సందడి చేసిన ఆమె.. ప్రస్తుతం మాతృత్వాన్ని ఆస్వాదిస్తుంది. తన కూతురితో కలిసి సమయం గడుపుతుంది. ఈ క్రమంలోనే దీపికా అరుదైన గౌరవం అందుకున్నారు. అసలు ఏం జరిగిందంటే..

Deepika Padukone

Rajitha Chanti |
Updated on: Jul 03, 2025 | 1:38 PM

బాలీవుడ్ స్టార్ హీరోయిన్ దీపిక పదుకొణెకు పాన్ ఇండియా లెవల్లో విపరీతమైన క్రేజ్ ఉన్న సంగతి తెలిసిందే. బెంగుళూరుకు చెందిన ఓ సాధారణ అమ్మాయి ఎలాంటి బ్యాగ్రౌండ్ సపోర్ట్ లేకుండానే సినీరంగంలో అడుగుపెట్టి తనదైన ముద్ర వేసింది. మొదట్లో మోడలింగ్ రంగంలోకి ఎంట్రీ ఇచ్చిన దీపికా.. ఫస్ట్ మూవీ ఏకంగా షారుఖ్ ఖాన్ సరసన కొట్టేసింది. ఓం శాంతి ఓం సినిమాతో బాలీవుడ్ ఇండస్ట్రీలోకి అడుగుపెట్టిన దీపికా తొలి సినిమాతోనే భారీ విజయాన్ని దక్కించుకుంది. దీంతో ఈ అమ్మడు పేరు ఇండస్ట్రీలో మారుమోగింది. ఆ తర్వాత స్టార్ హీరోలకు జోడిగా నటిస్తూ తనదైన ఇమేజ్ క్రియేట్ చేసింది. ఇప్పుడు బీటౌన్ లో అత్యధిక పారితోషికం తీసుకుంటున్న హీరోయిన్లలో దీపికా ఒకరు. ఇదిలా ఉంటే.. తాజాగా ఈ బ్యూటీ అరుదైన గౌరవం అందుకుంది.

తాజాగా ఆమెకు అంతర్జాతీయ స్థాయిలో అరుదైన గౌరవంం దక్కింది. హాలీవుడ్ వాక్ ఆఫ్ ఫేమ్ స్టార్ 2026కు ఎంపికయ్యారు. ఈ మేరకు హాలీవుడ్ ఛాంబర్ ఆఫ్ కామర్స్ అధికారిక ప్రకటన విడుదల చేసింది. మోషన్ పిక్చర్స్ విభాగంలో ఆమె ఈ ఘనతను సొంతం చేసుకున్నారు. అంతేకాకుండా ఈ గౌరవం అందుకున్న తొలి భారతీయ నటిగా దీపికా సరికొత్త రికార్డ్ సృష్టించారు. హాలీవుడ్ ఛాంబర్ ఆఫ్ కామర్స్ తాజాగా వెల్లడించిన జాబితాలో డెమి మూర్, రాచెల్ మెక్ ఆడమ్స్, ఎమిలీ బ్లంట్ వంటి హాలీవుడ్ స్టార్స్ తోపాటు దీపిక పేరు ఉండడం విశేషం.

దీంతో ఇప్పుడు దీపికాకు సినీప్రముఖులు, అభిమానులు శుభాకాంక్షలు తెలుపుతున్నారు. హాలీవుడ్ వాక్ ఆఫ్ ఫేమ్ స్టార్ 2026కు 35 మంది ప్రతిభావంతులు ఎంపిక చేసినట్లు ఛాంబర్ తెలిపింది. సినీరంగంలో అద్భుతమైన కృషి చేసిన వారిని ఎంపిక చేసినట్లు ఛాంబర్ వెల్లడించింది. దీపికాకు ప్రపంచవ్యాప్తంగా మంచి ఫాలోయింగ్ ఉంది. గతంలోనూ అనేక హాలీవుడ్ మ్యాగజైన్స్ విడుదల చేసిన విభిన్న జాబితాలలో చోటు దక్కించుకుంది. ఇక దీపికా చివరిసారిగా ప్రభాస్ నటించిన కల్కి 2898 ఏడీ చిత్రంలో కనిపించింది.

ఇవి కూడా చదవండి