Ayurveda Tips: ఈ మసాలా ఓ సూపర్ ఫుడ్.. జీర్ణ వ్యవస్థకు ఓ వరం.. ఎలా తీసుకోవాలంటే..

పిప్పలిని వాడుక బాషలో పొడవైన మిరియాలు అని కూడా అంటారు. ఇది ఆయుర్వేదంలో ముఖ్యమైన ఔషధంగా ఉపయోగించబడుతుంది. ఇది పిప్పలి చెట్టు కాసే పండ్ల నుంచి లభిస్తుంది. వివిధ వ్యాధుల చికిత్సలో ఉపయోగిస్తారు. పిప్పాలి లోని ఔషధ గుణాలు అనేక ఆరోగ్య ప్రయోజనాలను ఇస్తాయి. ఆయుర్వేదం, గట్ హెల్త్ ఎక్స్‌పర్ట్ మమతా శర్మ మాట్లాడుతూ పిప్పాలిని సాధారణ ఆరోగ్య సమస్యల చికిత్సలో మాత్రమే కాకుండా.. అనేక తీవ్రమైన వ్యాధుల నివారణకు కూడా ఇది ప్రయోజనకరంగా పరిగణించబడుతుంది. సరిగ్గా ఉపయోగించినట్లయితే.. చాలా ప్రయోజనకరమైనడి అని నిరూపించబడిందని పేర్కొన్నారు.

జీర్ణవ్యవస్థకు మేలు : పిప్పలిలో జీర్ణక్రియను మెరుగుపరిచే లక్షణాలు ఉన్నాయి. ఇది శరీర జీర్ణ శక్తిని పెంచడానికి పనిచేస్తుంది. ఇది గ్యాస్, మలబద్ధకం , అజీర్ణం వంటి సమస్యలను తగ్గించడంలో సహాయపడుతుంది. ఎసిడిటీ లేదా గ్యాస్ సమస్యలు ఉన్నవారికి ఇది చాలా ఉపయోగకరంగా ఉంటుంది.

శ్వాసకోశ వ్యవస్థ బలోపేతం: పిప్పాలి మసాలా ఆరోగ్యకరమైన శ్వాస వ్యవస్థను నిర్వహించడానికి సహాయపడుతుంది. ఇది దగ్గు, జలుబు, ఆస్తమా, సైనస్ సమస్యలకు చికిత్స చేయడంలో ప్రభావవంతంగా పని చేసే ఔషధం. ఇది శ్లేష్మాన్ని తొలగించడంలో , శ్వాసకోశ సమస్యల నుంచి ఉపశమనం ఇవ్వడంలో కూడా సహాయపడుతుంది.

ఇవి కూడా చదవండి

కొత్త ఏడాదిలో రాశి మార్చుకోనున్న శనీశ్వరుడు ఈ పొరపాట్లు చేయవద్దు

భారతదేశంలో TB గురించి భయానక అధ్యయనం..

ఉప్పు, పటిక మిశ్రమం ఎన్నో సమస్యలకు బెస్ట్ మెడిసిన్..

కొత్త ఏడాదిలో శుక్ర రాహుల కలయిక.. ఈ రాశులకు అన్నింటా విజయమే

బరువు తగ్గడానికి: పిప్పలి జీవక్రియను వేగవంతం చేస్తుంది. శరీరంలోని అదనపు కొవ్వును కాల్చడానికి సహాయపడుతుంది. దీన్ని తీసుకోవడం వల్ల శరీరంలో కొవ్వు కరుగుతుంది. బరువు తగ్గాలనుకునే వారికి ఇది ప్రయోజనకరమైన మసాలా. అంతేకాదు ఇది శరీరం నుంచి విషాన్ని తొలగించడానికి కూడా పనిచేస్తుంది.

రోగనిరోధక వ్యవస్థ ఆరోగ్యంగా ఉంచడానికి: పిప్పలిని తీసుకోవడం వల్ల శరీరంలోని రోగనిరోధక శక్తి బలపడుతుంది. ఇందులో యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలు పుష్కలంగా ఉన్నాయి. ఇది శరీరాన్ని ఇన్ఫెక్షన్ల నుంచి కాపాడుతుంది. ఇది వివిధ బ్యాక్టీరియా, వైరస్‌లతో పోరాడే శరీర సామర్థ్యాన్ని పెంచడానికి కూడా పనిచేస్తుంది.

ఒత్తిడి, మానసిక ఆరోగ్యం: పిప్పలి మానసిక స్థితిని మెరుగుపరచడంలో కూడా సహాయపడుతుంది. ఇది ఒత్తిడి, ఆందోళన, నిరాశను తగ్గించడంలో సహాయపడుతుంది. పిప్పలి నాడీ వ్యవస్థను ఆరోగ్యంగా ఉంచుతుంది. దీని వినియోగించడం వలన అలసట, బలహీనతను కూడా తొలగిస్తుంది.

పిప్పలిని కషాయంగా చేసుకుని తాగవచ్చు. అంతేకాదు పిప్పలి పొడిని తేనె, అల్లంతో కలిపి కూడా తినవచ్చు. ఎందుకంటే పిప్పలి స్వభావం వేడిగా ఉంటుంది.

మరిన్ని లైఫ్‌ స్టైల్‌ వార్తల కోసం క్లిక్‌ చేయండి..

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)