సర్ఫరాజ్ లేదా రాహుల్, ధ్రువ్ జురెల్ లేదా పంత్.. బంగ్లాతో తొలి టెస్ట్ మ్యాచ్‌ ఆడే ప్లేయింగ్ XIపై ఉత్కంఠ?

Team India Playing 11 vs Bangladesh: సుదీర్ఘ నిరీక్షణ తర్వాత, భారత క్రికెట్ జట్టులోని ఆటగాళ్లు ఇప్పుడు సెప్టెంబర్ 19 నుంచి టెస్ట్ సిరీస్ ఆడేందుకు సిద్ధమయ్యారు. అయితే, మొదటి టెస్ట్ మ్యాచ్‌లో కెప్టెన్ రోహిత్ శర్మ ఏ ఆటగాళ్లకు అవకాశం ఇస్తాడనే ప్రశ్నలు మొదలయ్యాయి. వీటికి సమాధానాలు కూడా వస్తున్నాయి. అవేంటో ఇప్పుడు తెలుసుకుందాం..

Ind Vs Ban 1st Test Playing

Venkata Chari |

Updated on: Sep 10, 2024 | 4:59 PM

Team India Playing 11 vs Bangladesh: సుదీర్ఘ నిరీక్షణ తర్వాత, భారత క్రికెట్ జట్టులోని ఆటగాళ్లు ఇప్పుడు సెప్టెంబర్ 19 నుంచి టెస్ట్ సిరీస్ ఆడేందుకు సిద్ధమయ్యారు. అయితే, మొదటి టెస్ట్ మ్యాచ్‌లో కెప్టెన్ రోహిత్ శర్మ ఏ ఆటగాళ్లకు అవకాశం ఇస్తాడనే ప్రశ్నలు మొదలయ్యాయి. వీటికి సమాధానాలు కూడా వస్తున్నాయి. అవేంటో ఇప్పుడు తెలుసుకుందాం.. ఓపెనింగ్ స్లాట్‌కు రోహిత్ శర్మ, యశస్వి జైస్వాల్‌లను ఖరారు చేశారు. శుభ్‌మన్ గిల్ 3వ స్థానంలో, విరాట్ కోహ్లీ 4వ స్థానంలో ఆడనున్నారు. నంబర్ 5 లేదా నంబర్ 6 వద్ద ఎంపిక భారతదేశానికి అత్యంత కష్టమైన పనిగా మారింది. ఇంగ్లండ్‌తో జరిగిన స్వదేశీ సిరీస్‌లో తన అద్భుతమైన ప్రదర్శనతో సర్ఫరాజ్ ఖాన్ ప్రతిభను కనబరిచాడు. అయితే కేఎల్ రాహుల్ అనుభవంతో బంగ్లాదేశ్‌తో సెప్టెంబరు 19న చెన్నైలో ప్రారంభమయ్యే తొలి టెస్ట్ మ్యాచ్‌లో చోటు దక్కించుకోవచ్చని తెలుస్తోంది.

టీమ్ మేనేజ్‌మెంట్, సెలక్షన్ కమిటీ దృష్టి ఈ ఏడాది చివర్లో జరగనున్న ఆస్ట్రేలియా పర్యటనపై ఉంది. ఈ క్రమంలో రాహుల్ 50 టెస్ట్ మ్యాచ్‌ల అనుభవం సర్ఫరాజ్ కంటే ముందుంది. దీంతో కేఎల్ రాహుల్ తొలి మ్యాచ్‌లో ఆడే ప్లేయింగ్ 11లో చోటు దక్కించుకునే అవకాశం ఉంది.

ఇక్కడ గమనించాల్సిన విషయం ఏమిటంటే, రాహుల్ తన చివరి మూడు టెస్ట్ మ్యాచ్‌లలో దక్షిణాఫ్రికాలో సెంచరీ సాధించాడు. ఇది ఇటీవలి కాలంలో అత్యుత్తమ టెస్ట్ ఇన్నింగ్స్‌లలో ఒకటిగా మారింది. గాయానికి ముందు హైదరాబాద్‌లో ఆడిన చివరి టెస్ట్‌లో 86 పరుగులు చేశాడు. మరోవైపు ఇంగ్లండ్‌తో సిరీస్‌లో సర్ఫరాజ్ ఖాన్‌కు అవకాశం లభించింది. అతను 3 మ్యాచ్‌ల్లో 5 ఇన్నింగ్స్‌ల్లో 50 సగటుతో 200 పరుగులు చేశాడు.

