Revanth Reddy: కష్టపడే కార్యకర్తలను కడుపులో పెట్టుకుని చూసుకుంటా.. ఇంటి దొంగలను వదిలబోనుః రేవంత్‌రెడ్డి
తెలంగాణ పీసీసీ అధ్యక్షుడు రేవంత్ రెడ్డి సంచలన వ్యాఖ్యలు చేశారు. కాంగ్రెస్‌లోని ఇంటి దొంగలను వదిలబోనని హెచ్చరించారు.
Updated on: Jul 12, 2021 | 9:42 PM
PCC President Revanth Reddy Sensational Comments: తెలంగాణ పీసీసీ అధ్యక్షుడు రేవంత్ రెడ్డి సంచలన వ్యాఖ్యలు చేశారు. కాంగ్రెస్‌లోని ఇంటి దొంగలను వదిలబోనని హెచ్చరించారు. పెరిగిన ధరలను తగ్గించాలని డిమాండ్ చేస్తూ కాంగ్రెస్ ఆధ్వర్యంలో సోమవారం నిర్వహించిన నిరసన కార్యక్రమంలో భాగంగా నిర్మల్ జిల్లాలో రేవంత్ పాల్గొన్నారు. ఈ సందర్భంగా ఆయన మాట్లాడుతూ.. కాంగ్రెస్ పార్టీలో ఎవరైనా ఇంటి దొంగలు ఉంటే నెలాఖరులోగా వెళ్లి పోవచ్చంటూ డెడ్‌లైన్ విధించారు. కష్టపడే కార్యకర్తలను కడుపులో పెట్టుకుని చూసుకుంటానని రేవంత్ హామీ ఇచ్చారు.
అలాగే, ఉద్యమాలతో త్వరలోనే టీఆర్ఎస్ పాలనకు చరమగీతం పాడుతామన్నారు. తమ పార్టీ కార్యకర్తలను అధికారులు ఇబ్బంది పెడితే సహించేది లేదన్నారు. ఇబ్బంది పెట్టే వారి డైరీ రాస్తున్నామని, వేధించిన అధికారుల మోకాలి చిప్పలు పగల గొట్టిస్తామని ఘాటుగా వ్యాఖ్యనించారు రేవంత్ రెడ్డి. అధికారులు చట్ట పరిధిలో పని చేయాలని సూచించారు. చట్టాన్ని ఉల్లంఘిస్తే మూల్యం చెల్లిస్తారని వార్నింగ్ ఇచ్చారు. 2023లో గోల్కొండ ఖిల్లాపై కాంగ్రెస్ అధికారిక జెండా ఎగుర ఖాయమన్నారు రేవంత్ రెడ్డి.
