Akhil Akkineni: అక్కినేని కుర్ర హీరో కోసం పవర్ స్టార్ మూవీ టైటిల్ను అనుకుంటున్నారట..!
అక్కినేని యంగ్ హీరో అఖిల్ సినిమాకోసం ఆయన ఫ్యాన్స్ ఎంతో ఆసక్తిగా ఎదురుచూస్తున్నారు. యాక్షన్ డైరెక్టర్ వి.వి వినాయక్ దర్శకత్వంతో ఇండస్ట్రీలోకి ఎంట్రీ ఇచ్చిన అఖిల్. సాలిడ్ హిట్ కోసం చాలా ట్రై చేస్తున్నాడు.
Updated on: Jul 13, 2022 | 7:00 AM
అక్కినేని యంగ్ హీరో అఖిల్( Akhil Akkineni) సినిమాకోసం ఆయన ఫ్యాన్స్ ఎంతో ఆసక్తిగా ఎదురుచూస్తున్నారు. యాక్షన్ డైరెక్టర్ వి.వి వినాయక్ దర్శకత్వంతో ఇండస్ట్రీలోకి ఎంట్రీ ఇచ్చిన అఖిల్. సాలిడ్ హిట్ కోసం చాలా ట్రై చేస్తున్నాడు. ఇటీవలే మోస్ట్ ఎలిజిబుల్ బ్యాచ్ లర్ సినిమాతో ప్రేక్షకుల ముందుకు వచ్చాడు. బొమ్మరిల్లు భాస్కర్ దర్శకత్వం వహించిన ఈ సినిమా మంచి విజయాన్ని అందుకున్నపటికి అఖిల్ ఫ్యాన్స్ కు అది సరిపోలేదు. అఖిల్ నుంచి భారీ హిట్ ను ఎక్స్పెట్ చేస్తున్నారు అక్కినేని అభిమానులు. ఇప్పుడు అఖిల్ ఫ్యాన్స్ ఆశలన్నీ ఏజెంట్ పైనే స్టైలిష్ డైరెక్టర్ సురేందర్ రెడ్డి దర్శకత్వం వహిస్తోన్న ఈ సినిమాలో అఖిల్ డిఫరెంట్ లుక్ లో కనిపించనున్నాడు. ఇప్పటికే విడుదలైన ఈ సినిమా పోస్టర్లు సినిమా పై అంచనాలను పెంచేశాయి. త్వరలోనే ఈ మూవీ టీజర్ ను రిలీజ్ చేయనున్నారు.
ఇక ఈ సినిమా తర్వాత అఖిల్ వరుస సినిమాలను చేయనున్నారని తెలుస్తుంది. ఈక్రమంలోనే అఖిల్ మరో దర్శకుడికి గ్రీన్ సిగ్నల్ ఇచ్చినట్టు వార్తలు వినిపిస్తున్నాయి. ఇటీవల వకీల్ సాబ్ సినిమాతో మంచి విజయాన్ని అందుకున్న వేణు శ్రీరామ్ దర్శకత్వంలో అఖిల్ తన నెక్స్ట్ సినిమా చేయనున్నాడని టాక్ వినిపిస్తోంది. ఆయన ఇటీవల ఒక పవర్ఫుల్ కథను వినిపించడం, కథ నచ్చడంతో అఖిల్ ఓకే చెప్పడం జరిగిపోయిందని అంటున్నారు. ఈ సినిమాను దిల్ రాజు నిర్మించనున్నాడని చెబుతున్నారు. అయితే ఈసినిమాకు తమ్ముడు అనే టైటిల్ ను పరిశీలిస్తున్నారట. పవర్ స్టార్ పవన్ కళ్యాణ్ నటించిన తమ్ముడు సినిమా మంచి విజయాన్ని అందుకున్న విషయం తెలిసిందే. ఇప్పుడు ఇదే టైటిల్ తో అఖిల్ సినిమా రాబోతుందని అంటున్నారు. మరి ఈ వార్తలపై క్లారిటీ రావాల్సిఉంది.
