Hyderabad: HIV ఉందని పెళ్లికి నో చెప్పిన యువతి.. యువకుడు చేసిన పనికి అంతా షాక్

రోజురోజుకూ అమ్మాయిలపై అఘాయిత్యాలు పెరిగిపోతున్నాయి. ప్రేమకు నిరాకరించిందని కొందరు దాడి చేస్తుంటే, పెళ్లికి నిరాకరించిందని మరో కొందరు వారిపై దాడులకు పాల్పడుతున్నారు. తాజాగా హైదరాబాద్‌ నగరంలోనూ ఇలాంటి ఘటనే వెలుగు చూసింది. పెళ్లికి నిరాకరించిందని యువతికి ఓ యువకుడు ఏకంగా HIV ఇంజక్షన్ ఎక్కించి పారిపోయాడు. విషయం తెలుసుకున్న బాధితురాలి కుటుంబ సభ్యులు ఆమెను వెంటనే హాస్పిటల్‌కు తరలించి చికిత్స అందించారు.

వివరాల్లోకి వెళ్తే.. హైదరాబాద్‌లోని పోచారం పోలీస్ స్టేషన్‌ పరిధిలో నివాసం ఉంటున్న ఓ యువతికి గతంలో ఓ యువకుడిపో పెళ్లి నిశ్చయం అయింది. అయితే మ్యారెజ్ ఫిక్స్ అయిన తర్వాత తనకి HIV ఉందని యువతితో పాటు ఆమె కుటుంబ సభ్యులకు తెలిసింది. దీంతో యువతి సదురు యువకుడిని పెళ్లి చేసుకునేందుకు నిరాకరించింది. అయినా తనను పెళ్లి చేసుకోవాలని యువకుడు ఆమెను వేధించడం స్టార్ట్ చేశారు.

ఈ నెల 11న మరోసారి యువతి ఇంటికి వెళ్లిన సదురు యువకుడు తనను పెళ్లి చేసుకోవాలని ఒత్తిడి తీసుకొచ్చాడు. అందుకు ఆమె నిరాకరించడంతో తన వెంట తెచ్చుకున్న HIV ఇంజక్షన్‌కు సదురు యువతికి ఎక్కించి అక్కడి నుంచి పారిపోయాడు. సమాచారం తెలుసుకున్న యువతి కుటుంబ సభ్యులు ఆమెను వెంటనే హాస్పిటల్‌కు తరలించారు. అనంతరం ఘటనపై పోలీసులకు ఫిర్యాదు చేశాడు. బాధితుల ఫిర్యాదుతో ఘటనపై కేసు నమోదు చేసుకన్న పోలీసులు నిందితుడిని అదుపులోకి తీసుకున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి.