IND vs NED: బ్యాటింగ్‌లో సత్తా చాటిన భారత్.. నెదర్లాండ్స్ ముందు భారీ టార్గెట్.. కోహ్లీ, రోహిత్, సూర్య హాఫ్ సెంచరీలు..
టాస్ గెలిచిన టీమిండియా కెప్టెన్ రోహిత్ శర్మ ముందుగా బ్యాటింగ్ ఎంచుకున్నాడు. నిర్ణీత 20 ఓవర్లలో టీమిండియా 2 వికెట్లు కోల్పోయి 179 పరుగులు చేసింది.
Updated on: Oct 27, 2022 | 2:21 PM
టీ20 ప్రపంచకప్‌లో ఈరోజు భారత్-నెదర్లాండ్స్ మధ్య మ్యాచ్ జరుగుతోంది. టాస్ గెలిచిన టీమిండియా కెప్టెన్ రోహిత్ శర్మ ముందుగా బ్యాటింగ్ ఎంచుకున్నాడు. నెదర్లాండ్స్ ముందు టీమిండియా 180 పరుగుల లక్ష్యాన్ని నిర్దేశించింది. విరాట్ కోహ్లి, సూర్యకుమార్ యాదవ్, రోహిత్ శర్మ రాణించడంతో భారత్ 20 ఓవర్లలో 2 వికెట్ల నష్టానికి 179 పరుగులు చేసింది. విరాట్ 44 బంతుల్లో 62, సూర్య 25 బంతుల్లో 51, రోహిత్ 39 బంతుల్లో 53 పరుగులు చేశారు. నెదర్లాండ్స్‌లో ఫ్రెడ్ క్లాసెన్, పాల్ వాన్ మెకెర్న్ తలో వికెట్ తీశారు.. కాగా, భారత జట్టు ప్లేయింగ్ ఎలెవన్‌లో ఎలాంటి మార్పు లేదు. ఈరోజు నెదర్లాండ్స్‌పై నెగ్గితే టీమ్ ఇండియా గ్రూప్-2లో నంబర్-1గా మారుతుంది.
కేఎల్ రాహుల్ ఫ్లాప్ షో..
కేఎల్ రాహుల్ పాకిస్తాన్‌పై 4 పరుగుల వద్ద అవుట్ అయ్యాడు. రెండో మ్యాచ్ అంటే నెదర్లాండ్స్‌పై కూడా మరోసారి దారుణంగా విఫలమయ్యాడు. మూడో ఓవర్ నాలుగో బంతి మిడిల్ లెగ్‌లో పూర్తిగా పడింది. రాహుల్ దానిని ఫ్లిక్ చేయాలనుకున్నాడు. కానీ, అతను బంతిని మిస్ చేశాడు. అంపైర్ వెంటనే వేళ్లు పైకెత్తాడు. రాహుల్ 12 బంతుల్లో 9 పరుగులు మాత్రమే చేసి, పెవిలియన్ చేరాడు. రాహుల్ వికెట్ మికారెన్ దక్కించుకున్నాడు.
అయితే, రీప్లేలో రాహుల్ నాటౌట్‌గా కాదని తేలింది. బంతి లెగ్‌స్టంప్‌ను కోల్పోయిందని స్పష్టమైంది. రోహిత్ శర్మ నిరాకరించడంతో రాహుల్ డీఆర్ఎస్ తీసుకోలేదు.
ఆకట్టుకున్న రోహిత్..
రోహిత్ శర్మ 35 బంతుల్లో 3 సిక్సులు, 4 ఫోర్లతో తన హాఫ్ సెంచరీ పూర్తి చేశాడు. ఆ తర్వాత క్లాసెన్ బౌలింగ్ లో భారీ షాట్ ఆడేందుకు ప్రయత్నించి, పెవిలియన్ చేరాడు. దీంతో 84 పరుగుల వద్ద టీమిండియా రెండో వికెట్ కోల్పోయింది.
That’s a brilliant half-century by @surya_14kumar off just 25 deliveries ??
Scorecard – https://t.co/Zmq1aoK16Q #INDvNED #T20WorldCup pic.twitter.com/9v0qo47U9A
— BCCI (@BCCI) October 27, 2022
కోహ్లీ మరో హాఫ్ సెంచరీ ఇన్నింగ్స్..
పాకిస్తాన్‌తో జరిగిన మ్యాచ్‌లో విరాట్ కోహ్లీ (87) కీలక ఇన్నింగ్స్‌తో టీమిండియాకు విజయాన్ని అందించిన సంగతి తెలిసిందే. ఇదే ఫాంతో నెదర్లాండ్స్ తో జరిగిన మ్యాచ్‌లో కేవలం 37 బంతుల్లో 3 ఫోర్లు, ఒక సిక్సర్‌తో తన హాఫ్ సెంచరీ పూర్తి చేసి, మరోసారి ఆకట్టుకున్నాడు.
200 స్ట్రైక్ రేట్‌తో దుమ్ము రేపిన సూర్య..
సూర్య కుమార్ యాదవ్ కేవలం 25 బంతుల్లో 7 ఫోర్లు, 1 సిక్సర్‌తో చివరి బాల్‌కు హాఫ్ సెంచరీ చేశాడు. ఈ క్రమంలో సూర్య 204 స్ట్రైక్ రేట్‌తో పరుగులు రాబట్టాడు.
భారత ప్లేయింగ్ XI: KL రాహుల్, రోహిత్ శర్మ(c), విరాట్ కోహ్లీ, సూర్యకుమార్ యాదవ్, హార్దిక్ పాండ్యా, దినేష్ కార్తీక్(w), అక్షర్ పటేల్, రవిచంద్రన్ అశ్విన్, భువనేశ్వర్ కుమార్, మహమ్మద్ షమీ, అర్ష్దీప్ సింగ్
నెదర్లాండ్స్ ప్లేయింగ్ XI: విక్రమ్‌జిత్ సింగ్, మాక్స్ ఓడౌడ్, బాస్ డి లీడ్, కోలిన్ అకెర్‌మాన్, టామ్ కూపర్, స్కాట్ ఎడ్వర్డ్స్(w/c), టిమ్ ప్రింగిల్, లోగాన్ వాన్ బీక్, షరీజ్ అహ్మద్, ఫ్రెడ్ క్లాసెన్, పాల్ వాన్ మీకెరెన్
