Car Tips :పెట్రోల్ కారులో డీజిల్ నింపితే ఏమవుతుంది..? ఇలా జరిగితే వెంటనే ఏం చేయాలో తెలుసా?
డీజిల్ కారులో పెట్రోలు నింపటం వల్ల కలిగే ప్రభావాన్ని తెలుసుకునే ముందు, ముందుగా పెట్రోల్, డీజిల్ కార్ల మధ్య వ్యత్యాసాన్ని తెలుసుకుందాం. అనేక ఆటోమొబైల్ సంబంధిత నివేదికల ఆధారంగా... పెట్రోల్ ఇంజిన్‌లో స్పార్క్ భిన్నంగా ఉంటుందని, డీజిల్ ఇంజిన్‌లో అలాంటి స్పార్క్..
Updated on: May 19, 2023 | 9:42 AM
ప్రతి కారులో ఇంధన వ్యవస్థ తప్పనిసరి. అయితే, వీటిలో కొన్ని కార్లు పెట్రోల్‌తో, మరికొన్ని డీజిల్‌తో నడుస్తాయి. అయితే ఇప్పుడు ఎలక్ట్రానిక్ కార్ల యుగంలో ఎలక్ట్రిక్ కార్లు కూడా మార్కెట్లోకి విడుదలై పరుగులు పెడుతున్నాయి. అయితే పెట్రోల్ కారులో డీజిల్ నింపితే ఏమవుతుంది..? డీజిల్ కారులో పెట్రోల్ పోస్తే ఏమవుతుందో ఎప్పుడైనా ఆలోచించారా? చాలా మందికి సమాధానం తెలిసే ఉంటుంది. పెట్రోల్ పంపులో ఇలాంటి పొరపాటు జరగవచ్చు, అనుకోకుండా డీజిల్ కారులో పెట్రోల్ నింపడం సాధారణ తప్పు. కానీ, ఇది జరిగితే ఏమి చేయాలి? మరి ఇది కారుపై ఎలాంటి ప్రభావం చూపుతుందో తెలుసుకుందాం…
డీజిల్ ఇంజన్‌కి పెట్రోల్ పోస్తే ఏమవుతుంది..?
డీజిల్ కారులో పెట్రోలు నింపటం వల్ల కలిగే ప్రభావాన్ని తెలుసుకునే ముందు, ముందుగా పెట్రోల్, డీజిల్ కార్ల మధ్య వ్యత్యాసాన్ని తెలుసుకుందాం. అనేక ఆటోమొబైల్ సంబంధిత నివేదికల ఆధారంగా… పెట్రోల్ ఇంజిన్‌లో స్పార్క్ భిన్నంగా ఉంటుందని, డీజిల్ ఇంజిన్‌లో అలాంటి స్పార్క్ ఉండదని తెలుస్తోంది. డీజిల్ కారులో గ్యాసోలిన్ నింపినప్పుడు, అది డీజిల్‌తో మిళితం అవుతుంది. తరువాత ద్రావకం వలె పని చేస్తుంది. కారు ఇంజిన్‌పై ప్రతికూల ప్రభావం చూపుతుంది. డీజిల్ కారులోని డీజిల్.. లూబ్రికేషన్ ఆయిల్‌గా కూడా పనిచేస్తుంది. ఫలితంగా ఇంజిన్ భాగాలు సాఫీగా నడుస్తాయి. అదే సమయంలో దానిలో పెట్రోల్ పోసినప్పుడు అది డీజిల్‌తో కలిసిపోయి ఒక ద్రావణిగా పనిచేయడం ప్రారంభిస్తుంది. ఇది వాహనంలోని ఇంజిన్‌పై ప్రతికూల ప్రభావాన్ని చూపిస్తుంది. అలాగే పెట్రోల్ ఇంజిన్ కారులో కార్బ్యురేటర్ ఉంటుంది. అయితే అది డీజిల్ ఇంజిన్‌లో ఉండదు. పెట్రోల్ ఇంజన్లు గాలికి భిన్నంగా పనిచేస్తాయి. డీజిల్ ఇంజిన్ కారులో పెట్రోల్ పోయడం వల్ల కారులోని యంత్ర భాగాల మధ్య ఘర్షణ పెరుగుతుంది. ఫలితంగా ఇంజిన్‌పై దుష్ప్రభావం పడుతుంది. డీజిల్ కారును పెట్రోల్ తో నడిపితే ఇంజన్ ఫెయిల్ అయ్యే ప్రమాదం ఉంది.
పెట్రోల్ కారులో డీజిల్ నింపితే ఏమవుతుంది?
పెట్రోల్ కారులో డీజిల్ ఎక్కువసేపు పనిచేయదు. కాబట్టి, అది కారులోనే ఆగిపోతుంది. పెట్రోల్ వంటి స్పార్క్‌ను డీజిల్ అందించలేనందున, కారును స్టార్ట్ చేయడం కష్టమవుతుంది. దీని వల్ల ఇంజిన్‌కు పెద్దగా నష్టం జరగదు, కానీ అలా చేయడం హానికరం. పెట్రోల్ ఇంజిన్‌కు ప్రత్యేక స్పార్క్ ఉంటుంది. డీజిల్ ఇంజిన్‌లో అలాంటి స్పార్క్ ఉండదు.
మరిన్ని బిజినెస్ న్యూస్ కోసం ఇక్కడ లింక్ క్లిక్ చేయండి..
