Barrelakka: ఎంపీ ఎన్నికల్లో ఘోరంగా ఓడిన బర్రెలక్క.. ఈసారి మొత్తం ఎన్ని ఓట్లు వచ్చాయంటే?

డిగ్రీ చేసిన బర్రెలక్క ఉద్యోగం రాకపోవడంతో బర్రెలను కాసుకుంటున్నానని మొదట ఓ వీడియో చేసి సోషల్ మీడియాలో వైరలైంది. ఆ తర్వాత కూడా ఆమె చేసిన వీడియోలకు మంచి స్పందన రావడంతో ఒక్కసారిగా సోషల్ మీడియా సెన్సేషన్‌ గా మారిపోయింది బర్రెలక్క

Barrelakka Alias Sirisha

Basha Shek |
Updated on: Jun 06, 2024 | 12:28 PM

బర్రెలక్క అలియాస్ కర్నె శిరీష గురించి రెండు తెలుగు రాష్ట్రాల ప్రజలకు ప్రత్యేకించి పరిచయం చేయాల్సిన పనిలేదు. గతేడాది తెలంగాణ అసెంబ్లీ ఎన్నికల సందర్భంగా ఆమె పేరు మార్మోగిపోయింది. డిగ్రీ చేసిన బర్రెలక్క ఉద్యోగం రాకపోవడంతో బర్రెలను కాసుకుంటున్నానని మొదట ఓ వీడియో చేసి సోషల్ మీడియాలో వైరలైంది. ఆ తర్వాత కూడా ఆమె చేసిన వీడియోలకు మంచి స్పందన రావడంతో ఒక్కసారిగా సోషల్ మీడియా సెన్సేషన్‌ గా మారిపోయింది బర్రెలక్క. అదే క్రేజ్ తో తెలంగాణ అసెంబ్లీ ఎన్నికల బరిలోకి దిగింది. కొల్లాపూర్ నియోజకవర్గం నుంచి స్వతంత్ర అభ్యర్థిగా పోటీ చేసింది. అనూహ్యంగా ఆమెకి ప్రజలనుండి, ముఖ్యంగా నిరుద్యోగ యువత నుంచి పెద్ద ఎత్తున మద్దతు లభించింది. జేడీ లక్ష్మీ నారాయణ, ఆర్ ఎస్ ప్రవీణ్ కుమార్ లాంటి ప్రముఖులు సైతం ఆమెకు సపోర్టుగా నిలిచారు. దీంతో ఒక్కసారిగా టాక్ ఆఫ్ ది టౌన్ గా మారిపోయింది బర్రెలక్క. అసెంబ్లీ ఎన్నికల్లో ఓడిపోయినా శిరీషకు ఐదు వేలకు పైగా ఓట్లు రావడం కొసమెరుపు.

కాగా ఇటీవల వైవాహిక బంధంలోకి అడుగుపెట్టింది శిరీష. పెద్దలు నిశ్చయించిన అబ్బాయితో కలిసి ఏడడుగులు నడిచింది. దీంతో ఇక రాజాకీయాలకు బర్రెలక్క స్వస్తి పలికినట్టేనని భావించారు చాలా మంది. అయితే భర్తతో కలిసి నాగర్ కర్నూల్ ఎంపీ అభ్యర్థి స్థానానికి నామినేషన్ వేసి మరోసారి అందరినీ ఆశ్చర్యపరిచింది. అయితే ఈ ఎన్నికల్లో బర్రెలక్కకు చేదు అనుభవం ఎదురైంది. కనీస పోటీ ఇవ్వకుండానే ఓడిపోయింది. ఎమ్మెల్యే అభ్యర్థిగా 5754 ఓట్లు సాధించిన బర్రెలక్క.. ఎంపీ అభ్యర్థిగా మాత్రం కేవలం 3087 ఓట్లు మాత్రమే సాధించింది. మొత్తం పోలైన ఓట్లలో ఆమెకు కేవలం 0.25 శాతం ఓట్లు పడ్డాయి. మొత్తంగా 12వ స్థానంలో నిలిచింది బర్రెలక్క. ఇక్కడ నోటాకు 4,580 ఓట్లు రావడం గమనార్హం.

ఇవి కూడా చదవండి

భర్తతో కలిసి నామినేషన్ దాఖలు చేస్తోన్న బర్రెలక్క.. వీడియో ఇదిగో..

View this post on Instagram

A post shared by Venkatesh Mared (@venkatesh6688m)

కాగా ఇదే స్థానం నుంచి బీఆర్ఎస్ తరఫున ఆర్ ఎస్ ప్రవీణ్ కుమార్ ఎంపీ అభ్యర్థిగా బరిలోకి దిగనున్నారు. గతంలో బర్రెలక్కకు ఆర్ఎస్పీ గట్టిగా మద్దతు తెలిపారు. బీఎస్పీలోకి రావాలని కూడా ఆహ్వానించినట్లు వార్తలు వచ్చాయి. అయితే ఇప్పుడు అదే ఆర్ ఎస్ ప్రవీణ్ కుమార్ కు ప్రత్యర్థిగా బర్రెలక్క పోటీకి దిగడం సర్వత్రా చర్చనీయాంశంగా మారింది.