IPL 2025: RCB కెప్టెన్‌గా క్రునాల్ ఫర్పెక్ట్ అంటూ బాంబు పేల్చిన టీమిండియా లెజెండ్! కామెంట్స్ వెనక కారణమిదేనా?

2025 ఐపీఎల్ సీజన్‌లో రాయల్ ఛాలెంజర్స్ బెంగళూరు (RCB) తరఫున ఆల్‌రౌండర్ క్రునాల్ పాండ్యా గొప్ప ప్రదర్శనతో ఆకట్టుకుంటున్నాడు. ఇప్పటి వరకు 97 పరుగులు మరియు 13 వికెట్లు తీసిన క్రునాల్, RCBకు కీలక బౌలర్‌గా నిలిచాడు. ఐపీఎల్ 2025కి ముందు రాజత్ పటీదార్‌ను కెప్టెన్‌గా నియమించినప్పటికీ, మాజీ క్రికెటర్ సునీల్ గవాస్కర్ మాత్రం క్రునాల్ నాయకత్వానికి అర్హుడని అభిప్రాయపడ్డారు.

క్రునాల్ కెప్టెన్ అయితే ఎలా ఉంటుందో తెలుసా?

స్టార్ స్పోర్ట్స్‌లో మాట్లాడుతూ గవాస్కర్, క్రునాల్ పాండ్యా తాను చేసే ఆలోచనలు, ఆటపై దృష్టిని బట్టి అతనికి నాయకత్వ బాధ్యతలు చక్కగా సరిపోతాయని అన్నారు. “బ్యాటింగ్, బౌలింగ్, ఫీల్డింగ్ – ఆటలో ప్రతి క్షణం అతను కనిపిస్తాడు. అయినా ఎవ్వరూ అతన్ని కెప్టెన్సీకి పరిగణనలోకి తీసుకోలేదు. కానీ అతని ఆలోచనా శైలి చూస్తే, నాయకత్వం అతనికి తగిన బాధ్యతే,” అని అన్నారు గవాస్కర్.

RCBలో క్రునాల్ విజయాలు

LSGతో మూడు సీజన్లు గడిపిన తర్వాత క్రునాల్ పాండ్యా ఐపీఎల్ 2025 మెగా వేలానికి ముందు విడుదలయ్యాడు. RCB అతన్ని రూ. 5.75 కోట్లకు కొనుగోలు చేసి భారీ లాభం పొందింది. క్రునాల్ ఈ సీజన్‌లో బాల్‌తో అసాధారణంగా రాణించాడు. ఇప్పటివరకు 10 మ్యాచ్‌ల్లో 13 వికెట్లు, అత్యుత్తమ గణాంకాలు 4/45, ఎకానమీ రేటు 8.62తో RCBలో ప్రధాన స్పిన్నర్‌గా ఎదిగాడు. డిసీపై ఆడిన మ్యాచ్‌లో 73 పరుగులతో అజేయంగా నిలిచి బ్యాటింగ్‌ టాలెంట్‌ను కూడా చూపించాడు.

ప్రస్తుతం RCB పరిస్థితి

RCB ప్రస్తుతం పాయింట్ల పట్టికలో మూడో స్థానంలో ఉంది, 14 పాయింట్లతో. శనివారం బెంగళూరులోని ఎం.చిన్నస్వామి స్టేడియంలో వారు చెన్నై సూపర్ కింగ్స్ (CSK)తో తలపడనున్నారు. ఈ మ్యాచ్ IPL 2025 ప్లేఆఫ్ రేసులో కీలకంగా మారనుంది. RCB ఇప్పటికే అత్యుత్తమ ఫామ్‌లో ఉంది. ముఖ్యంగా విరాట్ కోహ్లీ, పాటిదార్ లాంటి ఆటగాళ్ల నుంచి అద్భుతమైన ప్రదర్శన వస్తోంది. మరోవైపు, CSK కొంత వెనుకబడినా, కీలక సందర్భాల్లో మెరుస్తూ రావడం అలవాటైన జట్టు. RCB ఫామ్, విరాట్ కోహ్లీ రికార్డు, చినస్వామి స్టేడియం ఆధారంగా చూస్తే RCB ఈ మ్యాచ్ లో ఫెవరేట్ గా బరిలోకి దిగుతోంది. కానీ CSK అనుభవంతో ఆటను మలుపు తిప్పగలదు.

టాప్ ఆర్డర్ స్థిరంగా రాణిస్తుండటంతో పాటు రాయల్ ఛాలెంజర్స్ బౌలింగ్ యూనిట్ సమిష్టిగా రాణించడం అంతే కాదు అవుట్‌డోర్ మ్యాచుల్లో అజేయంగా కొనసాగుతుండటం.. కాగా ఈ మ్యాచ్ బెంగళూరులో జరుగుతుండటం ఆర్సీబీకీ కలసి వచ్చే అంశాలు. ఇక చెన్నై సూపర్ కింగ్స్ జడేజా & అశ్విన్ వంటి అనుభవజ్ఞుల బౌలింగ్ దళంతో బరిలోకి దిగుతుండటం, యువతతో పాటు సీనియర్ల మిశ్రమం, నైపుణ్యంతో పోరాడే సంస్కృతి ఉండటం వారికి కలసి వచ్చే అంశాలు.

మరిన్ని ఐపీఎల్ వార్తల కోసం ఇక్కడ క్లిక్ చేయండి..