Maaran Trailer: మారన్‌ ట్రైలర్‌ చూశారా.? డేరింగ్‌ జర్నలిస్ట్‌గా దుమ్మురేపిన ధనుష్‌..

Maaran Trailer: తమిళ స్టార్‌ హీరో ధనుష్‌ (Dhanush) హీరోగా తెరకెక్కుతోన్న తాజా చిత్రం మారన్‌. కార్తీక్‌ నరేన్‌ దర్శకత్వం వహించిన ఈ సినిమాకు అర్జున్ త్యాగరాజన్‌ నిర్మాతగా వ్యవహరిస్తున్నారు. ఈ సినిమాను నేరుగా ఓటీటీ (OTT) వేదికగా విడుదల చేయనున్నారు. డిస్నీ ప్లస్‌ హాట్‌స్టార్‌ వేదికగా మార్చి 11 నుంచి ఈ సినిమా స్ట్రీమింగ్ కానుంది. ఈ నేపథ్యంలో సినిమా ప్రమోషన్స్‌లో వేగం పెంచిన చిత్ర యూనిట్ తాజాగా మారన్‌ సినిమా ట్రైలర్‌ను విడుదల చేసింది. కెరీర్‌ మొదటి నుంచి వినూత్న పాత్రలను ఎంచుకుంటూ తనదైన ముద్ర వేస్తున్న ధనుస్‌ ఈ సినిమాలోనూ ఛాలెంజింగ్‌ రోల్‌లో కనిపిస్తున్నారు. ధనుష్‌ ఈ చిత్రంలో ఇన్వెస్టిగేటివ్‌ జర్నలిస్ట్‌ పాత్రలో కనిపిస్తున్నారు.

ఈ ట్రైలర్‌ విషయానికొస్తే ఆద్యంతం ఆసక్తిగా సాగింది. ఓ టీవీ ఛానల్‌ రిపోర్ట్‌ రాజకీయ వ్యవస్థతో తలపడితే ఏం జరుగుతుంది అన్న కథాంశంతో సినిమాను తెరకెక్కించినట్లు కనిపిస్తోంది. ధనుష్‌ ఇన్వెస్టిగేటివ్‌ జర్నలిస్ట్‌ పాత్రలో మెప్పించారు. ఇక జీవీ ప్రకాష్‌ కుమార్‌ అందించిన నేపథ్య సంగీతం ఆకట్టుకుంటోంది. ఈ సినిమాలో ధనుష్‌కు జోడిగా మాళవికా మోహనన్‌ జోడిగా నటించారు. మరి మరో వినూత్న కథాంశంతో ప్రేక్షకుల ముందుకు వస్తున్న ధనుష్‌ ఈ సినిమాతో ఎలాంటి విజయాన్ని అందుకుంటారో చూడాలి. మరి మారన్ ట్రైలర్ ను మీరూ చూసేయండి..

Also Read: మూడో పెళ్లి కోసం.. రెండో భార్యను చంపి.. మొదటి భార్యను కూడా ఇలాగే

Stock Market: లాభాల్లో ముగిసిన స్టాక్ మార్కెట్లు.. సెన్సెక్స్ 389, నిఫ్టీ 136 పాయింట్లు అప్..

Narayana Swamy-YS Jagan: సినిమా హీరో కాదు.. సీఎం జగన్ హీరోలకే హీరో.. ఏపీ డిప్యూటీ సీఎం వ్యాఖ్యలు