Rakul Preet Singh: ఆక్వా బాల్ ఎక్సర్ సైజ్.. రకుల్ చేసే ఈ వ్యాయామం వల్ల ఇన్ని లాభాలున్నాయో? వీడియో
సినిమా ఇండస్ట్రీలో ఫిట్ నెస్ కు అత్యంత ప్రాధాన్యమిచ్చే హీరోయిన్లలో రకుల్ ప్రీత్ సింగ్ ఒకరు. పెళ్లయ్యాక కూడా రకుల్ ఎంతో స్లిమ్ గా, నాజూకుగా కనిపిస్తుందంటే దానికి ప్రధాన కారణం .. ఫిట్ నెస్ విషయంలో ఆమె తీసుకుంటోన్న శ్రద్ధనే అని ప్రత్యేకంగా చెప్పక్కర్లేదు.
Updated on: Jul 20, 2025 | 12:42 PM
ఒకప్పుడు స్టార్ హీరోయిన్ గా టాలీవుడ్ లో ఓ వెలుగు వెలిగింది రకుల్ ప్రీత్ సింగ్. అయితే పెళ్లయ్యాక మాత్రం తన మకాంను బాలీవుడ్ కు మార్చేసింది. ఇప్పుడు అక్కడే వరుసగా సినిమాలు చేస్తోందీ అందాల తార. సినిమాల సంగతి పక్కన పెడితే ఫిట్నెస్ విషయంలో చాలా శ్రద్ధ తీసుకుంటుంది రకుల్. జిమ్, యోగా, పైలేట్స్ , కార్డియో, రన్నింగ్, హైకింగ్, గోల్ప్ ఇలా వివిధ రకాల వర్కౌట్స్ చేస్తుంటుంది. చేయడమే కాదు సోషల్ మీడియాలో ఇందుకు సంబంధించిన ఫొటోలు, వీడియోలను షేర్ చేస్తుంటుంది. తద్వారా తన ఫాలోవర్లకు హెల్త్ అండ్ ఫిట్ నెస్ పై అవేర్ నెస్ కల్పిస్తోంది. తాజాగా ఫిట్ నెస్ రొటీన్కు సంబంధించి రకుల్ మరో ఆసక్తికరమైన వీడియోలను షేర్ చేసింది. మనం పెద్దగా పట్టించుకోని ‘చిన్న కండరాలకు’ కూడా ప్రాధాన్య ఇవ్వాలని, వాటి దృఢత్వం కోసం తగిన వ్యాయామాలు చేయాలని సూచించింది. ఇక మరో వీడియోలో అద్భుతమైన బాలెన్సింగ్తో ఆక్వా బాల్ ఎక్సర్ సైజ్ చేసి చూపించింది రకుల్.
‘ఈ ట్రైనింగ్లో చిన్న కండరాలను బలోపేతం చేయడంతో పాటు, బరువులు ఎత్తడం అంతే ముఖ్యం. మొదట్లో బోసు బాల్పై కూడా బ్యాలెన్స్ చేయలేకపోయాను కానీ ఇప్పుడు ఈ స్మాల్ వాటర్ బాల్ పై సులువుగా బ్యాలెన్స్ చేస్తున్నా’ అని చెప్పుకొచ్చంది రకుల్. ఈ వీడియోలో ముందు తన చేతులను ఫ్రీగా వదిలేసి బ్యాలెన్స్ చేయగా, ఆ తరువాత చేతులను కలిపి ఉంచి, ఒంటి కాలిపై సింగిల్-లెగ్ స్క్వాట్స్, ఫ్లూయిడ్ బాల్పై తన బాడీని బాలెన్స్ చేసింది. ఈ సారి జిమ్కి వెళ్లినప్పుడు ఇలా ప్రయత్నించండి అంటూ తన ఫాలోవరకు సూచించింది. రకుల్.
రకుల్ ప్రీత్ సింగ్ షేర్ చేసిన ఆక్వా బాల్ ఎక్సర్ సైజ్ వీడియో ఇదిగో..
View this post on Instagram
ఆక్వా బాల్ ఎక్సర్ సైజ్ తో లాభాలివే
- ఈ బ్యాలెన్సింగ్ ఎక్సర్ సైజ్ వల్ల శరీరంపై నియంత్రణ ఉంటుంది. మంచి బ్యాలెన్సింగ్ శక్తిని ఇస్తుంది. ఉదర కండరాలను బలోపేతం చచేస్తుంది.
- కోర్ను టోన్ చేయడంతోపాటు బలోపేతం చేయడంలో కూడా సహాయపడతాయి. పోశ్చర్ (భంగిమను) మెరుగుపరుస్తుంది.
- కీళ్లపై ఒత్తిడిని తగ్గిస్తుంది, గాయాలు, ఆర్థరైటిస్ నొప్పులను దూరం చేస్తుంది. బాడీకి ఫ్లెక్సిబిలీటీని అందిస్తుంది. ముఖ్యంగా తుంటి, వీపు , భుజాల చుట్టూ, కండరాల దృఢత్వాన్ని పెంచుతుంది.
మరిన్ని సినిమా వార్తల కోసం ఇక్కడ క్లిక్ చేయండి..
