Bigg Boss: మీ వినోదం కోసం జంతువులను వాడుకుంటారా? బిగ్ బాస్ హౌస్‌లోకి గాడిదను తీసుకురావడంపై పెటా ఆగ్రహం
'బిగ్ బాస్'లో ప్రముఖ సెలబ్రిటీలు, సోషల్ మీడియా ఇన్‌ఫ్లుయెన్సర్లు, ఇంకా వివిధ రంగాలకు చెందిన ప్రముఖులు కంటెస్టెంట్స్ గా వస్తుంటారు. షో సక్సెస్ కావాలంటే హౌస్ మేట్స్ ఎంపికనే కీలకం. ఇందుకోసం ఎన్నో జాగ్రత్తలు తీసుకుంటారు బిగ్ బాస్ నిర్వాహకులు.
Updated on: Oct 09, 2024 | 1:48 PM
‘బిగ్ బాస్’లో ప్రముఖ సెలబ్రిటీలు, సోషల్ మీడియా ఇన్‌ఫ్లుయెన్సర్లు, ఇంకా వివిధ రంగాలకు చెందిన ప్రముఖులు కంటెస్టెంట్స్ గా వస్తుంటారు. షో సక్సెస్ కావాలంటే హౌస్ మేట్స్ ఎంపికనే కీలకం. ఇందుకోసం ఎన్నో జాగ్రత్తలు తీసుకుంటారు బిగ్ బాస్ నిర్వాహకులు. అయితే ఈసారి హిందీ బిగ్ బాస్ హౌస్‌లోకి గాడిదను కూడా తీసుకెళ్లారు. దీనిని కూడా కంటెస్టెంట్ గా పరిగణిస్తున్నారు. దీనిపై జంతు హక్కుల పరిరక్షణ వేదిక ‘పెటా’ తీవ్రంగా మండిపడింది. ఇలాంటి రియాల్టీ షోలో జంతువులను ఉపయోగించుకోవడం చాలా నేరమని నిర్వాహకులకు లేఖ రాసింది పెటా. బిగ్ బాస్ హౌస్‌లో గాడిదను తీసుకురావడంపై జంతు ప్రేమికుల నుంచి అభ్యంతరాలు, ఫిర్యాదులు వస్తున్నాయి. మేం వీటిని పరిగణనలోకి తీసుకుంటున్నాం. ఎలాంటి పరిస్థితుల్లో ఇలాంటి వాటిని విస్మరించలేం. దయచేసి బిగ్ బాస్ నుండి జంతువులను దూరంగా ఉంచండి’ అని రియాలిటీ షో నిర్వాహకులకు లేఖ రాశారు పెటా ప్రతినిధులు.
‘భారతదేశంలో అత్యంత ప్రభావవంతమైన వ్యక్తులలో ఒకరిగా, బిగ్ బాస్ హోస్ట్‌గా రోల్ మోడల్‌గా మీరు (సల్మాన్ ఖాన్) ఎందరికో ఆదర్శం. దయచేసి వినోదం కోసం జంతువులను బాధ పెట్ట వద్దని మీరు ఛానెల్ నిర్వాహకులకు చెప్పండి’ అని లేఖలో సల్మాన్ ను అభ్యర్థించారు పెటా ప్రతినిధులు. బిగ్ బాస్ హౌస్ లో కనిపిస్తోన్న ఈ గాడిద పేరు మ్యాక్స్. ఈ సీజన్ లో కంటెస్టెంట్ గా వచ్చిన ప్రముఖ అడ్వకేట్ గుణరత్న సదావర్తే తనతో పాటు గాడిదను కూడా తీసుకొచ్చాడు. ఈ నేపథ్యంలో స్పందించిన పెటా గాడిదను తమకు అప్పగించాలని కోరారు. గాడిదలు భయపడతాయి. వెలుతురు, శబ్దం వల్ల అవి తీవ్రంగా ఇబ్బంది పడతాయి. కాబట్టి, షో నుంచి వాటిని దూరంగా ఉంచండి’ అని బిగ్ బాస్ నిర్వాహకులను కోరారు పెటా ప్రతినిధులు.
బిగ్ బాస్ హౌస్ లో గాడిద..
Ghar ke iss unique sadasya ne laaya mahaul mein ek twist, kya gharwaalein laa paayenge iss mein naye behaviour ke shift?
Dekhiye #BiggBoss18, Mon-Fri raat 10 baje aur Sat-Sun 9:30 baje, sirf #Colors aur @JioCinema par. @bellavita_org #Vaseline #ChingsSecret… pic.twitter.com/RAzyQ7VapG
— ColorsTV (@ColorsTV) October 7, 2024
‘బిగ్ బాస్’లో ఓ జంతువును తీసుకురావడం ఇదే తొలిసారి. దీన్ని పలువురు వ్యతిరేకించారు. బిగ్ బాస్ షో ఆదివారం (అక్టోబర్ 6) గ్రాండ్ గా ఓపెనింగ్ అయింది. చాలా మంది సెలబ్రిటీలు ఇందులో భాగమయ్యారు. సల్మాన్ ఖాన్ స్వయంగా గాడిదను బిగ్ బాస్ వేదికపైకి తీసుకురావడంతో అభిమానులు, ఆడియెన్స్ షాక్ కు గురయ్యారు.
గాడిదలు భయపడతాయి: పెటా
Gadhraj ko khaana khilaane nikle hai gharwaalein, kya aapko bhi lagg rahe hai woh pyaare? ❤️#BB18 #BiggBoss18 #BiggBoss @BeingSalmanKhan pic.twitter.com/LOyn75nJqY
— ColorsTV (@ColorsTV) October 8, 2024
మరిన్ని సినిమా వార్తల కోసం ఇక్కడ క్లిక్ చేయండి.
