Sim Card New Rules: కస్టమర్లకు గుడ్ న్యూస్.. ఇకపై ఇంటికే సిమ్ కార్డు.! వివరాలివే..
Sim Card Door Delivery: సాధారణంగా మొబైల్ సిమ్ కార్డు కొనుగోలు చేయాలంటే.. సమీప స్టోర్‌కు వెళ్లి ఆధార్ కార్డు అథెంటికేషన్ చేసి, డీటెయిల్స్ నమోదు..
Ravi Kiran | Edited By: Anil kumar poka
Updated on: Sep 23, 2021 | 5:14 PM
సాధారణంగా మొబైల్ సిమ్ కార్డు కొనుగోలు చేయాలంటే.. సమీప స్టోర్‌కు వెళ్లి ఆధార్ కార్డు అథెంటికేషన్ చేసి, డీటెయిల్స్ నమోదు చేసిన తర్వాత సిమ్ కార్డును పొందగలం. అయితే ఇకపై ఈ ప్రక్రియను టెలికాం శాఖ(డాట్) మరింత సులభతరం చేసింది. ఇకపై కొత్త సిమ్ కార్డు పొందాలంటే స్టోర్‌కి వెళ్ళాల్సిన అవసరం లేదని.. ఇంటి నుంచే కొనుగోలు చేసుకోవచ్చునని కస్టమర్లకు సూచించింది. డిపార్ట్‌మెంట్ ఆఫ్ టెలీ కమ్యూనికేషన్స్ ఈ మేరకు టెలికాం ఆపరేటర్లకు ఆదేశాలు జారీ చేసింది.
సిమ్ కార్డు కొనుగోలు చేసుకోవాలనుకున్న కస్టమర్లు టెలికాం ఆపరేట్లర్ల వెబ్‌సైట్‌లో కనెక్షన్ కోసం దరఖాస్తు చేసుకుని, ఆధార్ లేదా డిజిలాకర్ యాప్‌లో ఉన్న డాక్యూమెంట్స్ ఆధారంగా, ఈ-కేవైసీ సమర్పించి ధృవీకరణ ప్రక్రియను పూర్తి చేసుకుంటే.. కొరియర్ ద్వారా ఇంటికే సిమ్ కార్డు వచ్చేస్తుంది. అయితే ఈ-కేవైసీ సర్వీసులను వినియోగించుకున్నందుకు గానూ కస్టమర్లు రూ. 1 చెల్లించాల్సి ఉంటుందని డాట్ తెలిపింది.
అటు కస్టమర్లు పోస్ట్ పెయిడ్ నుంచి ప్రీ-పెయిడ్‌కు మారాలన్నా, ప్రీ-పెయిడ్ నుంచి పోస్ట్ పెయిడ్‌కు మరాలన్నా కూడా ఆన్‌లైన్ నుంచే చేసుకోవచ్చు. కోవిడ్ కారణంగా కాంటాక్ట్ రహిత సర్వీసులు అవసరం ఏర్పడటంతో డాట్ ఈ మేరకు ఆదేశాలు జారీ చేసింది. ఇక ఈ సౌకర్యం కొత్త సబ్‌స్క్రయిబర్లకు మరింత సౌకర్యవంతంగా ఉండొచ్చునని డాట్ స్పష్టం చేసింది.
Read Also: ఈ ఫోటోలోని జింకను కనిపెట్టండి.. మీ మెదడుకు మేత వేయండి.. ఈజీగా కనిపెట్టొచ్చు..
గాల్లో ఢీకొన్న రెండు విమానాలు.. దూకేసిన ప్రయాణీకులు.. చివరికి ఏం జరిగిందంటే.!
గజరాజుకు కోపమొస్తే ఇంతేనేమో.. అడవి దున్నను కుమ్మేసిందిగా.. వీడియో చూస్తే ఆశ్చర్యపోతారంతే.!
