ఊర్ల మీద విరుచుకుపడ్డ ఏనుగుల మంద.. ఏకంగా 8 గుంపులు దాడి.. మైనర్ బాలిక సహా ఇద్దరు మృతి..
తెల్లవారు జామున 2 గంటల సమయంలో బాలిక తన ఇంట్లో నిద్రిస్తున్న సమయంలో ఈ ఘటన జరిగినట్లు ప్రాథమిక సమాచారం. సుమారు ఎనిమిది ఏనుగుల గుంపు ఆవరణలోకి ప్రవేశించిందని కుటుంబ సభ్యులు తెలిపారు. వాటిని తరిమికొట్టేందుకు ప్రయత్నించగా ఓ ఏనుగు ఇంట్లోకి ప్రవేశించి మైనర్ బాలికను తొక్కింది.
ఒడిశాలో ఏనుగుల గుంపు హల్‌చల్‌ చేసింది. గ్రామాలపై విరుచుకుపడ్డ గజరాజులు విధ్వంసం సృష్టించాయి. ఒడిశాలో వేర్వేరు ప్రాంతాల్లో ఏనుగుల దాడి ఘటనల్లో మైనర్ బాలిక సహా ఇద్దరు మృతి చెందారు. సుమారు ఎనిమిది ఏనుగుల గుంపులు జనవాసాల్లోకి చొరబడ్డాయని స్థానికులు చెబుతున్నారు. వాటిని తరిమికొట్టేందుకు ప్రయత్నించగా ఓ ఏనుగు ఇంట్లోకి ప్రవేశించి మైనర్ బాలికను ఏనుగు తొక్కిందని చెప్పారు. బాలాసోర్, నయాగర్, ఖుర్దా జిల్లాల్లో ఏనుగులు భయానకంగా దాడి చేశాయి.
సోరో బ్లాక్ పరిధిలోని సరాలియా చిత్రసుల్ గ్రామంలో శనివారం తెల్లవారుజామున ఎనిమిదేళ్ల బాలికను ఏనుగు తొక్కి చంపింది. తెల్లవారు జామున 2 గంటల సమయంలో బాలిక తన ఇంట్లో నిద్రిస్తున్న సమయంలో ఈ ఘటన జరిగినట్లు ప్రాథమిక సమాచారం. సుమారు ఎనిమిది ఏనుగుల గుంపు ఆవరణలోకి ప్రవేశించిందని కుటుంబ సభ్యులు తెలిపారు. వాటిని తరిమికొట్టేందుకు ప్రయత్నించగా ఓ ఏనుగు ఇంట్లోకి ప్రవేశించి మైనర్ బాలికను తొక్కింది. కుటుంబ సభ్యులు మైనర్ బాలికను అంబులెన్స్ లో ఆసుపత్రికి తరలించినప్పటికీ అప్పటికే మృతి చెందినట్లు వైద్యులు నిర్ధారించారు. ఏనుగు దాడిలో తీవ్రంగా గాయపడిన చిన్నారిని హుటాహుటినా అంబులెన్స్ లో ఆస్పత్రికి తరలించారు. కానీ, ఫలితం లేకపోయింది. అప్పటికే బాలిక మృతి చెందినట్లు వైద్యులు వెల్లడించారిన మృతురాలి తండ్రి సురేష్ దేవూరి క‌న్నీరు పెట్టుకున్నారు.
మరో ఘటనలో నయాగఢ్ జిల్లాలో ఏనుగు దాడిలో ఓ వ్యక్తి మృతి చెందాడు. మృతుడిని రాన్ పూర్ బ్లాక్ లోని నతిమ్ గ్రామానికి చెందిన సత్యబాది బెహెరాగా గుర్తించారు. బెహెరా మరో ఇద్దరు సహచరులతో కలిసి పనికి వెళ్తుండగా ఈ ఘటన జరిగింది. వారిపై ఒక్క‌సారిగా ఏనుగుల గుంపు దాడికి పాల్ప‌డింది.
మరిన్ని జాతీయ వార్తల కోసం క్లిక్ చేయండి..
