చలికాలం అని తెగ టీలు తాగేస్తున్నారా..? ఏమౌతుందో తెలిస్తే..

చాలామంది టీ, కాఫీతోనే తమ రోజుని ప్రారంభిస్తారు. టీ తాగడం ఒక సాధారణ అలవాటు. కానీ, దాని పరిమాణాన్ని నియంత్రించడం చాలా ముఖ్యం. అతిగా టీ తాగడం మీ ఆరోగ్యానికి చాలా ప్రమాదకరం. అయితే, టీ అలవాటును మానుకోలేని వారు రోజుకు ఎన్ని కప్పుల టీ తాగొచ్చు అనేది తప్పక తెలుసుకోవాలి. రోజులో ఎక్కువ టీ తాగడం వల్ల గుండె సంబంధిత సమస్యలు వస్తాయి. ఇది నిద్ర సమస్యలను కూడా పెంచుతుంది. అందువల్ల, టీని రెగ్యులర్ పరిమాణంలో మాత్రమే తీసుకోవాలని నిపుణులు చెబుతున్నారు.

టీలో అధిక మొత్తంలో కెఫీన్ ఉంటుంది. వీటిని తీసుకోవడం వల్ల ఆందోళన, నిద్రలేమి, ఒత్తిడికి కారణమవుతుంది. అంతే కాదు ఇది మీ ఆరోగ్యాన్ని కూడా పాడు చేస్తుంది. టీలో టానిన్లు ఉంటాయి. ఇది దంత సమస్యలను కలిగిస్తుంది. టీ ఎక్కువగా తాగడం వల్ల మీ దంతాలు త్వరగా పాడవుతాయి. టీ ఎక్కువగా తాగడం వల్ల గ్యాస్, కడుపు నొప్పి, అసిడిటీ వంటి సమస్యలు వస్తాయి. ముఖ్యంగా ఉదయం నిద్ర లేవగానే ఖాళీ కడుపుతో టీ తాగడం మానుకోండి.

టీ ఆకుల్లో కేలరీలు ఉండవు. గ్రీన్ టీ, బ్లాక్ టీలను వేడి నీళ్లలో కలిపితే తక్కువ మొత్తంలో కేలరీలు ఉత్పత్తి అవుతాయి. 250 ml టీలో కూడా 3 కేలరీలు మాత్రమే ఉంటాయి. ఇందుకు బదులుగా టీలో యాంటీఆక్సిడెంట్లు ఉంటాయి. ఇవి ఆరోగ్యానికి మేలు చేస్తాయి. కానీ, టీలో పాలు కలిపినప్పుడే దాని క్యాలరీ కంటెంట్ పెరుగుతుంది. పాలతో టీ తాగే అలవాటు మీ బరువును పెంచుతుంది.

ఇవి కూడా చదవండి

రోటీ-అన్నం కలిపి తింటున్నారా..? మీరు కోరి కష్టాలు తెచ్చుకున్నట్టే

నదిలో ఐఫోన్‌ల వరద..గ్రామస్తులను వరించిన అదృష్టం..!షాకింగ్‌ వీడియో

ఇంటికి తాళంవేసి ఊరెళ్లిన ఫ్యామిలీ.. తిరిగొచ్చి చూస్తే ఇళ్లంతా

బంగారంపై రుణాలు తీసుకున్న వారికి కేంద్రం గుడ్‌న్యూస్‌..!

పాలు, చక్కెర కలిపి తయారు చేసిన టీ తాగడం ఆరోగ్యకరమైన అలవాటు కాదంటున్నారు నిపుణులు.. ఇది మంచి రుచిగా ఉంటుంది. కానీ, ఎటువంటి ఆరోగ్య ప్రయోజనాలను అందించదు. మీరు బరువు తగ్గాలనుకుంటే.. మాత్రం ఖచ్చితంగా గ్రీన్ టీ, బ్లాక్ టీ అలవాటు చేసుకోవాలని చెబుతున్నారు. క్యాలరీలు తక్కువగా ఉన్నందున.. అవి యాంటీ ఆక్సిడెంట్లు, పాలీఫెనాల్స్‌తో నిండి ఉంటాయి. పాలతో కలిపిన టీలో క్యాలరీ కంటెంట్ 5 నుంచి 30 కేలరీలు పెరుగుతుంది. ఇది బరువు పెరగడానికి కారణం అవుతుంది. మీరు బరువు తగ్గాలని అనుకుంటే.. పాలతో చేసిన టీకి బదులుగా.. ఇతర మార్గాలను ఎంచుకోవడం ఉత్తమం అంటున్నారు నిపుణులు.

NOTE: పైన పేర్కొన్న అంశాలు కేవలం అవగాహన కోసం మాత్రమే జారీ చేయబడినవి.. వీటిని మేం ధృవీకరించలేదు.. వీటిపై మీకు సందేహాలు ఉంటే వైద్యులను సంప్రదించండి.

మరిన్ని లైఫ్ స్టైల్ న్యూస్ కోసం క్లిక్ చేయండి..