నిర్లక్ష్యం ఖరీదు..! రైల్వే స్టేషన్లో కరెంట్ షాక్తో ఆరుగురు మృతి.. ఎక్కడంటే..
విద్యుత్ స్తంభాన్ని ఏర్పాటు చేస్తుండగా 25 వోల్టుల హైవోల్టేజీ విద్యుత్ ప్రవహించడంతో ప్రమాదం జరిగినట్టుగా తెలిసింది. ఊహించని రీతిలో కరెంట్ షాక్ కు గురై ఆరుగురు కాలిపోయి.. అక్కడికక్కడే మృతి చెందినట్లు సమాచారం.
Updated on: May 29, 2023 | 6:34 PM
అధికారులు, సిబ్బంది నిర్లక్ష్యంతో ఆరుగురు అమాయకుల ప్రాణాలు గాల్లో కలిసిపోయాయి. జార్ఖండ్ రైల్వే స్టేషన్లో విద్యుదాఘాతంతో ఆరుగురు మృతి చెందారు. జార్ఖండ్లోని నిసిద్పూర్ అనే పట్టణంలో రైల్వే సమీపంలో విద్యుత్ స్తంభాన్ని ఏర్పాటు చేసే పని జరుగుతోంది. ఆ సమయంలో రైలు పట్టాలపై విద్యుత్ ప్రవహించినట్లు తెలుస్తోంది. ఈ క్రమంలోనే ఆరుగురు కార్మికులు దుర్మరణం చెందారు. మృతులంతా ధన్బాద్, గోమో రైల్వే స్టేషన్ల మధ్య ఫిక్స్డ్పూర్ రైల్వే గేట్ సమీపంలో విద్యుత్ స్తంభాలను ఏర్పాటు చేసే పనిలో నిమగ్నమై ఉన్న కూలీలుగా గుర్తించారు.
విద్యుత్ స్తంభాన్ని ఏర్పాటు చేస్తుండగా 25 వోల్టుల హైవోల్టేజీ విద్యుత్ ప్రవహించడంతో ప్రమాదం జరిగినట్టుగా తెలిసింది. ఊహించని రీతిలో కరెంట్ షాక్ కు గురై ఆరుగురు కాలిపోయి అక్కడికక్కడే మృతి చెందినట్లు సమాచారం.
ఈ పరిస్థితిలో గాయపడిన వారిలో పలువురి పరిస్థితి విషమంగా ఉన్నట్లు సమాచారం. దీంతో మృతుల సంఖ్య పెరిగే అవకాశం ఉందని చెబుతున్నారు. ఈ ప్రమాదంతో ఆ ట్రాక్ మీదుగా వెళ్లాల్సిన రైళ్ల రాకపోకలు కూడా నిలిచిపోయాయి. ఈ ఘటన తీవ్ర సంచలనం సృష్టించింది.
మరిన్ని జాతీయ వార్తల కోసం ఇక్కడ లింక్ క్లిక్ చేయండి..
