Horoscope Today: వారికి వృత్తి, ఉద్యోగాల్లో ఆశించిన శుభవార్తలు.. 12 రాశుల వారికి రాశిఫలాలు
Today Horoscope (October 25, 2025): మేష రాశి వారు ఉద్యోగంలో ఒకటి రెండు శుభవార్తలు వింటారు. వ్యాపారాలు బాగా లాభసాటిగా సాగుతాయి. వృషభ రాశి వారికి ఉద్యోగంలో ప్రాధాన్యం ఏర్పడుతుంది. మీ సమర్థతకు గుర్తింపు లభిస్తుంది. మిథున రాశి వారికి ఉద్యోగంలో బరువు బాధ్యతలు బాగా పెరిగే అవకాశం ఉంది. అధికారుల నుంచి ఆశించిన ప్రోత్సాహం లభిస్తుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Oct 25, 2025 | 5:31 AM
దిన ఫలాలు (అక్టోబర్ 25, 2025): మేషం (అశ్విని, భరణి, కృత్తిక 1): ఉద్యోగంలో ఒకటి రెండు శుభవార్తలు వింటారు. వ్యాపారాలు బాగా లాభసాటిగా సాగుతాయి. వృత్తి జీవితం బిజీ అయిపోతుంది. ఇంటా బయటా అనుకూల వాతావరణం ఉంటుంది. ఆదాయానికి, ఆరోగ్యానికి ఇబ్బందేమీ ఉండకపోవచ్చు. ఆర్థిక పరిస్థితి బాగా మెరుగ్గా ఉంటుంది. కుటుంబ ఖర్చులు పెరిగే అవకాశం ఉంది. ప్రయాణాలు బాగా లాభిస్తాయి. ఆధ్యాత్మిక వ్యవహారాలు, దైవ కార్యాల్లో ఎక్కువగా పాల్గొంటారు. ఉద్యోగ, పెళ్లి ప్రయత్నాలకు సానుకూల స్పందన లభిస్తుంది.
వృషభం (కృత్తిక 2,3,4, రోహిణి, మృగశిర 1,2): ఉద్యోగంలో ప్రాధాన్యం ఏర్పడుతుంది. మీ సమర్థతకు గుర్తింపు లభిస్తుంది. వృత్తి, వ్యాపారాల్లో రాబడి బాగా పెరుగుతుంది. ఇంటా బయటా అనుకూల వాతావరణం ఉంటుంది. ఒకటి రెండు వ్యక్తిగత సమస్యలను సమయస్ఫూర్తితో పరిష్కరించుకుంటారు. ఉన్నతస్థాయి వ్యక్తులతో పరిచయాలు పెరుగుతాయి. మిత్రుల సాయంతో పెండింగ్ పనుల్ని పూర్తి చేస్తారు. ఆర్థిక పరిస్థితి బాగా మెరుగుపడుతుంది. ఆరోగ్యం కుదుటపడుతుంది. కుటుంబ జీవితం సానుకూలంగా సాగిపోతుంది.
మిథునం (మృగశిర 3,4, ఆర్ద్ర, పునర్వసు 1,2,3): ఉద్యోగంలో బరువు బాధ్యతలు బాగా పెరిగే అవకాశం ఉంది. అధికారుల నుంచి ఆశించిన ప్రోత్సాహం లభిస్తుంది. ఆదాయం కొద్దిగా పెరిగే అవకాశం ఉంది. ఖర్చులు తగ్గించుకోవడం మంచిది. వృత్తి, వ్యాపారాలు బాగా అనుకూలంగా పురోగమిస్తాయి. తలపెట్టిన పనులన్నీ సవ్యంగా పూర్తవుతాయి. తోబుట్టువులతో ఆస్తి వివాదం ఒకటి పరిష్కారం కావచ్చు. నిరుద్యోగులకు కొత్త ఉద్యోగావకాశాలు లభిస్తాయి. బంధువుల నుంచి శుభవార్తలు వింటారు. ఆరోగ్యం అనుకూలంగా ఉంటుంది.
కర్కాటకం (పునర్వసు 4, పుష్యమి, ఆశ్లేష): ఉద్యోగం ప్రశాంతంగా, సంతృప్తికరంగా సాగిపోతుంది. వృత్తి, వ్యాపారాల మీద బాగా శ్రద్ధ పెంచాల్సి ఉంటుంది. ముఖ్యమైన వ్యవహారాల్ని పూర్తి చేస్తారు. కుటుంబ బాధ్యతలు కొద్దిగా ఒత్తిడి కలిగిస్తాయి. ఆర్థిక, ఆస్తి వ్యవహారాలు సవ్యంగా సాగిపోతాయి. వ్యక్తిగత సమస్యలతో ఇబ్బంది పడ తారు. కొద్ది శ్రమతో పెండింగ్ పనుల్ని పూర్తి చేస్తారు. ఉద్యోగ ప్రయత్నాలకు సంబంధించి కొత్త ఆపర్లు అంది వస్తాయి. ఇంటా బయటా శ్రమకు గురవుతారు. ఆరోగ్యం బాగా మెరుగ్గా ఉంటుంది.
సింహం (మఖ, పుబ్బ, ఉత్తర 1): వృత్తి, వ్యాపారాల్లో శ్రమాధిక్యత ఉండే అవకాశం ఉంది. ఉద్యోగంలో కూడా బరువు బాధ్యతలు పెరుగుతాయి. ఏ పని తలపెట్టినా వ్యయ ప్రయాసలు తప్పకపోవచ్చు. ఆదాయం నిలకడగా ఉంటుంది కానీ, కుటుంబ ఖర్చులు ఇబ్బంది పెడతాయి. నిరుద్యోగులు శుభవార్త వింటారు. కుటుంబంలో అనుకోకుండా ఒక శుభ పరిణామం చోటు చేసుకుంటుంది. వృత్తి, ఉద్యోగాల పరంగా ప్రయాణాలు చేయాల్సి వస్తుంది. ఆరోగ్యం అనుకూలంగా ఉంటుంది. కుటుంబంతో దైవకార్యాల్లో పాల్గొంటారు.
కన్య (ఉత్తర 2,3,4, హస్త, చిత్త 1,2): వృత్తి, ఉద్యోగాల్లో ఊహించని మార్పులు చోటు చేసుకుంటాయి. వ్యాపారాల్లో లాభాలు సంతృప్తిక రంగా ఉంటాయి. వ్యక్తిగత సమస్యలు చాలావరకు తగ్గుముఖం పడతాయి. ఆర్థిక సమస్యలు పరిష్కారం అవుతాయి. రావలసిన డబ్బు చేతికి అంది అవసరాలు తీరిపోతాయి. నిరుద్యోగుల ప్రయత్నాలు అనుకూలిస్తాయి. తలపెట్టిన ప్రతి పనీ విజయవంతంగా పూర్తవుతుంది. విద్యార్థులు పురో గతి సాధిస్తారు. ఇతరుల వ్యవహారాల్లో జోక్యం చేసుకోవద్దు. ధనపరంగా ఎవరికీ వాగ్దానాలు చేయ వద్దు.
తుల (చిత్త 3,4, స్వాతి, విశాఖ 1,2,3): వృత్తి, ఉద్యోగాల్లో కొన్ని బాధ్యతలు మారతాయి. అధికారుల ఆదరణ లభిస్తుంది. ఇంటా బయటా చాలా వరకు అనుకూలతలు పెరుగుతాయి. వ్యాపారాల్లో మీరు తలపెట్టిన మార్పులు సత్ఫలితాలనిస్తాయి. కుటుంబ సభ్యులతో ఇష్టమైన ఆలయాలను సందర్శిస్తారు. బంధువుల నుంచి శుభ వార్తలు వింటారు. మంచి పరిచయాలు ఏర్పడతాయి. ఆరోగ్యం మెరుగ్గా ఉంటుంది. ఉద్యోగం మారే విషయంలో సానుకూల స్పందన లభిస్తుంది. కుటుంబ వ్యవహారాలు చాలావరకు చక్కబడతాయి.
వృశ్చికం (విశాఖ 4, అనూరాధ, జ్యేష్ట): వృత్తి, ఉద్యోగాల్లో మీ సమర్థతకు ఆశించిన గుర్తింపు లభిస్తుంది. మీ పనితీరుకు అధికారుల నుంచి ప్రశంసలు అందుకుంటారు. అదనపు ఆదాయ మార్గాలు పెరిగి, ఆర్థిక సమస్యలు తగ్గుతాయి. వ్యాపారాల్లో లాభాలు నిలకడగా ఉంటాయి. పిల్లల నుంచి ఆశించిన సమాచారం అందు తుంది. ఆర్థికంగా ఇతరులకు వాగ్దానాలు చేయవద్దు. కుటుంబ వ్యవహారాల్లో తొందరపాటు నిర్ణ యాలు తీసుకోవద్దు. నిరుద్యోగులకు ఆశించిన సమాచారం అందుతుంది. ఆరోగ్యం బాగుంటుంది.
ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగాల్లో ప్రాధాన్యం బాగా పెరుగుతుంది. అధికారులతో బాధ్యతలు పంచుకోవడం జరుగు తుంది. వ్యాపారాల్లో లాభాలకు లోటుండదు. ఆర్థిక లావాదేవీలు ఆశించిన ఫలితాలనిస్తాయి. షేర్లు, స్పెక్యులేషన్లు బాగా లాభిస్తాయి. అదనపు ఆదాయ మార్గాలు అంది వస్తాయి. మీ ప్రతిభకు డిమాండ్ పెరుగుతుంది. వ్యక్తిగత సమస్యలు చాలావరకు పరిష్కారమవుతాయి. ఆదాయం బాగా వృద్ధి చెందుతుంది. కుటుంబంలో సుఖ సంతో షాలు వెల్లి విరుస్తాయి. ఆరోగ్యానికి ఢోకా ఉండదు.
మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాల్లో ఆశించిన శుభవార్తలు వింటారు. వృత్తి, వ్యాపారాల్లో కొన్ని మార్పులు, చేర్పులు చేస్తారు. వ్యక్తిగత సమస్యల నుంచి చాలావరకు విముక్తి లభిస్తుంది. ఆర్థిక పరిస్థితి బాగానే ఉంటుంది. ఉన్నతస్థాయి వ్యక్తులతో పరిచయాలు ఏర్పడతాయి. ఇంటా బయటా అనుకూల పరిస్థితులుంటాయి. ఆర్థిక లావాదేవీలు ఆశించిన ఫలితాలనిస్తాయి. బంధువుల ద్వారా ఆస్తి వివాదం సమసిపోతుంది. ఆరోగ్యం మెరుగ్గా ఉంటుంది. కుటుంబ సభ్యులతో దైవకార్యాల్లో పాల్గొంటారు.
కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి, ఉద్యోగాల్లో శ్రమాధిక్యత ఉంటుంది. వ్యాపారాల్లో శ్రద్ధ పెంచాల్సి ఉంటుంది. ముఖ్యమైన పనులు, వ్యవహారాలను పూర్తి చేయడంలో వ్యయ ప్రయాసలు తప్పకపోవచ్చు. వ్యక్తిగత సమస్యలు బాగానే తగ్గుముఖం పడతాయి. ఆరోగ్యం బాగానే ఉంటుంది. నిరుద్యోగులకు ఆశించిన శుభవార్త అందుతుంది. కుటుంబ సభ్యులతో హ్యాపీగా గడుపుతారు. తోబుట్టువులతో వివాదం పరిష్కారమవుతుంది. పెళ్లి ప్రయత్నాలు నిరాశ కలిగిస్తాయి. ధనపరంగా ఎవరినీ గుడ్డిగా నమ్మ వద్దు.
మీనం (పూర్వాభాద్ర 4, ఉత్తరాభాద్ర, రేవతి): ఉద్యోగంలో ఆదరాభిమానాలు పెరుగుతాయి. వృత్తి, వ్యాపారాల్లో క్షణం కూడా తీరిక ఉండని పరి స్థితి ఏర్పడుతుంది. కొత్త కార్యక్రమాలు, ప్రాజెక్టులు చేపడతారు. ఆర్థిక ప్రయత్నాలు అనుకూల ఫలితాలనిస్తాయి. ఆదాయానికి లోటుండకపోవచ్చు. చిన్ననాటి మిత్రులతో ఎంజాయ్ చేస్తారు. గృహ, వాహన ప్రయత్నాల మీద దృష్టి పెడతారు. బంధువుల నుంచి ఆశించిన శుభవార్తలు అందుతాయి. ఆదాయం పరిస్థితి చాలావరకు నిలకడగా ఉంటుంది. ఆరోగ్యానికి ఢోకా ఉండదు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి .
(నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు)
