Chicken: ఈ కోడి ఎముకల మూలుగు తిన్నారనుకోండి ఆస్పత్రి బెడ్ ఎక్కాల్సిందే.. యమా డేంజర్

ప్రస్తుత రోజుల్లో బ్రాయిలర్ కోళ్ళ వినియోగం గణనీయంగా పెరిగింది. మాంసాహారం తీసుకునే వారిలో సగం మంది బ్రాయిలర్ చికెన్‌నే ఎంచుకుంటున్నారు. అయితే, ఈ బ్రాయిలర్ కోళ్ళను వేగంగా, తక్కువ సమయంలో పెంచడానికి పౌల్ట్రీ ఫారమ్‌లలో అనేక అసాధారణ పద్ధతులను ఉపయోగిస్తున్నారు. ఇందులో భాగంగా వాటికి త్వరగా బరువు పెరిగేందుకు అనేక రకాల ఇంజక్షన్లు, హార్మోన్లు, యాంటీబయాటిక్స్ ఇస్తున్నారు. ఈ ప్రక్రియ పూర్తిగా సహజసిద్ధంగా ఉండదు, ఇది కోళ్ళ ఆరోగ్యంపై తీవ్ర ప్రభావం చూపుతుంది.

ఆరోగ్య నిపుణులు, వైద్యుల ప్రకారం, బ్రాయిలర్ కోడి చికెన్ ఎముకలు, ముఖ్యంగా వాటిలోని మూలుగును తినడం వల్ల పలు ఆరోగ్య సమస్యలు వచ్చే ప్రమాదం ఉంది. బ్రాయిలర్ కోళ్ళకు ఇచ్చే ఇంజక్షన్లు, హార్మోన్ల ప్రభావం వాటి ఎముకలపై తీవ్రంగా ఉంటుందని పలు అధ్యయనాలు ఇప్పటికే వెల్లడించాయి. ఈ ఎముకలను మానవ శరీరానికి చేర్చడం వల్ల ప్రమాదం పొంచి ఉందని వైద్యులు హెచ్చరిస్తున్నారు.

మాంసాహార ప్రియులు తరచుగా చికెన్ తినేటప్పుడు ఎముకలను కూడా నమిలి మింగేస్తుంటారు, లేదా వాటిలోని మజ్జను జుర్రేస్తుంటారు. సాధారణంగా ఎముకల్లో మజ్జ అనే పదార్థం ఉంటుంది, ఇది మనుషులతో సహా ప్రతి జీవికి సహజం. దీనిలో అనేక పోషకాలు ఇమిడి ఉంటాయి. ఉదాహరణకు, రోడ్డు ప్రమాదాల్లో గాయపడిన వారికి లేదా చేతులు, కాళ్ళు విరిగిన వారికి వైద్యులు తరచుగా మేక ఎముకల సూప్ తాగమని సలహా ఇస్తారు. ఈ సూప్ విరిగిన ఎముకలు వేగంగా అతుక్కోవడానికి, వాటి రికవరీకి సహాయపడుతుందని నమ్ముతారు. మేక ఎముకల మజ్జలో కొలాజెన్, మినరల్స్ వంటివి ఉంటాయి.

అయితే, కోడి ఎముకల విషయంలో రెండు రకాల ముఖ్యమైన విషయాలను పరిగణనలోకి తీసుకోవాలి. నాటుకోడి ఎముకలు తినడం ఆరోగ్యానికి మంచిది. నాటుకోడి సహజసిద్ధంగా పెరుగుతుంది కాబట్టి దాని ఎముక మధ్యలో కొలాజెన్, కంజుగేటెడ్ లినోలిక్ యాసిడ్ (CLA), గ్లైసిన్, గ్లూకోసమైన్ వంటి అనేక ఆరోగ్యకరమైన ప్రోటీన్లు పుష్కలంగా ఉంటాయి. ఈ పోషకాలు చర్మ ఆరోగ్యాన్ని కాపాడటానికి, చర్మాన్ని కాంతివంతంగా ఉంచడానికి దోహదపడతాయి. అలాగే కీళ్ల పనితీరును మెరుగుపరుస్తాయి. కీళ్లవాపులు, నొప్పులు ఉన్నవారు నాటుకోడి ఎముకల మజ్జను తింటే ఉపశమనం లభిస్తుందని చెబుతారు. కానీ బ్రాయిలర్ కోళ్ళ ఎముకలలో ఈ లాభాలు ఉండవని, పైగా రసాయన అవశేషాల కారణంగా అవి హానికరం అని నిపుణులు స్పష్టం చేస్తున్నారు.

ఇది చదవండి: ఆపరేషన్ అక్కర్లేదు.. 15 రోజులు ఇలా చేస్తే పైల్స్ రోగం మళ్లీ రానే రాదు..