Brahmamudi, July 18th Episode: బతుకు పండించుకోమన్న అత్తగారు.. రాజ్, కావ్యల రొమాన్స్ మొదలు..

ఈ రోజు బ్రహ్మముడి ఎపిసోడ్‌లో.. కళ్యాణ్ గురించి టెన్షన్ పడుతూ ఉంటాడు రాజ్. అప్పూ గురించే ఆలోచిస్తూ కళ్యాణ్ ఆలోచిస్తూ.. ఎవర్నీ పట్టించుకోకుండా.. ఏమీ తినకుండా ఉంటాడు. అది గమనించిన రాజ్.. కళ్యాణ్‌తో మాట్లాడేందుకు సిద్ధమవుతాడు. అసలు నీ ప్రాబ్లమ్ ఏంటి రా? ఇంకా దేని గురించి ఆలోచిస్తున్నావ్? అని రాజ్ అడిగితే.. అప్పూ గురించి అన్నయ్యా.. నా వల్ల అప్పూ ఎంతో అవమానాలు ఎదుర్కుంటుంది. వాళ్ల ఫ్యామిలీ ఎన్నో మాటలు పడుతున్నారు. నువ్వే చూశావు కదా అన్నయ్యా. అప్పూ ఎంత పని చేసిందో.. ఇక అప్పూ బాధ్యత నాదే. తన జీవితం చక్క పడేంత వరకూ నాకు కుదురు ఉండదని అంటాడు. నువ్వేం చేయగలవురా అని రాజ్ ఓదార్చుతాడు.

కావ్యకి అపర్ణ క్లాస్..

ఆ తర్వాత కళ్యాణ్‌కు కావ్య కూడా నచ్చజెప్పాలని చూస్తుంది. రాజ్, కావ్యలు ఇద్దరూ కళ్యాణ్ గురించి బాధ పడుతూ ఉంటారు. ఇదంతా గమనిస్తున్న అపర్ణ, ఇందిరా దేవిలు.. ఒక నిర్ణయానికి వస్తారు. వీరిద్దరినీ ఎలాగైనా ఒకటి చేయాలని ప్రయత్నిస్తారు. రాజ్‌ని పిలిచిన పెద్దావిడ.. తమ్ముడు జీవితం గురించి అన్నయ్య బాధ పడటంలో కరెక్ట్. అన్నయ్యగా తమ్ముడి బాధను అర్థం చేసుకున్నావ్. కానీ ఒక భర్తగా నీ భార్య గురించి మాత్రం ఎందుకు ఆలోచించడం లేదు. సంతోషంగా కాపురం చేస్తూ.. పిల్లాపాపలతో ఆనందంగా ఉంటే చూసి చచ్చిపోవాలని ఉంది అని అంటుంది. నాన్నమ్మా ఏంటి ఆ మాటలు.. అలా మాట్లాడటం కరెక్ట్ కాదని రాజ్ అంటే.. మరి నువ్వు ఏం చేస్తున్నావ్? నీ మనసులో మాట కావ్యకి చెప్పావా.. తనకు దగ్గర అవ్వడానికి ట్రై చేస్తున్నావా? అని పెద్దావిడ అడుగుతుంది. రాజ్ నీళ్లు నములుతాడు.

బెడ్ రూమ్‌కి వచ్చిన ప్రేమ జంట..

కట్ చేస్తే.. మరోవైపు కావ్యకి కూడా అత్తగారు కూడా వార్నింగ్ ఇస్తుంది. నీకు ఎప్పుడూ వాళ్ల సమస్య తీర్చడానికి.. వీళ్ల సమస్య తీర్చడానికి తప్ప.. అసలు నీ కాపురమే నీకు పెద్ద సమస్యగా మారిందని గుర్తుండదా ఏంటి? పెళ్లి చేసుకున్నందుకు నీ బతుకు పండాలి.. కడుపు పండాలి.. అప్పుడే ఒక మహిళ జీవితం సార్ధకం అవుతుంది. ఈ వంశానికి వారసుడు కావాలి. ఇంక విడిగా ఉండొద్దు.. మీరిద్దరూ ఒకటి కావాలి. ఇప్పటినుంచే మీ కాపురం మొదలు పెట్టమని చెబుతుంది అపర్ణ. ఇందిరా దేవి, అపర్ణల మాటలు విన్న కావ్య, రాజ్‌లు ఒకటే సారి బెడ్ రూమ్‌కి వస్తారు. మరి ఈసారి అయినా రాజ్, కావ్యల మధ్య రొమాన్స్ మొదలవుతుందా.. లేక మరెవరైనా అడ్డు పడతారో లేదో చూడాలి.

ఇవి కూడా చదవండి

జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..

బియ్యం కడిగిన నీళ్లతో అందం, ఆరోగ్యం.. డోంట్ మిస్!

కొరియన్స్ లాంటి చర్మం కావాలంటే.. ఇలా ట్రై చేయండి..

ఈ ఆకుకూర వారంలో ఒక్కసారి తిన్నా.. రోగాలే రావు!