Student: నన్ను ఎవరూ ప్రేమించడం లేదంటూ అమ్మాయి ఆత్మహత్య.. డైరీలో అది చూసి అంతా షాక్..
పశ్చిమ బెంగాల్ రాజధాని కోల్కతాలో దారుణం వెలుగు చూసింది. ఓ కాలేజీ విద్యార్థిని గదిలో ఉరి వేసుకుని ఆత్మహత్య చేసుకుంది. అయితే, ఆమె డైరీలో లభించిన సూసైడ్ లెటర్ చదివి అంతా షాక్ అయ్యారు. తనను ఎవరూ ప్రేమించడం లేదని
Updated on: Dec 20, 2022 | 7:00 AM
పశ్చిమ బెంగాల్ రాజధాని కోల్కతాలో దారుణం వెలుగు చూసింది. ఓ కాలేజీ విద్యార్థిని గదిలో ఉరి వేసుకుని ఆత్మహత్య చేసుకుంది. అయితే, ఆమె డైరీలో లభించిన సూసైడ్ లెటర్ చదివి అంతా షాక్ అయ్యారు. తనను ఎవరూ ప్రేమించడం లేదని, తన లైఫ్ ఇక వేస్ట్ అని భావించి ఆ అమ్మాయి బలవన్మరణానికి పాల్పడింది. ఈ విషాద ఘటన కోల్కతాలోని నక్తలా ప్రాంతంలో చోటు చేసుకుంది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. డిప్రెషన్ కారణంగా అమ్మాయి ఇలాంటి నిర్ణయం తీసుకుందా? మరేదైనా కారణం ఉందా? అనే కోణంలో దర్యాప్తు చేస్తున్నారు పోలీసులు.
కాగా, ఈ విషాదానికి సంబంధించి పోలీసులు, బాధిత కుటుంబ సభ్యులు తెలిపిన వివరాలు ఇలాన్నాయి. ఆత్మహత్య చేసుకున్న అమ్మాయి రౌనక్ అహ్మద్.. కోల్కతాలోని లేడీ బ్రబౌర్న్ కాలేజీలో డిగ్నీ ఫస్ట్ ఇయర్ చదువుతోంది. కుటుంబ సభ్యులతో కలిసి నక్తలా ప్రాంతంలో నివసిస్తోంది. అయితే, సోమవారం ఉదయం 5.30 గంటల సమయంలో రౌనక్ను పిలవడానికి ఆమె తల్లి వెళ్లింది. అయితే, ఎంతకీ గది తలుపు తెరవలేదు. ఫోన్ చేసినా లిఫ్ట్ చేయలేదు. దాంతో తలుపులు పగలగొట్టారు. కళ్ల ముందు విషాద దృశ్యం కనిపించింది. అమ్మాయి విగత జీవిగా ఉరికొయ్యకు వేలాడుతూ కనిపించింది. వెంటనే నేతాజీ నగర్ పోలీస్ స్టేషన్కు సమాచారం అందించారు కుటుంబ సభ్యులు. ఘటనా స్థలానికి చేరుకున్న పోలీసులు.. మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు.
కాగా, అమ్మాయి డెడ్ బాడీ పక్కన లభించిన డైరీలో సూసైడ్ నోట్ రాసి ఉంది. ‘ఎవరూ నన్ను ప్రేమించడం లేదు. ఇక నేను ఏమీ చేయలేను’ అంటూ సూసైడ్ నోట్ రాసింది. అది గమనించిన పోలీసులు.. తనను ఎవరూ ప్రేమించడం లేదనే కారణంగా ఒత్తిడికి గురై అమ్మాయి బలవన్మరణానికి పాల్పడి ఉంటుందని ప్రాథమిక అంచనాకు వచ్చారు. అయితే, ఆదివారం రాత్రి ఆ అమ్మాయి బాగానే ఉందని కుటుంబ సభ్యులు చెబుతున్నారు. అందరూ కలిసి కూర్చుని ఫుల్బాల్ ప్రపంచ కప్ మ్యాచ్ని వీక్షించించారని చెబుతున్నారు. అందరూ కలిసి డిన్నర్ కూడా చేశామన్నారు. రాత్రి బాగానే ఉండి.. ఉదయానికే ఇలా ఘోరానికి పాల్పడిందంటూ కన్నీరు మున్నీరవుతున్నారు కుటుంబ సభ్యులు.
మరిన్ని జాతీయ వార్తల కోసం ఈ లింక్ క్లిక్ చేయండి..