ఇవి కూడా చదవండి

ఇక వికెట్ కీపర్ గురించి మాట్లాడుకుందాం.. రిషబ్ పంత్ ఇప్పుడు టీమ్ ఇండియాలో చేరాడు కాబట్టి, టెస్టు క్రికెట్‌లో అతని గణాంకాలు అద్భుతమైనవిగా కనిపిస్తున్నాయి. ఇలాంటి పరిస్థితుల్లో ఇంగ్లండ్‌తో జరిగిన సిరీస్‌లో అరంగేట్రంలోనే అద్భుత ప్రదర్శన చేసిన ధ్రువ్ జురెల్‌కు అవకాశం రాకపోయినా రోహిత్‌కి మాత్రం పెద్ద తలనొప్పి తప్పదు. ధృవ్ జురెల్ ఇంగ్లండ్‌తో సిరీస్‌లో 3 మ్యాచ్‌లలో 63.33 సగటుతో 190 పరుగులు చేశాడు. 7 వికెట్లు కూడా తీశాడు.

మరోవైపు, రిషబ్ పంత్ కూడా ఉన్నాడు. అతను రోడ్డు ప్రమాదం తర్వాత సెప్టెంబర్ 19న చెన్నైలో జరిగే మొదటి టెస్టులో ఆడుతున్నట్లు చూడవచ్చు. టెస్టు క్రికెట్‌లో అతని అద్భుతమైన ప్రదర్శనే ఇందుకు కారణం. పంత్ 33 టెస్టు మ్యాచ్‌ల్లో 56 ఇన్నింగ్స్‌ల్లో 43.67 సగటుతో 2271 పరుగులు సాధించగా, 119 క్యాచ్‌లు, 14 స్టంపింగ్‌లు కూడా చేశాడు.

అంటే, నంబర్ 1 నుంచి నవబర్ 4 (రోహిత్, యశస్వి, గిల్, కోహ్లీ) తర్వాత సర్ఫరాజ్ ఖాన్/కేఎల్ రాహుల్ 5వ నంబర్, నంబర్ 6లో రిషబ్ పంత్/ధృవ్ జురెల్ వికెట్ కీపర్‌ల మధ్య గొడవ జరుగుతుందన్నమాట. ఆ తర్వాత, రవీంద్ర జడేజా ఏడవ స్థానంలో, ఆర్ అశ్విన్ 8వ స్థానంలో ఇద్దరు స్పెషలిస్ట్ ఆల్ రౌండర్లుగా కనిపించనున్నారు.

మూడో స్పిన్నర్ కోసం కుల్దీప్ యాదవ్, అక్షర్ పటేల్ మధ్య పోటీ నెలకొంది. అక్షర్ ఇటీవల దులీప్ ట్రోఫీలో బ్యాట్, బాల్ రెండింటిలోనూ తన నైపుణ్యాలను చూపించాడు. అనంతపురంలో అక్షర్ గ్రీన్ టాప్ వికెట్ పై మూడు వికెట్లు పడగొట్టి 86 పరుగులు చేశాడు.

మరోవైపు ఇదే టోర్నీలో కుల్దీప్ తడబడ్డాడు. అయితే 2022 బంగ్లాదేశ్ సిరీస్‌లో కుల్దీప్ ప్రదర్శన అద్భుతం. ఇలాంటి పరిస్థితుల్లో ఇక్కడ కూడా గట్టి పోటీ నెలకొంది. ప్లేయింగ్ 11లో జస్ప్రీత్ బుమ్రా, మహ్మద్ సిరాజ్ ఆడనున్నారు. అలాంటి పరిస్థితుల్లో ఆకాష్‌దీప్‌ బయట కూర్చోవాల్సి రావొచ్చు. ఎందుకంటే, చెన్నై వికెట్ స్పిన్‌కు అనుకూలమైనదిగా పరిగణిస్తున్నారు.

తొలి టెస్టు మ్యాచ్‌లో భారత్ ప్రాబబబుల్ ప్లేయింగ్ 11: రోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్, విరాట్ కోహ్లీ, కేఎల్ రాహుల్/సర్ఫరాజ్ ఖాన్, రిషబ్ పంత్ (వికెట్ కీపర్)/ధృవ్ జురెల్ (వికెట్ కీపర్), ఆర్ అశ్విన్, రవీంద్ర జడేజా, అక్షర్ పటేల్/ కుల్దీప్ యాదవ్, మహ్మద్ సిరాజ్/ ఆకాశ్ దీప్, జస్ప్రీత్ బుమ్రా

తొలి టెస్టు మ్యాచ్‌కు భారత జట్టు: రోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్, విరాట్ కోహ్లీ, కేఎల్ రాహుల్, సర్ఫరాజ్ ఖాన్, రిషబ్ పంత్ (వికెట్), ధ్రువ్ జురెల్ (వికె), ఆర్ అశ్విన్, రవీంద్ర జడేజా, అక్షర్ పటేల్, కుల్దీప్ యాదవ్, మహ్మద్ సిరాజ్, ఆకాష్ దీప్, జస్ప్రీత్ బుమ్రా, యశ్ దయాల్.