TG CETs 2025 Schedule: తెలంగాణ ఉమ్మడి ప్రవేశ పరీక్షల తేదీలు వచ్చేశాయ్.. ఈఏపీసెట్ పరీక్ష ఎప్పుడంటే?

తెలంగాణ రాష్ట్రంలోని విద్యా సంస్థల్లో 2025-26 విద్యా సంవత్సరానికి సంబంధించి పలు కోర్సుల్లో ప్రవేశాలకు సంబంధించి నిర్వహించనున్న ఉమ్మడి ప్రవేశ పరీక్షల షెడ్యూల్ ను ఉన్నత విద్యా మండలి విడుదల చేసింది. దీని ద్వారా ఈ ఏడాది నిర్వహించనున్న ఈఏపీసెట్ తోపాటు ఐసెట్, లాసెట్, పీజీఎల్ సెట్, పీజీఈసెట్ వంటి కీలక పరీక్షల తేదీలు వెల్లడించింది..

TG CETs 2024 Schedule

Srilakshmi C |
Updated on: Jan 15, 2025 | 6:56 PM

హైదరాబాద్, జనవరి 15: తెలంగాణలో 2025-26 విద్యా సంవత్సరానికి నిర్వహించనున్న వివిధ ప్రవేశ పరీక్షల తేదీలను ఉన్నత విద్యా మండలి ప్రకటించింది. ఈ మేరకు తెలంగాణ కామన్‌ ఎంట్రన్స్‌ పరీక్షల షెడ్యూల్‌ను విడుదల చేసింది. తాజా షెడ్యూల్‌ ప్రకారం.. ఏప్రిల్‌ 29 నుంచి ఈఏపీసెట్‌ జరగనుంది. ఏప్రిల్‌ 29, 30 తేదీల్లో ఈఏపీసెట్‌ (అగ్రికల్చర్‌, ఫార్మసీ) పరీక్షలు జరగనున్నాయి. మే 2 నుంచి 5 వరకు ఈఏపీసెట్‌ (ఇంజినీరింగ్‌) పరీక్షలను నిర్వహించనున్నారు.

ఇక మే 12న తెలంగాణ ఈసెట్, జూన్ 1న ఎడ్‌సెట్‌, జూన్ 6న లాసెట్, పీజీఎల్ సెట్, జూన్ 8, 9 తేదీల్లో ఐసెట్, జూన్ 16 నుంచి 19 వరకు పీజీఈసెట్ పరీక్షలు జరగనున్నాయి. ఈ మేరకు ప్రవేశ పరీక్షల తేదీలను ఉన్నత విద్యా మండలి బుధవారం (జనవరి 15) విడుదల చేసింది. ఈ పరీక్షలకు జేఎన్‌టీయూ(హెచ్‌), ఉస్మానియా యూనివర్సిటీ, కాకతీయ యూనివర్సిటీలు కన్వీనర్‌లుగా వ్యవహరించనున్నాయి. పలు ఉన్నత విద్య కోర్సుల్లో ప్రవేశానికి ఈ ప్రవేశ పరీక్షలను ఉన్నత విద్యా మండలి ప్రతీ యేటా నిర్వహిస్తున్న సంగతి తెలిసిందే. పూర్తి వివరాలను ఈ కింది షెడ్యూల్‌లో తెలుసుకోవచ్చు.

ఇవి కూడా చదవండి